JEREMIAH 7:15 - Cho Bible Common Language 2016

¹⁵ Nami mäih yah gui Israel gui ka k’täm ah mäih ah nangmi cu kama ungka naw ka ning k’täm gui khai. Kei, Bawipa naw ka pyen ci.”

JEREMIAH 7:15 Referans Kwoze

JEREMIAH 15:1

Bawipa naw na pyen nak ci, “Ashin ung Moses la Samuela naw ng’düi ne ani na ng’paa nak ung phi kei naw shin ah chang gui am a i m’gein nak phi kä ka m’dang gui khai. Ahei ah hteh sak gui ä; kei ah pei ung ka naw ahei ah hteh sak gui ä.

HOSEA 13:16

Samaria cu kei ana hnungtuk püi ah phäh ah m’kyuk vai nei, a chang gui cu ng’tuk nak ung sik khai gui. Nausen hta gui m’dek vawih na gui khai gui, käumah ciah hnumi gui cu k’daai gui khai gui.”

JEREMIAH 52:3

Bawipa cu Jerusalem la Judah chang gui ah khan ah m’lungshe aih neta, a hmuh nak ung ka naw k’täm gui ci. Zedekiah naw Babilon ghangpughang Nebukhadnezzar cu hnung tuk püi ci.

2 GHANGPUGHANG GUI 17:23

cun cu ak hnu ah Bawipa naw ama ungka naw ak täm gui güt acun ah bik khai ah a changshäm gui la a prophet gui ung ani naw thukbäi a pek gui pyi ah kyak ci. Cun ah kyasei Israel chang gui cu omktu ah kyak khai gui ah Assiria ah ami hteh püi gui ah kyak ci, acu ah tu ä güt om tuk ci gui.

HOSEA 12:1

Israel chang gui naw khawngawi ung ka naw khomü ung khüt khai ah ami bi nü cu akholä dishum sak ciah kyak ci. Ngami cu Assiria gui awn ng’khawtsheng u ne, Egypt gui awn sumlei ci gui.”

HOSEA 9:9

Ngami cu kibeah ung ami om ah mäih ah ami bi nak phung ung ngaih u vai kä om khai ah shekat ci gui nei. Khanpughi naw ngami ah kat nak cu shüm gui ne, a cun ah phäh ah m’kyuk gui ci. Israel gui ah kat nak la A cun ah aphu gui.

HOSEA 9:3

Israel chang gui cu Bawipa ah khaw ung kä om ba khai gui. Ngami cu Egypt khaw ah hteit ba khai gui. Assiria ah ami yeeih ah ei cu ei khai gui.

HOSEA 1:4

Bawipa naw Hosea cu pyen nak ci, “A ming cu Jezreelaa ah sui ä, a i ah kyasei ci ung, kä shou pha sei, kei naw Israel ghangpughang cu ka m’kyuk lawk khai, Cun cu ani ah pughi Jehu naw Jeyreel ung chang gui a ngawn ah phäh ah kyak ci. Kei naw Jehu ah ng’shon cu ka ng’pyi sak khai.

JEREMIAH 23:39

Ngami cu kei naw ang ghit ah zu chang gui ne, kapei ungka naw ahei ah ka gawt gui khai, ngami ami van la ka pek gui ah mang gaw gui la ami htanau gui ah kyak khai.

JEREMIAH 3:8

Judah naw phi hmuk ci, kei naw Israel cu ng’cha püi ne, ahei ah ka k’täm ci, a i ah kyasei ci ung ani naw kei na ng’hla ta ne pawmya chang ah ani cu kya lawk ci, cun ung phi Judah, Israel ah kä bekhüt ciah abe, ani cu kä kyik ci, ani phi pawmya ah kyak ci,

2 SHONTÄP NAK 15:9

Ephraim, Manasseh la Simeon ung chang akda cu Asa ah pei ah law u ne, ani ah uknak khaw ung om tuk ci gui, a i ah kyasei ci ung ngami naw Bawipa naw a om püi cu ami hmuh ah phäh ah kyak ci. Asa naw ngami ami van la Judah la Benjamin ung chang gui cu ng’bum sak gui ci.

2 GHANGPUGHANG GUI 24:20

Bawipa naw Jerusalem la Judah chang gui ah khan ah ang htei ah m’lungshe neta, ani naw amät ungka naw k’täm gui ci.

SAM 51:11

Na ma ungka kä na k’tääm men ä; Na Mumcha Theing kä na lak en pe ba ä.

ISAIAH 7:16

Cun ah khin kä a gawk law pha ung phi, nangmi naw nami kyih ah ghangpughang goi ah ami khaw cu shekak khai nei.

JEREMIAH 9:19

Zion ung ami kyah ah k’aw cu ngai vä: “Kei mi kami di pyi ci nei! Kei mi akbe ah kami thüisei ci nei! Mikmi naw mi kho mi hteh tak khai nei; mikmi ah im gui cu ng’phye pyi ci nei.”

EZEKIEL 23:31

Nang naw na paihta ah khaw neh cu na läk ci, Cun ah kyasei kei naw na awk vai ah m’kyuk nak cu acun ah khap ung ka ning pek khai.”

HOSEA 7:13

“Ngami cu ng’yiin ci gui. Kei cu na hteh ta u ne na hnungtuk püi ci gui. Ngami cu m’di gui vai. Kei naw ka hun gui hlük ci, cun ung phi ngami naw kei ami na khawihnah cu chei ci.

HOSEA 9:13

Bawipa aw ami hta nau gui yäi gui u ne, ami ngawn gui cu keinaw ka hmu gui hning ci nei.

JONAH 2:4

Kei cu na ma ungka na na k’täm ciah ka ngai ci nei na Taigü im theing cu kä ka hmu tuba hlawt khai ah ka ngai ci nei.

JEREMIAH 23:33

Bawipa naw na pyen nak ci, “Jeremiah, ka chang tumat mat naw baw, prophet naw baw, taigü naw baw, ning shi law ne, ‘Bawipa ah thu pyen cu a i ang?’ Nang naw na m’thein vai cu, ‘Nang cu Bawipa ung phuih ah na kyak ci, ani naw nang cu ning k’täm lawk kahi nei.’

EZEKIEL 33:25

“Kei uktu Bawipa naw ka pyen cu m’thein gui ä: Nangmi naw si om ge ciah asa cu nami ei ci. Agup gui nami khawihnah ci, chang nami ngawn ci. Cun ah kyasei, a i ah kyasei shin ah khaw cu nami kaa ah nami ngaih ang?