JEREMIAH 7:30 - Cho Bible Common Language 2016

³⁰ “Judah chang gui naw akshe bik ci gui nei. Ngami naw kei naw ka thüi nak ah a gup gui cu ka Taigüim ung tha u ne, Cun cu lelawi sak ci gui nei.

JEREMIAH 7:30 Referans Kwoze

EZEKIEL 7:20

Azan läi kyom ciah ami pyü lung awn khähghah man ci gui te, cun ung phi ngami naw cun gui cu shemshai ciah a gup gui pyan nak ung mang ci gui. Cun ah kyasei Bawipa naw ami khawh cu ami mät ng’nawk sak gui khai ah bik ci.

JEREMIAH 32:34

Ngami naw kei na khawihnah nak vai ah cawh ah Taigüim ung m’shem shai ciah a gup gui cu tha ci gui, Taigüim cu lelawi sak ci gui.

DANIEL 9:27

Cun ah uktu naw chang akda gui awn yumnak ät cu kum chih khän sak khai, kum thum la avang a lüng ung ani naw khawihnah nak la douthak nak cu ng’pyi sak khai. Kyihkyawk shemshai vai kyak cicu Taigüim ah a hlüng nak pikbäih ung tha khai gui. Cun cu acun tha ci am Khanpughi naw a pawng püi pek ang pyi nak a bui awt güt ung om khai.”

2 SHONTÄP NAK 33:7

Ani naw Taigüim kyong ah a gup tha ci, cun cu Khanpughi naw David la a hta Solomon am shikcha ah a pyen nak ah hmun ah kyak ci: “Israel pakhui gha lei goi ah khopäng avan ungka, kei na khawihnah nak vai ah hmun ah kei naw ka ghü cu shin ah Jerusalem, shin ah Taigüim ah kyak ci.

2 GHANGPUGHANG GUI 21:7

Ani naw khanpughinu Asherah ah gup cu Taigüim ung tha ci. Cun cu Bawipa naw David la a hta Solomon am ng’thu a pyen nak goi ah kyak ci: “Shin ah Jerusalem, shin ah Taigüim kyong cu Israel pakhui avan ungka, kei ami na khawihnah nak vai ah hmun ah kei naw ka ghü ah kyak ci.

2 GHANGPUGHANG GUI 21:4

Ani khawihnah nak vai ah Bawipa naw a pyen ah hmun ung ani naw Taigüim ung khongyo khawihnah nak ah sonkiang cu co ci.

JEREMIAH 23:11

Bawipa naw pyen ci, “Prophet gui la taigü gui cu khanpughi kaa ah om ci gui; Taigüim kyong ah ngami naw akshe bi u sei ka hmu gui ci.

2 SHONTÄP NAK 33:15

Ani naw Taigüim kyong ah a tha te ah akhohei gui ah khanpughi gui la a gup gui cu k’plon ne, Taigüim ah om nak ah khogui ungka khogam sonkiang gui la Jerusalem a hei hmun gui ungka gui, cun gui avan cu ani naw mang gaw k’pung ah hteh püi neta ghawt yawp ci.

2 GHANGPUGHANG GUI 23:12

Ghangpughang Ahaz ah om nak ah khan, mang im ah ak cih khan ung Judah ghangpughang gui naw ami cawh ah sonkiang gui la Taigüim hmun goi ah anglak ung ghangpughang Manasseh naw a cawh ah sonkiang gui cun phi Ghangpughang Josiah naw phye ne; khui ne ng’pyäuh khai ah ci neta, Kidron Khongnawi ung ghawt ci.

2 GHANGPUGHANG GUI 21:3

Apa Hezekiah naw a phyeet ah khongyo khawihnah nak ah hmun gui cu co ba ci; Israel ghangpughang Ahab naw abi ah mäih ah Baala khawihnah nak vai ah sonkiang co ba ne, khanpughinu Asherah ah a gup phi pyang ci. Manasseh naw aisi gui phi khawihnah ci.

2 SHONTÄP NAK 33:3

Ani naw apa Hezekiah naw am di pyi ah khogam khawihnah nak ah hmun gui cu co ba ci. Ani naw Baala khawihnah nak ah sonkiang gui co ba ci, khanpughinu Asherah ah gup phi pyang ci, aisi gui phi khawihnah ci.

ISAIAH 66:4

Cun ah kyasei ngami ah khan ah kei naw leigai ka law püi khai-cun cu ngami naw ami kyih ah kyak khai — a i ah kyasei ci ung, kei naw khü ung a u kä äi ci, ka ng’thu a u naw kä ngai ci. Ngami ami van naw kä na ngai u ne, akshe bik ci gui.”

JEREMIAH 16:18

Ami katnak la ami cheishoh nak ah phäh ah kei naw a goi ah ka pe gui khai, a i ah kyasei ci ung ngami naw ka chaw cu agup gui awn lelawi sak ci gui, cun gui cu gook ah mäih ah ami ghin nak kä om ci, cun gui cu ngami naw kä hman ciah ami khanpughi gui awn be sak ci gui.”

JEREMIAH 32:35

Ngami nan Hinnom Khongnawi ung Barla am sonkiang cawh pek ci gui, cun cu malek khanpughi an ami htapami hta hnumi gui ami khawihnah nak vai ah kyak ci. Shin ah ani bi vai ah kei naw thumkhän kä ka bi man ci, ngami naw shin ah mäih ah bi ne Judah chang gui katnak bi sak gui khai ah kä ka ngai man ci.”

DANIEL 11:31

Am shah gakap gui naw Taigüim cu shemshai sak khai gui. Ngami naw a hnüüptä khawihnah nak cu düm sak khai gui. Kyihkyawk shemshai vai kyak cicu m’düih khai gui.

EZEKIEL 8:3

Ani naw kut ah mäih lawk cicu shäng ne, ka lusam cu na shum ci. Shin ah mui man gung khanpughi ah mumcha naw kei cu khokhi ung ak hlüng ah na Chang neta Jerusalem ah na hteh püi ci. Ani naw kei cu Taigüim a siiptäng m’kawt valuh nak ung na hteh püi ci, a cun ung khanpughi naw kä a teng hlü ah a gup om ci.