JEREMIAH 7:27 - Cho Bible Common Language 2016

²⁷ “Cun ah kya sei, Jeremiah, nang naw shin ah ng’thu gui avan cu ka chang gui am na pyen nah gui khai, Cun ung phi nang cu kä ning ngai khai gui; nang naw na khü gui khai, cun un phi ngami naw kä ning m’shang khai gui.

JEREMIAH 7:27 Referans Kwoze

ZEKHARIAH 7:13

A i ah kyasei ci ung ka ng’thu cu ngami naw kä ngai ci gui, ngami ah taigü phi kei naw kä ka m’shang gui ci.

JEREMIAH 26:2

Bawipa naw na pyen nak ci, “Taigü Im k’caw ung, ng’tüi neta, khawihnah khai gui ah Judah gaw nu gui ungka lawk ciah chang gui ah ma ah chang gui am na m’thein vai ah kei naw ka ning thumkhän avan cu na ng’shäu vai nei. Api phi kä na k’pawih nak vai nei.

JEREMIAH 1:7

Cun ung phi Bawipa naw kei cu na pyen nak ci, “Nang na hmaw aih ciah kä pyen ä, kei naw ka ning tüih nak ah chang gui ah hteit ne, nang naw na pyen vai ah kei naw ka ning thum khän cu m’thein gui ä.

ISAIAH 65:12

Shin cu nangmi ah ma hmat nak ah kyak ci, nangmi cu ng’sai ung nami sik khai, a i ah kyasei ci ung kei naw ka ning khü gui ung kä nami na m’shang ci, kei naw thu ka pyen ung kä nami ngai ci. Kei kä na ngai ne akshe bi vai u nami ghü ci.

ISAIAH 50:2

“Kei naw ngami ka hun gui khai ah ka hteh shi gui yah ung, a i ah kyasei kä ami na m’shan ang? Kei naw ka khü gui yah ung a i ah kyasei kä ami äi ang? Ngami ka hun nak gui vai ah kei ung thai gui ken aih ne ang? Kei naw ka thumkhän awn tuinu cu ka kawi sak hning ci, tuinu lawng cu khong’gau ah ka kyak sak hning ci, cun ah kya ne tui lawng ung tui kä om sei nga gui sik ci gui.

LAMKTU 20:27

A i ah kyasei ci ung kei naw nangmi am Khanpughi ah ang yaak hlü cu ka ning m’thein gui pyi ah hmawk ah kya ci.