JEREMIAH 7:31 - Cho Bible Common Language 2016

³¹ Hinnom khongnawi ung ngami naw Topheth ah ami pyen ah sonkiang co u ne, ami htapami gui la hta hnumi gui cu avan ung mei ung khawihnah ci gui. Kei naw cun ah ami vi vai ah thumkhän kä ka pe gui ci. Cun cu kei ah m’lung ung kä law ge ci.

JEREMIAH 7:31 Referans Kwoze

2 GHANGPUGHANG GUI 23:10

Ghangpughang Josiah naw Hinnom khongnawi ung khongyo ami khawihnah nak ah hmun Topheth cun phi phyek ci. Cun ah kyasei a u naw phi a htapami, a hta hnumi cu khanpughi Molek am khawihnah nak ah kä bi ba ci gui.

JEREMIAH 32:35

Ngami nan Hinnom Khongnawi ung Barla am sonkiang cawh pek ci gui, cun cu malek khanpughi an ami htapami hta hnumi gui ami khawihnah nak vai ah kyak ci. Shin ah ani bi vai ah kei naw thumkhän kä ka bi man ci, ngami naw shin ah mäih ah bi ne Judah chang gui katnak bi sak gui khai ah kä ka ngai man ci.”

2 GHANGPUGHANG GUI 17:17

Ngami naw ami hta hnumi, pami gui cu m’khih-douthak nak ah pyang ne, khongyo khanpughi gui cu khawihnah ci gui; ngami naw khogam ah kai gui, cängbang ci gui cu ng’shikca u ne, ami mät naw ami mät ng’ap u ne, Bawipa täng ah hma cicu bi u ne, am lungshet sak ci gui.

TAIGÜTHUM 18:21

Molek khanpughi khawihnah nak ung mang vai ah, na hta nau cu kä na ap gui vai. Acun naw Bawipa Khanpughi ah a ming ah thuui nak vai cu law püi khai nei.

EZEKIEL 16:20

“Nang naw kei awn mi gah ah hta pami hta hnumi gui la ne agup gui om khawihnah nak ah na douthak ci. Kei ung kä na bekhüt nak ah a shet nak cu kä ng’büh sei ang,

2 SHONTÄP NAK 33:6

Ani naw Hinnom khongnawi ung a hta gui awn m’khih ne douthak ne khawihnah ci. Ani naw kho cuun la khokce ah bi cu bi ne, ng’cängbang ci gui la khogam ah kai gui cu ng’shi k’thäh gui ci. Ani naw akdämduh ah Bawipa hnungtuk püi ne katnak bi ne, ak tung ah m’lungshe sak ci.

2 SHONTÄP NAK 28:3

Hinnom kho ng’nawi ung ang ui m’khih nak phi bik ci. Ani naw shin ah khaw ung Israel gui ami law yah ung shin ah khaw ungka Bawipa naw aktäm gui ah chang gui ah shemshai ciah ami thungyo cu theibang ne, a gup gui am a mät ah hta gui hngaw m’khih ne douthak nak ah bik ci.

THULÄÄN NAK 12:31

Ngami naw ami khanpughi gui ami khawihnah ah mäih ah Bawipa nami Khanpughi cu kä nami khawihnah vai. Ami khanpughi gui ami khawihnah nak ung ngami naw Bawipa ah thüi nak ah shemshai ci phung avan bik ci gui. Ngami naw ami sonkiang khan ah mei ung ami hta nau gui hngaw khawihnah ci gui.

THULÄÄN NAK 17:3

Cun cu a hei khanpughi gui, kä cun ung khohni, kä cun ung cha, kä cun ung aisi gui khawihnah ne, ami bii bi ne, Bawipa ah thukhän a hnu ng’hlah nak püi ah kyak ci.

2 GHANGPUGHANG GUI 23:20

Ani naw khongyo taigü gui avan cu ami bii bi nak ah sonkiang ung ngawn gui ci, ani naw chang ah guh gui cu sonkiang päng ung m’khih ci. Cun kawn ah Jerusalem ah hteit ba ci.

JEREMIAH 19:2

potsherd m’kawt un glut law ne Hin nom khaw ng’nawi ah ka hteh vai ah na pyen nak ci. Acu ah ani naw ana pek ah thu cu ka ng’shäu khai ah kyak ci.

JOSHUA 15:8

Cunka naw hang kai ne, khawgui ah ahtum Hinnom khaw nawi kaan ne gawk ci, acun ung Jebusit mang gaw Jerusalem cu om ci. Khawgii cu hang däih vü ne Hinnom khaw nawi akhei täng m’htung lai ung khüt ci, cun cu Rephaim khaw nawi a siiptäng ah a khüt nak ah kyak ci.

ISAIAH 30:33

Cau nu ge ung Assirian mang bawi meinu naw a uih nak vai ah hmun cu pyan pyi ah kyak ci. Cun cu thuuk ne, ng’shawng ci, awn ung sing akdäm ah pum ah kyak ci. Bawipa naw akdang ung meimlei m’hluh law ne, acun cu m’khih khai.

ISAIAH 57:5

Theingeim ciah nami sing ghing gui ah ka ah ng’yaw ng’pawm u ne m’dekni pyan ah khanpughi cu nami khawihnah ci nei. Nangmi naw tui hta pei ah lungkhui ung nami htanau gui cu khawihnah nak ah nami douthak ci nei.

JEREMIAH 2:23

Na mät naw na mät kä na lelawi sak ciah, Baal kä na khawihnah phung ciah a i hawkcha ah na pyen hlawt ang. Khongnawi ung a i hlawk ah na hmakat cu teng ba ä; na bi gui pyi cu dan ba ä. Nang cu k’cih ciah kalauk ah mäih ah na kyak ci, dawng ne maih ci.

EZEKIEL 20:26

Kei naw ami mät ah douthak awn ami mät lelawi sak gui ne, ami hta-htük gui awn ka khawihnah sak gui ci. Cun cu ngami m’kyuk nak gui la kei cu Bawipa ah ka kyak ah mawng m’hnuh nak gui ah kyak ci.

EZEKIEL 20:31

Tuhngawi phi, nangmi naw acun ah mäih m’cümhnah nak cu douthak u ne, acun ah agup gui am nami hta gui cu mei ung m’khih ne khawihnah u ne nami mät nami lelawi sak ci nei. Cun ung phi nangmi Israel chang gui cu law u ne, kei ah ka ng’yak hlü cu a i ah a kyak cu nami na ng’shi lawk ci nei! Akcang ah kei cu uktu Bawipa, Ghing ciah Khanpughi nei, nangmi naw kei nami na ng’shi vai cu kä ka yum ci nei.

MIKHAH 6:7

Htome phya khak la kä ng’pyi hlawt ciah olive situi ka law püi ung Bawipa cu yei khai aw? Ka cheishoh ka thung nak vai ah ka hta htük cu ka pek khai ma?

THULÄÄN NAK 18:10

Nami sonkiang ah khan ah mei ung nami hta nau gui kä nami khawihnah en vai, nami chang gui am kä nami bi en sak gui vai cu, cäbang nak, cecai nak, taigü m’cu nak,

JEREMIAH 32:34

Ngami naw kei na khawihnah nak vai ah cawh ah Taigüim ung m’shem shai ciah a gup gui cu tha ci gui, Taigüim cu lelawi sak ci gui.