JEREMIAH 7:20 - Cho Bible Common Language 2016

²⁰ Cun ah kyasei kei uk ciah Bawipa naw shin ah Taigüim ah khan ah nui ciah ka m’lungshe nak cu ka yuk lawn khai nei. Kei naw chang gui la khisa gui ah khan ah atäng ah ka yuk lawn khai, sing ghing gui la geit kaw gui ah khan ah phi ka lawn khai. Kei ah ka m’lungshe nak cu a u naw kä a m’sih hlawt ah mei ah mäih ah kyak ci.

JEREMIAH 7:20 Referans Kwoze

JEREMIAH 42:18

Bawipa, Israel khanpughi naw pyen ci, “Kei ah ka m’lungshe nak la ka nget ngawn nak naw Jerusalem chang gui a shawi gui ah mäih, Egypt ah nami hteh ung läi nami khan ah ka nget ngawng nak naw ning shawi gui khai nei. Nangmi ui a teng she ah nami kyak khai; Chang gui naw ning giah m’gin gui ne, nami ming cu plah taam nak ah mang khai gui. Nangmi naw shin ah hmun cu kä nami hmu tu ba khai.”

JEREMIAH 17:27

Cun ung phi ngami naw ka ng’thu ngai u ne, kyin hnüüp cu theingthap ciah hnüüp ah ami k’bäi vai. Ngami naw cun ah hnüüp ung Jerusalem m’kawt gui kan ne a i phuih phi kä ami phuih en vai, ami phuih ah a kyak ung Jerusalem m’kawt gui cu kei naw mei awn ka m’khih khai. Jerusalem mang im gui cu mei naw ui khai, cun ah mei cu a u naw kä m’sih hlawt khai.

ISAIAH 42:25

Cun ah kyasei am lungshe nak ah aktawt cu mi gah ne, ng’hnüüt ciah ng’tuk nak ung mi yai ca ci. Ani ah m’lungshe nak naw Israel khaw avan cu mei ah mäih ah ui ci. Acun ungka, mikmi naw mi ng’thei nak a i phi kä om ci.

NAHUM 1:6

Ani am lungshe ung a u ghing ba hning khai aw? Kyih shek ciah am lungshe nak ung a u om hning khai aw? Ani naw mei ah tawt ciah am lungshe nak am hluh Law ung kheng lung cu thüng ne ama ah m’vut ah kyak khai gui nei.

EZEKIEL 22:22

Ngui cu meibum ung m’shiüi ah mäih ah ngami cu Jerusalem ung ng’phiüi sak gui vai nei. Cun kawn ah ngami naw Bawipa ah m’lungshe nak khan ci gui cu hmat khai gui.”

NG’ÄI KYAH 4:11

Bawipa naw akbe ah aktut ah m’lungso nak cu ng’hlat ne k’phian ci. Ani naw Zion ung mei cik sei, acun naw m’dek ung gawk khai ah ui ci.

JEREMIAH 44:6

Cun ah kyasei kei naw ka m’lungshe nak la ka nget ngawng nak cu Judah gaw nu gui la Jerusalemlam gui ah khan ah yuk shawi ne, meiawn ka m’khih khai. Cun gui cu dishum u ne, tuh ngawi hmuh ah mäih ah teng dam vai ah kyak ci gui.

ISAIAH 66:24

Ngami ami hteh ba ung, kei na hnungtuk küknet püi ci gui ah ami gook gui cu hmuk khai gui. Cungui ei ciah m’kyiit gui cu kä ci phung khai gui, cun gui ui ciah mei phi kä phät phung khai. A cun gui hmuk ciah hnicim chang avan cu shemshai gui khai. Prophet Isaih ah caa gui ng’pyi ci.

2 GHANGPUGHANG GUI 22:17

Ngami naw kei na hnungtuk püi u ne, a hei khanpughi gui am khawihnah nak douthak ci gui, cun ah ami kyak gui avan naw kei cu na m’lungshe sak ci. Kei ah m’lungshe nak cu tho ne Jerusalem hnungtuk püi ci nei, cun cu kä dim hlawt khai nei.

THU PHLAAN 14:10

Khanpughi ah m’lungshe nak ah khap ung kaa, nuipi ciah am lungshe nak ah kyak ciah sapyit tui cu awk khai nei. Cun awk ciah chang cu theing ciim ciah khankho chang la Htomehta ah maa ah yaam mei awn huut ne dukdeiu nak gah khai gui nei.

MALAKHI 4:1

Hlüngtai ciah Bawipa naw, “Chang ah ng’shei ci gui la changshe gui cu khu chawng mei naw a uih ah mäih ah a uih sak gui vai ah hnüüp gawk lawk ci nei. Cun ah hnüüp ung ngami gui cu ui gui yawp khai, a i phi kä k’pawih ba khai.

DANIEL 9:11

Israel gui ami van naw na thukhän m’shet u ne, nang ah thu pyen ngaih vai ah mak ci gui nei. Keimi naw hmaka u ne kami ning hnungtuk püi ci, cun ah kyasei nang naw na chang shäm Mosesah thukhän ung guk ah mäih ah phyun tam nak cu keimi ah khan ah na law püi ci.

JEREMIAH 14:16

Ngami naw shin ah mawng ami m’thein gui ah chang gui phi ngami ah mäih ah ngawn gui vai. Ngami ah pumsa gui cu Jerusalem lam gui ung ghawh gui vai, cun gui cu a u naw kä phuh gui khai. Cun gui cu ami van ah khan ah gawk khai — ami chu gui, ami htapami gui, la ami hta hnumi gui ah khan ah gawk khai. Ami shekat nak ah phu ami gah vai ah kei naw ka bi gui khai.”

JEREMIAH 12:4

Kami khaw cu a i güt ung chawng ne, lolai päng ung khu mghaw gui cu a i güt ung ng’yai khai gui ang? Kami chang gui ah shetkat ah phäh ah khisa gui la kha gui cu sik ci gui nei. Cun gui cu kami chang gui ah katnak ah phäh ah kyak ci, Cun ah chang gui naw, “mikmi ah bilawh cu Khanpughi naw kä hmuk ci nei” cik ci gui.

MATTHE 3:12

Akut ung htang akchü nak vai ah chüdawn kawt ci. Amät ah geitkaw gui cu khäm yawp netah htang ang tak gui cu khei ung thun yawp khai. Ang shi gui läi cu m’sih ne käm khüt vai ah mei awn m’khih yawp khai,” cine m’thein gui ci.

ISAIAH 10:17

Khanpughi, Israel gui ah akdei cu mei ah kya lawk khai nei. Israel gui ah theingcim ciah Khanpughi cu mei m’lei ah kya lawk khai nei. A cun naw hnüüp ät bäng ung ng’hlingcam la hling gui mah mah ah apäng cu ui yawp khai.

JEREMIAH 6:11

Nang ah m’lungshe nak naw hnungtuk püi gui ne kei phi na ui ci nei. Bawipa, kei naw cun cu kä ka kawt ba hning ci nei.” Cun kawn ah Bawipa naw kei na pyen nak ci, “Kei ah ka m’lungshe nak cä lam gui ung om ciah a hmaw gui la ng’bum ciah chang nong gui ah khan ah yuk huk ä. Ami cei gui la ami chu gui phi la yawp khai gui, a ghipa aih gui phi kä k’pawih nak khai gui.

JEREMIAH 6:12

Ami im gui, ami lolai gui la ami chu phi chang hei gui om pe gui khai gui. Shin ah kho ung om ciah chang gui cu kei naw ka m’kyuk law gui khai.

JEREMIAH 8:13

“Lo bik ci naw geit bum ne a khäm ah mäih ah kei naw ka chang gui cu ka khäm gui hlük ci. Cun ung phi ngami cu a hnah ng’yai sei phi kä m’theih ciah sapyit ah mäih, kä m’theih ciah thei ghing ah mäih ah kyak ci gui; cun ah kyasei kei naw khi akpung ah chang gui am khi ka khäm sak gui ah kyak ci.

JEREMIAH 11:16

Kei naw ngami cu a hnah khlum ne akiom ah amtheih awn be ciah Olive sing ah ka khü gui man cu, cun ung phi tuh bäi, khaw hmum kyeek ah mäih ah a hnah gui cu mei awn m’khih ne, ang ban gui cu ka cheiuh khai.

JEREMIAH 17:4

Kei naw ka ning pek gui ah khaw cu nangmi naw nami m’lung si khai. Cun kawn ah kä nami hmat ah khaw ung nami ga gui ah bii nami bik khai ah kei naw ka ning bi gui khai, a i kyasei ci ung kei ah m’lungshe nak cu mei ah mäih ah kyak ci, cun naw khongtän ung ui khai nei.

JEREMIAH 18:23

Cun ung phi Bawipa, kei na ngawn khai gui ah ami pawng m’htein avan cu nah mat ci nei. Ngami ah cheishoh nak kä m’geinsei en gui ä, ami katnak kä k’phiawn en gui ä. Ngami cu hnim ne shum sak gui ä, na m’lungshe nak awn om püi gui ä.”

ZEPHANIAH 1:2

Bawipa naw, “Khomdek khan ung hang om ci avan cu ka m’di khai nei,

TAIGÜTHUM 26:28

kei naw m’lungshe nak awn nangmi ah khan ah ng’hlat law ne, ayan ä kaa ah tah, ak chih ah ka pi khai ah ka ning m’kyuk gui khai.

EZEKIEL 7:12

Akhin cu gawk lawk ci nei. Hleih nak la yoih nak ai ah kä a ng’hmat nak ah a khin cu gawk lawk ci nei, ai ah kyasei ci ung khanpughi ah am kyuk nak cu chang nü ah khan ah atäng ah kya lawk khai nei.

EZEKIEL 7:14

Phyung heng tum ci gui, chang nü cu ng’tuk ge vai ah om ci, cun ung phi ng’tuk nak ah kä hteit ci, ai ah kyasei ci ung khanpughi ah m’lungshe nak cu chang nü ah khan ah atäng tang ah kya lawk khai.

ZEPHANIAH 1:3

chang gui, khisa gui, kha gui, nga gui avan, akshe gui avan ah di nak vai ka law püi khai. Chang pakhui avan ka m’di khai, a u kä k’pawih ba khai. Kei, Bawipa naw ka pyen ci nei.

ZEKHARIAH 7:12

Ami m’sin phi lung ah mäih ah m’liu sak ci gui. A i ah kyasei ci ung cau pui om ciah prophet gui ung ka pek law gui ah m’theithang nak cu ngami naw kä ngai ci gui, kei cu ka m’lungshe lawk ci nei.