JEREMIAH 7:23 - Cho Bible Common Language 2016

²³ Cun ung phi ka ng’thu ami ngaih vai ah ka thumkhän gui ci, cun ah kyasei kei cu ngami ah Khanpughi ah ka kyak ci, ngami cu kei ah chang ah kyak khai gui. Kei naw kei ah ka thumkhän ah mäih ah ami om vai ah ja pyen ah gui ci, cun un apäng avan cu akni ah kyak khai.

JEREMIAH 7:23 Referans Kwoze

PHYAWN NAK 15:26

Ani naw, “Hman ciah ka ng’thu ah mäih ah bi nak la ka ng’thumkhän k’pan nak awn akbe ah nami na läk ah a kyak ung Egypt gui ah khan ah ka yuk chah law ah leigai ah mäih, api awn phi kä ka ning m’kyuk gui khai. Kei cu nangmi ning gai sak gui ciah Bawipa ah ka kyak ci” cik ci.

THULÄÄN NAK 5:33

Avan nami läk vai, cun ung a päng avan cu nangmi ung nik khai. Cun ung nang mi naw nami khäm law vai ah khaw ung nangmi cu k’täi ne nami om khai.

JEREMIAH 42:6

Keimi kä ana yei sak gui ung phi, ana yei sak gui ung phi keimi naw k’thäh u ngä sei na k’taigü nak ah Bawipa mi khanpughi cu kami ngai khai nei. Ani kami ngaih ah a kyak ung keimi ah khan ah avan cu bä khai nei.”

HEBRU 5:9

Bawipa cu kümbe nak a gah kawn ah, ang thu ngai ciah chang gui-am, angtäi hun nak pe gui ciah ang yung ah kya lawk ci.

THULÄÄN NAK 6:3

Shin cungai vä, Israel chang gui, Läk vä, avan nangmi ung ni ne bä khai nei. Nangmi cu m’gäi ciah pakhui ah nam kya lawk khai. Bawipa mi pupa gui ah Khanpughi ah shaitak ah mäih ah nangmi cu bühmang ne anglei nik ciah khaw ung nami om khai.

THULÄÄN NAK 30:20

Bawipa nami Khanpughi cu m’hni yum vä, a bet ng’yah vä, bekhüt vä, cun ung nangmi ah nami htangshong gui cu nami pughi gui Abraham, Issak, la Jakob am apet ah kho ung ghi ne nami ghing khai.

THULÄÄN NAK 13:4

Bawipa cu läk vä, ani cu m’taam vä, a pyen ah om ne ang thumkhän cu k’pang vä. Ani khawihnah ne ani ung bekhüt vä.

JEREMIAH 11:4

Cun ah thukhän cu cun ah khaw cu ngami ah phäh ah mei cang ah mäih ah mäih ah kyak ci. Egypt khaw ungka ka law püi ba gui yah ung ami pupa gui am ka pek gui thumkhän ah kyak ci. Kei ami na ngaih vai la kei ah ka thumkhän nü ami bi vai ah kei naw ka m’thein gui ci. Ka m’thein gui ci, kei amo na ngaih ah a kyak ung ngami cu kei ah chang ah kyak khai gui, kei cu ngami ah Khanpughi ah ka kyak khai.

THULÄÄN NAK 5:29

Ngami naw a shin ah mäih bäng angtäi sei ami ngaih ah a kyak ung, ngami naw angtäi sei kei bäng nam tamkhah u neka thumkhän avan ami läk ah a kyak ung, ngami la ami htangshon gui ah phäh ah khaw ng’län ung a päng avan cu nik khai nei.

2 KORIN 10:5

Keimi naw kä nik ciah ng’cuhcan nak gui; Khanpughi ah mawng hmuhmat nak gui shungshet ciah om she nak gui kami m’shet yawp ci nei. Chang ah ngaihtüh gui phung cu pha ne k’pang ne, Bawi Khrih cu kami läk sak ci nei.

THULÄÄN NAK 30:2

Nangmi la nami htangshon gui cuBawipa ah ng’hlat ba u ne, tuhngawi kei naw ka ning pek gui ah ang thumkhän gui cu nami m’lung kyong avan awn nami läk ah a kyak ung,

JEREMIAH 11:7

Kei naw Egypt ah ka ami pupa gui ka law püi ba gui sangung kei naw ami na ngaih vai ah akni ah m’cäi gui ne, kei naw acun ah hnüüp güt ung chang gui m’cäi gui ne ka k’paang gui ci.

THULÄÄN NAK 30:8

Cun ung nangmi naw ani ah thu ngai ba u ne, tuhngawi kei naw ka ning pek gui ah ang thumkhän avan cu nami k’pang khai.

ROMAN 16:26

Cun ung phi tuhbäi chü, cun ah ng’yih ciah ng’düng nak cu profet gui ah guk ah cacim ung dang yawp pyi ci nei. Ang täi ah ghing ciah Khanpughi ah thukhän awn, kho avan ung chang avan naw hmat ne, yum ne, ami läk vai ah cun ah ng’düng nak cu ng’shäu ne pyein pyi nei.

THULÄÄN NAK 4:10

Sinai M’htung ah Bawipa nami Khanpughi ah ma ah nami düih nak ah hnüüp ah mawng, cun yah ung ani naw ana pyen nak cu ‘Chang gui bum gui vä, kei naw ka pyen law vai cu ngami naw ami ng’yak vai ka ng’ya hlük ci nei. Cun ah kyasei ami ghin nak chuih kei ami na läk vai cu ng’thei khai gui, ami hta nau gui phi acun ah ami bi vai ah m’thein gui khai gui.

JEREMIAH 31:33

Kei naw Israel chang gui awn ka bi vai ah thukän thai cu shin ah kyak ci: kie naw ka thukhän cu ami kyong ung tha ne, ami m’lung ung ka guk khai, kei cu ngami ah kanpughi ah ka kyak khai, ngami cu kei ah chang ah kyak khai gui.

THULÄÄN NAK 11:27

Hriham, Tuhngawi kei naw ka ning pek gui ah Bawipa nami Khanpughi ah thumkhän nami läk ung nami gah khai.

THULÄÄN NAK 5:16

“Na nu la na pa na chang m’sui vai. Kei, Bawipa na Khanpughi naw ka ning thumkhän ci. Cun ung nang ung avan bä nak om khai. Kei naw ka ning pek ah khaw ung ghing shou ne na om khai.

PHYAWN NAK 16:32

Moses naw, “Bawipa naw manna m’htut amshah mi gim vai ah thumkhän ci nei. Cun cu mi hta ng’shon gui am mi gim pek gui vai, ani naw Egypt khaw ah ka, ana law püi ba gui ung bungpuk ah ei vai ana pek gui cu ami hmuh tu vai ah hmawk ah kyak ci.

1 SAMUEL 15:22

Samuela naw, “A i ang Bawipa naw a yum pi; ang thu ngaih ang, khawihnah dou thak ang? Htome ak bä pi awn khawihnah ah ta ang’thu ngaih cu bä pi ci nei.

SAM 40:6

Nang naw ghutha la vawih peh cu kä na ng’ya hlük ci nei; Nang naw khiksei ngawn ne m’khih ne, kiang ung taih la kat phyawn nak ah ghutha cu kä na k’thäh ci nei. Cun ung phi na ng’thu ng’yak vai ah hnga cu na na pek ci nei,

SAM 81:13

Ka chang gui naw ami na ngaih vai ka m’hni aih ci; ami na läk vai phi ka m’hni aih ci nei!

ISAIAH 3:10

Düng ciah chang gui cu yeikyai khai gui, amawng avan cu ngami ah hmawk ah nik khai. Ngami cu ami bi ah kmawk ah yeikyai khai gui.

JEREMIAH 13:11

Sui k’tawi cu khei ung htek khai ah pin ne ciah mäih, Israel la Judah chang gui ami van cu kei ung ami kawp vai ah kei naw ka ng’ya hlük ci. Cun ah kei naw ka bi cu ngami ci kei ah chang ah kya u ne, kei ah ming m’hlüngtai nak vai la m’tamkhah nak vai ami law püi vai ah kyak ci; cun ung phi ngami naw kei kä na ngai ci gui.

JEREMIAH 22:3

Kei, Bawipa naw ka ning thumkhän gui ci, taga ci la dung cicu nami bi vai. Nangmi naw ami m’hleei ah chang cu m’hleei ciah chang ungka nami shungvong vai. Akhohei chang gui, hmeihta gui, hmei nu gui cu, akshe ah kä nami om nak gui vai, kä nami shedam nak gui vai: shin ah theing-cim ciah hmun ung changni gui cu kä nami ngawn gui vai.

JEREMIAH 24:7

Ngami am kei Bawipa ah ka kyak ah ami hmat nak hlü cu ka pe gui khai. Cun kawn ah ngami cu kei ah chang ah kyak khai gui, kei cu ngami ah khanpughi ah ka kyak khai, a i ah kyasei ci ung ngami cu ami m’lung kyong avan awn kei ah ng’hlat law ba khai gui.

JEREMIAH 38:20

Kei naw pyen ne, “Nang cu ngami am kä ning ap khai gui nei. Bawipa ah ng’thu na ngaih vai ah ka ning m’cäi ci nei; cun ung avan cu bä khai, nang ah ghin nak phi phyawng khai nei.

ZEPHANIAH 3:2

Bawipa ah ng’thu kä ngai ne am cäi kä dou ci. Bawipa cu kä ngaih u ci, am htei vai ah kä ng’zoi thäh ci.

ZEKHARIAH 6:15

A shou nak ah om ciah chang gui cu Bawipa ah Taigüim cawh ba nak ung law u ne bilo tuk khai gui. Shin nami cawh ba yawp ah a kyak ung, a hlüngtai säih Bawipa naw, nangmi ah kei ana tüih law ah mawng cu, nami hmat khai. Nami Khanpughi Bawipa ah thumkhän cu, akbe ah nami läk ah a kyak ung shin gui avan cu gawk lawk khai nei.

ZEKHARIAH 7:7

Shin cu om law htük ciah prophet gui ung Bawipa naw ng’thu a pyen ah kyak ci. Cun cu Jerusalem a bämang yah ung, chang gui ami kümbe yah la chang gui akda cu Mang gaw pei ah gawnu gui bäng ah kä kya ne, a htum lam la akhei lam khaw ng’nawi ung ami om yah ung ah kyak ci.

THULÄÄN NAK 4:40

Kei naw tuhngawi ka ning pek gui ah ang thukhän avan cu läk vä. Avan cu nangmi la nami htangshon gui ung akni ah hteit khai. Bawipa nami Khanpughi naw khong län ung nami kaa nak vai ah a ning pek gui ah khaw ung nangmi cu k’täi ne nami om khai.”

THULÄÄN NAK 13:5

Cun ung phi changshäm ah nami kyak nak ah Egypt khaw ah kaa ning gung gui ciahBawipa hnungtuk püi ne, ng’thu ning m’thein gui ciah mang phlan ci, kä cun ung, prophet cu sih nak nami pek vai nei. Cun ah mäih cu changshe ah kyak ci. Cun ah chang naw, Bawipa naw nami om ih vai ah a ning thumkhän gui ah ghin nak ungka a lam hei ung ning hteh püi gui ci nei. Ani cu ngawn vai, cun cu shin ah akshe nami mät ungka nami nawt heng ah kyak ci.

JOB 36:11

Ngami cu Khanpughi ngai ne abii ami bi ah akyak ung, ngami cu ding gei sei büh mang ne om khai gui.

SAM 119:3

Ngami cu cheishoh nak kä bi phung ci gui; Bawipa ah lam ung hteit ci gui.

JEREMIAH 22:21

Nami bühmang yah ung Bawipa naw ning thu püi gui ci, cun ung phi nangmi naw ma ne kä nami ngai ci. Nangmi cu nami ghin ah chuih acun ah nami kyak ci; Bawipa cu kä nami läk phung ci.

JEREMIAH 32:23

Cun ung phi ngami shin ah khaw ung law ba u ne, shin ami kaa hak awn ah ngami naw nang ah thumichän kä ngai ci gui, na m’theithang ah mäih ah kä om ci gui; nang naw ami bi vai na pyen cu ngami naw kä bik ci gui. Cun ah kyasei ngami ah khan ah shin ah m’dishum nak avan cu na law püi ah kyak ci.