JEREMIAH 7:25 - Cho Bible Common Language 2016

²⁵ Nami pupa gui Egypt kho ungka ami law ba ungka naw tuhbäi ung khüt ciah, kei ne ka changshäm gui, prophet gui nangmi am ka tüih law nak cu ka pang lä ci.

JEREMIAH 7:25 Referans Kwoze

JEREMIAH 25:4

Bawipa naw a changshäm prophet gui k’täi ne ning tüih law gui sei phi nangmi naw kä nami ngai ci, a i ah kä nami sui ci.

2 SHONTÄP NAK 36:15

Ami pupa gui ah Khanpughi Bawipa naw a chang gui m’hting gui khai ah prophet gui cu tüi law gäk ci, a i ah kyasei ci ung ani naw ngami la Taigüim cu gun gui vai ah ng’ya hlük ci.

EZEKIEL 2:3

“Hnicim chang, kei naw Israel Chang gui ah ka ning tüi ci nei. Ngami cu ami pupa gui ah mäih ah kya u ne, kei na kuknet püi u ne, hnung tuk ne na ng’hla ta u ne, tuä güt na küknet püi ci gui.”

JEREMIAH 7:13

Nangmi naw shin ah katnak gui avan nami bik ci, kei naw leng ba ba ne ning thu püi gui ngä sei phi ma ne kä nami ngai ci. Kei naw ka ning khü gui ung nangmi naw kä nami m’shang ci.

NEHEMIAH 9:26

Cun ung phi na chang gui naw ning küknet püi u ne, na ng’thu kä ngai ci gui; Nang ah thukhän cu ng’hlah tak ci gui. Ng’thu k’bäi gui ne, nang ah ami ng’hlah law ba vai ah pyen ah gui ciah prophet gui cu ngami naw ngawn ci gui. Ngami naw leng ba ba ne ning yawshe nak ci gui,

NEHEMIAH 9:30

Kum law ba kum law ba sei nang naw m’lung sau ne na m’cäi gui ci. Nang naw na prophet gui ami ng’thu vai na m’shum phyuk gui ci, cun ung phi na chang gui cu pang ci gui, cun ah kyasei nang naw a hei pakhui gui am na näng sak gui ci.

EZRA 9:7

Cau kami pupa gui ung tün ne tuhbäi ung khüt khai ah keimi na na chang gui cu, aknui ah kami kak ci nei, Kami kat ah hmawk ah keimi, kami ghangpughang gui la kami taigü gui, khaw hei ghangpughang gui ah kut ung, kami gawk ci nei. Ami na ngawn shep gui, ami na guttep gui, la pha ne ami na hteh püi gui ah kyak ci nei.

THULÄÄN NAK 9:7

“Bung ah Bawipa nami Khanpughi m’lungshe khai ah a i hawkcha ah nami bi cu kä nami m’hnih vai. Egypt khaw nami hteh tak ah hnüüp ung tün ne a shin ung nami gawk law nak ah hnüüp ung khüt sei, nangmi naw ani cu nami hnungtuk püi ci.

LUKA 11:49

Ashin ah mawng Khanpughi naw ng’thu thuuk ung a pyein cu, “Kei naw ngami ah ng’lung ah profet gui la ng’shä gui cu ka tüi gui khai, ngami naw amshah cu ngawn u ne, amshah cu k’shedam nak khai gui.

2 SHONTÄP NAK 24:19

Bawipa naw prophet gui tüi ne ani ah ami law ba vai ah m’cäi gui ci, cun ung phi chang gui naw ami ngaih vai ah mak ci gui.

ISAIAH 5:4

Ani ah hmawk ah kei naw ka bi vai häi ci a i om ne ang? A i ah kya gei kei naw ka ngaih u ah mäih ah sapyit akni ah kä m’theih ne, ak thui ah an theih ang?”

JEREMIAH 11:7

Kei naw Egypt ah ka ami pupa gui ka law püi ba gui sangung kei naw ami na ngaih vai ah akni ah m’cäi gui ne, kei naw acun ah hnüüp güt ung chang gui m’cäi gui ne ka k’paang gui ci.

JEREMIAH 25:3

“Amon ah hta Josiah Judah ghangpughang ah a kyak nak akum gha lei thum ungka naw kum m’ku lei thum ung, atuh ngawi ung khüt sei, Bawipa naw na ng’thu püi ci, ani naw a pyen phung cu kä hnam ne ka ning m’thein gui ci, cun ung phi nangmi naw a i ah kä nami ngai ci.

JEREMIAH 29:19

Shin gui cu ngami ah khan ah kya lawk khai a i ah kyasei ci ung ka Changshäm prophet gui ung kei naw k’pang ne ka pek hui ah ng’thu cu ngami naw kä läk ci gui. Ngami naw ami ngaih vai ah mak ci gui.

JEREMIAH 35:14

Jonadab htangshon gui naw, sapyit tui kä awk vai ah ani ah thumkhän cu ngai ci gui, tuh ngawi güt ung a u naw phi kä awk ci gui. Cun ung phi kei naw k’pang ne ning thu püi gui ngä sei phi, nang mi naw kä nami ngai ci.

JEREMIAH 35:15

Kei naw k’täi ne ka changshäm prophet gui avan ka ning tüih law gui ci, ngami naw akshe ah nami htet nak nawng ne ng’düng ci nami loi vae ah ning m’thein gui ci gui. Ngami naw ahei khanpughi gui kä sei nangmi cu nangmi la nami pupa gui am ka pek ah khaw ung hteit ne nami om.” Cun ung phi nangmi naw kä nami na ngai ci, ai ah kä na nami sui ci.

JEREMIAH 44:4

Kei naw ka changshäm gui prophet gui cu ka ning tüih lawk ci, ngami naw shnah kyihkyawk vai kyak cikei naw ka thüi nak gui cu kä nami bi vai ah ning m’thein gui ci.

HOSEA 12:10

“Kei naw prophet gui cu ng’thu püi gui ne, muimang akda ka pe gui ci, prophet gui ung ka chang gui cu ng’thukbäi ka pe gui ci.

AMOS 2:11

Kei naw nami hta gui am shah cu prophet ah ka ghü gui ci, chang nong am shah cu Nazirit ah ka ghü gui ci. Israel chang gui aw, shin cu kä hman ne ang? Kei, Bawipa naw ng’thu ka pyen ci nei.

MALAKHI 3:7

Nangmi gui phi nami pupa gui ah mäih ah ka ng’thukhän cu ng’hlah ta u ne, kä nami k’pang ci. Kei ah ng’hlat law ba vä, nangmi ah ka ng’hlat lawk khai. Cun ung phi nangmi naw, “Nang ah ng’hlah law ba vai ah a i kami bik khai ang?” nami cik ci.

HOSEA 11:7

Ngami naw kei nahlawi u ne na ng’hlah tak ci gui. Ami khan ah thapo ang taih ah phäh ah ngami cu kyap khai gui. Cun ung phi a u naw phi ami khan ungka kä chaan pe ba gui khai.