JEREMIAH 7:21 - Cho Bible Common Language 2016

²¹ Ka chang gui, aw shah khawihnah nak cu soukiang ung avan nami m’khih vai, amshah cu nami ei vai ah ning k’bäi gui nei. Cun ung phi kei Bawipa naw ka pyen cu nangmi naw avan nami ei vai ah kyak ci.

JEREMIAH 7:21 Referans Kwoze

HOSEA 8:13

Ngami naw khawihnah nak cu na douthak u ne, Khawihnah nak ah asa cu ei ci gui. Cun ung phi kei Bawipa naw kä ka yei na gui ci. Tuhbäi ngami ah kat nak cu shüm pe gui ne, acun ah phä ah ka m’kyuk gui khai. Kei naw Egypt khaw ah ka tüi ba gui khai.

JEREMIAH 6:20

Sheba ah ka ami law püi ah tui ng’ui ah phi kia, asho nak kho ah ka tui ng’ui gui ah phi kia, kei naw a i ah kä ka ngai ci! Ngami ah douthak cu kei naw kä ka dou khai, ami khawihnah nak ah phäh ah kei kä ka zeikia khai.

ISAIAH 43:23

Nangmi naw m’khih ne douthak ah htome cu kä nami na thak law ci nei; Nami khawihnah nak awn kei cu kä nami na m’tamkhah ci nei. Douthak vai gui k’thäh ne nami phuih kä ka gih sak ci, ang ui gui k’thäh ne kä ka ning yaica sak gui ci.

JEREMIAH 14:12

Ngami ei ami hlawi ung phi kei naw ka m’htei gui vai ah ngami naw ami k’thäh cu kä ka ngai khai; ngami naw m’khih ne douthak nak la htang-douthak nak ami na douthak law ung phi kei naw kä ka yei na gui khai. Cun nak vaisü ung ng’tuk nak, ei cawi nak la gawpai nak awn kei naw ka ngawn gui kei.

EZEKIEL 33:25

“Kei uktu Bawipa naw ka pyen cu m’thein gui ä: Nangmi naw si om ge ciah asa cu nami ei ci. Agup gui nami khawihnah ci, chang nami ngawn ci. Cun ah kyasei, a i ah kyasei shin ah khaw cu nami kaa ah nami ngaih ang?

THULÄÄN NAK 12:27

Bawipa ah sonkiang avan m’khih vai ah khawihnah nak cun phi acu ah douthak vä. Si k’peh nak ah sonkiang la me nami ei nak ung khawihnah nak cu, nami douthak vai.

SAM 50:8

Na ghutha nak, angtäi sei mei awn m’khih ne, na law püi ah hmawk ah kä ka ning gen ci.