JEREMIAH 7:26 - Cho Bible Common Language 2016

²⁶ Cun ung phi a u naw phi kä na ngai ci, a i ah kä na sui ci. Cun nak vaisü ung nangmi cu ling law pi u ne, nami pupa gui ah ta nami hnungtuk law pi ci.

JEREMIAH 7:26 Referans Kwoze

JEREMIAH 16:12

Cun ung phi nangmi naw nami pupa gui ah ta kapi khai ah nami bik ci nei. Nangmi nami van cu nami m’lung ling ne nami shekhak ci, kei kä na mi na ngai ci.

2 SHONTÄP NAK 30:8

Ngami ah mäih ah nami m’lung kä ling en sä, Bawipa ah thu ngai u ne, Bawipa nami Khanpughi naw ang täih ah a theingcim sak ah Jerusalem Taigüim ah law u ne, nami khawihnah vai, cun ung nangmi ah khan ah ani kä m’lungshe ba khai.

MATTHE 23:32

Nami pughi pa gui naw tün ne ami bi ah katnak cu, ang pyii ung khüt khai ah nami bi vai nei.

JEREMIAH 19:15

m’gäi ciah Bawipa, Israel khanpughi naw ana pyen sak cu chang avan am ka m’thein gui ci. Kei naw ka pyen cu, “kei naw shin ah mang gaw la a pei yung ah gaw nu nü ah khan ah kei naw ka bi vai ah ka pyen ah m’kyuk nak avan cu ka law püi khai, a i ah kyasei ci ung nangmi cu nami m’lung liing sei kei ah ng’thu kä nami ngaih ah phäh ah kyak ci.

JEREMIAH 17:23

Ami pupa gui naw kei ah ng’thu kä ngai ci gui, kei a i ah kä na ngai ci gui. Cun nak vaisü ung ngami cu ami m’lung liing ci; ngami naw kei ah ng’thu kä ngai ci gui, kei ah kä ng’thei thang lawk ci gui.

JEREMIAH 7:24

Cun ung phi ngami naw ng’thu kä ngai u ne, a i phi i ah kä sui ci gui. Cun ak vaisü ung, ling ne shekak ciah ami m’lung naw ami bi vai ah a pyen nak gui cu bik ci gui, ami ni nak vaisü ung shelaw pi ci gui.

ROMAN 2:5

Cun ung phi nang cu lingkeng ciah nam lung om ci, Cun ah kya sei, Khanpughi ah m’lung she nak la düng ciah m’khoichaa nak a gawk law hnüüp ung, nang cu nuipai ciah shet m’kat nak na gah khai.

LAMKTU 7:51

Stephen naw, “Nang mi cu nami ling aih aih ci, na mi m’lung naw Khanpughi kä yum hlawt ci, Khanpughi ah ng’thu phi kä nami yum hlük ci, nang mi cu nami pupa gui ah mäih ah Mumcha Theing cu ang täi sei nami hnu nak ci nei,

MATTHE 21:38

Cun ung phi ngami naw lo mah ah hta cu hmu law u netah, ‘Shin ah chang cu lo mah ah pakhui m’düng khai ah chang ah kyak ci, lawvä, ani cu mi ngawn u ne, ak chaw vai a khawh cham avan mi lak khai nei,’ cine ng’ge u netah,

DANIEL 9:6

Na chang shäm prophet gui cu keimi naw kä kami ngai gui ci, ngami naw nang ah ming awn mi ghangpughang gui, mi uktu gui, mi pupa gui la mi pakhui avan am ng’thu pyen nak ci guii.

JEREMIAH 44:16

“Nang naw Bawipa ah min gung na na m’thein gui ngaih vai ah keimi kami mak ci nei.

JEREMIAH 34:14

khokum chuk ung ami bii bik ciah Hebrew khlei htein phjung akum chin nak päng ung m’hlawt vai. Cun ung phi nami pupa hui naw kei cu ai ah kä na sui ci gui, kei ah pyeu phi kä ngai ci gui.

JEREMIAH 29:19

Shin gui cu ngami ah khan ah kya lawk khai a i ah kyasei ci ung ka Changshäm prophet gui ung kei naw k’pang ne ka pek hui ah ng’thu cu ngami naw kä läk ci gui. Ngami naw ami ngaih vai ah mak ci gui.

JEREMIAH 26:5

Kei naw nangmi am ka ning tüih law gui ah ka changshäm prophet gui ah ng’thu cu nami ngaih nak vai. Ngami ah pyen cu nangmi naw kä nami ngai phung ci.

JEREMIAH 25:7

Cun ung phi ani nami ngaih vai ah nami maa ah pyen ne ani amät naw pyen ci, cun nak vaisü ung agup gui awn ani cu m’lungshe sak u ne, nami khan ah ani ah m’kyuk nak cu nami mät naw nami law püi ci.

JEREMIAH 25:3

“Amon ah hta Josiah Judah ghangpughang ah a kyak nak akum gha lei thum ungka naw kum m’ku lei thum ung, atuh ngawi ung khüt sei, Bawipa naw na ng’thu püi ci, ani naw a pyen phung cu kä hnam ne ka ning m’thein gui ci, cun ung phi nangmi naw a i ah kä nami ngai ci.

JEREMIAH 11:8

Cun ung phi ngami naw kä ngai ci gui, kä läk ci gui. Cun nak vaisü ung chang nü cu ami m’lung ling ne shekha lä ne om ci gui. Kei naw thukhän ami k’paan vai ah ka ng’thumkhän gui ci, cun ung phi ngami naw mak ci gui. Cun ah kyasei cun ung ami guk ah m’kyuk nak avan cu ngami ah khan ah ka gawk sak ci.”

JEREMIAH 6:17

Phyung heng tum ngäng ne ngai khai ah chang tumat cu Bawipa naw m’düih ci. Cun ung phi ngami naw, “kä kami ngai khai nei” cik ci gui.

ISAIAH 48:4

Nangmi cu lingkeng u ne, m’si ah mäih ah kyei ah mäih ah nami m’liu ci, cicu kei naw ka hmat ci.

NG'THU K'THUUK~ 29:1

Ami ning m’düng m’shung päng ung na ling aih ah akyak ung hnüüp ät ung akhui ah na ng’deng khai, kä na tho ba hlawt khai.

NEHEMIAH 9:29

Na m’theingthang gui ami läk vai ah thu na k’bäi gui ci, cun ung phi, na thukhän k’pan cu ghin nak ah lam ah kya pang sei phi, Ngami naw chang ah ng’shei ne na thukhän cu hnungtuk ci gui. Lingkeng u ne, ami m’lung ling ne, na thu ngaih vai ah mak ci gui.

2 SHONTÄP NAK 33:10

Bawipa naw Manasseh la a chang gui cu thukbäi gui sei phi ngami naw ma u ne, kä ngai ci gui.

2 GHANGPUGHANG GUI 17:14

Cun ung phi ngami naw kä ngai ci gui; ngami cu ami Khanpughi Bawipa kä ngaih u ci gui ah ami pupa gui ah mäih ah ami m’lung ling ci nei.

ISAIAH 5:4

Ani ah hmawk ah kei naw ka bi vai häi ci a i om ne ang? A i ah kya gei kei naw ka ngaih u ah mäih ah sapyit akni ah kä m’theih ne, ak thui ah an theih ang?”

JEREMIAH 5:3

Akcang ah Bawipa naw bekhüt nak cu shui ci nei. Ani naw ning m’gein gui sei phi nangmi naw a i ah kä nami ngai ci; ani naw ning deng gui sei phi, nami ng’thei vai ah nami mak ci. Nangmi cu nami m’lung liing sei, nami katnak ungka kä nami ng’hlat law ba ci.

JEREMIAH 6:10

Kei naw ka m’shang ci, “Kei naw ngami ng’thu püi gui ne, ka m’cäi gui ah a kyak ung a u naw kei na ngai khai ang? Ngami cu m’lung liing u ne nang ah thu ngaih vai ha mak cu gui nei; kei naw ka pyen vai ah na na m’thein cu ngami naw gaih tuk ci gui nei.

JEREMIAH 35:15

Kei naw k’täi ne ka changshäm prophet gui avan ka ning tüih law gui ci, ngami naw akshe ah nami htet nak nawng ne ng’düng ci nami loi vae ah ning m’thein gui ci gui. Ngami naw ahei khanpughi gui kä sei nangmi cu nangmi la nami pupa gui am ka pek ah khaw ung hteit ne nami om.” Cun ung phi nangmi naw kä nami na ngai ci, ai ah kä na nami sui ci.

JEREMIAH 35:17

Cun ah kyasei kei, m’gäi ciah Bawipa, Israel khanpughi naw nangmi Judah la Jerusalem ah khan ah kei naw ka shaitak ah dishum nak avan cu ka law püi khai. Kei naw cun cu ka bik khai, a i ah kyasei ci ung kei naw ka ning thu püi gui kä ngai u ne, ka ning khügui ung kä nami äi ci.”

EZEKIEL 20:30

Tuhbäi kei, uktu Bawipa naw ka pyen cu Israel gui am m’thein gui ä. A i ah kyasei nangmi naw nami pupa gui ah katnak cu bi u ne, ami a gup gui ah hnu ah nami gawt gui ang?

ZEKHARIAH 7:11

“Cun ung phi ka chang gui naw ma ne ng’thu kä ngai ci gui, ngami naw ami m’lung khai ci gui.

MALAKHI 3:7

Nangmi gui phi nami pupa gui ah mäih ah ka ng’thukhän cu ng’hlah ta u ne, kä nami k’pang ci. Kei ah ng’hlat law ba vä, nangmi ah ka ng’hlat lawk khai. Cun ung phi nangmi naw, “Nang ah ng’hlah law ba vai ah a i kami bik khai ang?” nami cik ci.

THULÄÄN NAK 8:20

Bawipa ah thu kä nami läk ah a kyak ung, ami ma ung ani naw am di law gui vai ah pakhui gui ah mäih ah nangmi phi ning m’di gui khai.

1 GHANGPUGHANG GUI 14:9

Nang naw na ma ung uk man ci gui ah däm pi khai ah katnak na bik ci nei. Nang naw a gup gui, amüi mah gui khawihnah vai ah pyang ne, na hnungtuk püi ne, na na m’lungshe sak ci nei.

1 GHANGPUGHANG GUI 14:22

Judah chang gui cu Bawipa hnungtuk püi ne hmakak ci gui, ngami naw ami pupa gui ah bi avan ah ta kaa pi ne Bawipa m’lungshe sak ne hnungtuk püi gui khai ah bik ci gui.

2 GHANGPUGHANG GUI 17:15

Ani ah m’shüm thein gui läk vai ah ngami mak ci gui, ani naw ami pupa gui ung abi ah thukhän gui cu ngami naw kä k’pang ci gui, ani ah ng’thukbäi gui phi a i ah kä ngai ci gui. Ngami naw akholä ah kyak ciah a gup gui cu khawihnah u ne, ami mät phi akholä ah kya lawk ci gui, ngami naw ami peileng pakhui gui ah thungyo cu läk ci gui, kä thei gui vai ciah Bawipa ah thumkhän cu kä ngai ci gui.

2 SHONTÄP NAK 33:23

Cun ung phi ani cu apa ah mäih ah kä kya ne, amlung kä neim sak ci, Bawipa ah kä ng’hlat law ba ci, ani cu apa ah däm pi ci ah katnak bik ci.

JEREMIAH 3:13

Na cheishoh la Bawipa na khawpughi na hnungtuk püi nak cu na ng’kiaa vai. Sing fhing ah ka päng ung akhihei khanpughi gui am na m’hni nak na pek la kei ah thumkhän gui kä na läk cu na ng’paa vai, kei Bawipa naw ka pyen nei.

JEREMIAH 9:13

Bawipa naw m’shang ci, “Shin ah a kyak law cu kei ah ka chang gui naw ka peit gui ah ka m’thei thang gui ami nawng düüt ah phäh ah kyak ci nei. Ngami naw kei ah thu kä ngai u ne kei ah pyen kä bik cu gui.

JEREMIAH 22:21

Nami bühmang yah ung Bawipa naw ning thu püi gui ci, cun ung phi nangmi naw ma ne kä nami ngai ci. Nangmi cu nami ghin ah chuih acun ah nami kyak ci; Bawipa cu kä nami läk phung ci.

JEREMIAH 32:23

Cun ung phi ngami shin ah khaw ung law ba u ne, shin ami kaa hak awn ah ngami naw nang ah thumichän kä ngai ci gui, na m’theithang ah mäih ah kä om ci gui; nang naw ami bi vai na pyen cu ngami naw kä bik ci gui. Cun ah kyasei ngami ah khan ah shin ah m’dishum nak avan cu na law püi ah kyak ci.

EZEKIEL 12:2

“Hnicim Chang, nang cu ng’kuknet ciah chang gui ah ng’lung ah na om ci. Ngami cu ami mik om sei phi, a i kä hmuk ci gui; ngami cu ami hnga om sei phi, a i ka ng’yak ci gui, a i ah kyasei ci ung ngami cu ami küknet ah phäh ah kyak ci.

EZEKIEL 12:3

“Tuhbäi hnicim Chang, khüi kha Chang ah mäih ah htun kpi ä. Khaw kä amü pha ung tün ne hteitä. Nang naw shin nawng shüt ne a hmun hei ah na hteh cu chang nü naw ning hmu sä. Cun ah ng’küknet ci gui naw ning hmat u sä.

HOSEA 11:7

Ngami naw kei nahlawi u ne na ng’hlah tak ci gui. Ami khan ah thapo ang taih ah phäh ah ngami cu kyap khai gui. Cun ung phi a u naw phi ami khan ungka kä chaan pe ba gui khai.