JEREMIAH 7:14 - Cho Bible Common Language 2016

¹⁴ Cun ah kyasei Shilon ung ka bi amäih ah nangmi naw nami ngaih gep ah shin ah kamät ah Taigüim ung phi ka bik khai nei. Nami pupa gui la nangmi am ka ning pek gui ah shin ah hmun ung Shilon ung ka bi ah mäih ah ka bik khai.

JEREMIAH 7:14 Referans Kwoze

JEREMIAH 7:4

Keimi na hun gui pyi ci! Shin cu Bawipa ah Taigüim nei, shin cu Bawipa ah Taigüim nei, shin cu Bawipa ah Taigüim nei! cine hleehlak ciah ng’thu yum nak cu nami ng’düm vai!

JEREMIAH 7:10

Shin ah kei naw ka thüi nak gui bi u ne, kei ah om nak ah ka mät ah Taigüim ung law ne ng’düi u neta, “Hun nak kami gah pyi ci nei” nami cik ci.

SAM 78:60

Ani naw Shilon ah a phung cu nawng shüt ci, cun cu a om nak püi gui te ah im ah kyak ci.

2 GHANGPUGHANG GUI 25:9

Ani naw Taigüim ni, mang im ni, Jerusalem ung chang vai gui ah im gui avan cu mei awn m’khih ci,

THULÄÄN NAK 28:52

Ngami naw Bawipa nami Khanpughi naw a ning pek gui ah khaw ung, gawnu päng cu tuk khai gui. Nangmi naw nami ngaih u ah hlüng ciah shungpang gui phi ng’kia yawp khai.

EZEKIEL 24:21

nangmi Israel gui am shin ah ng’thu ning m’thein gui vai ah kyak ci. Nangmi cu Taigüim ah khän htek nak awn nami khäh ghah ci. Nangmi naw acun nami teng hlük ci, acu ah nami hteit hlük ci, cung phi Bawipa naw cun cu lelawi law sak khai nei. Jerusalem ung k’pawih ba shüt ciah nami kyong chang ung ak hmaw ba gui cu ng’tuk nak ung ngawn gui khai gui nei.

NG’ÄI KYAH 4:1

Keimi ah pyü ciah ghui cu siim ci nei; Taigüim ung lung gui cu lam gui ung ng’yaih ne ng’yän ci gui nei.

NG’ÄI KYAH 2:7

Bawipa naw a sonkiang cu hnungtuk ne theingcim ciah Taigüim cu ng’gau sak ci. Acun ah paang gui cu ga gui naw ami gäi vai ah ani naw bi sak gui ci. Ayanä mikmi naw yei ne mi khawihnah nak man ung ngami cu näng nak awn m’lau ci gui.

JEREMIAH 26:18

Hezekiah cu Judah ghangpughang ah a kyak yah ung, moresheth ah ka prophet mikah naw chang gui avan a pyen nak gui cu, m’gäi ciah Bawipa naw pyen ci, ‘Zion cu lai ah mäih ah thawn khai gui, Jerusalem cu akshe gui oum ah kyak khai, Taigüim m’htung cu bung ah kyak khai.’

JEREMIAH 7:12

Shilon ah hteit vä, cun cu khawihnah nak vai kei naw ka ghü ah akhtük bäih ah hmun ah kyak ci nei, cun ung a i ka bi cu teng vä, cun cu ka chang gui Israel gui ah hma ah phäh ah kyak ci nei.

ISAIAH 64:11

Kami Taigüim, theingthap ne kyom ciah hmun, kami pupa gui naw ami ning m’hlüngtai nak man cu mei naw m’khih sei di ci nei. Keimi naw kami m’hni ah hmun gui avan cu di yawp ci nei.

2 SHONTÄP NAK 7:21

“Tuhbäi Taigüim cu akdämduh ah mi m’tamkhah ci, Cun ung phi shin sun pah ciah chang nü cu cäi u neta,” A i ah kyasei Bawipa naw shin ah khaw la shin ah Taigüim ah khan ah shin ah abi ang?” cine ng’shik khai gui.

THULÄÄN NAK 12:5

Nami pakhui gui avan ah khopäng ah akpung ahBawipa naw hmun tumat cu ghü khai, acun ung chang gui naw ama ah law ne khawihnah lawk khai gui.

JEREMIAH 23:39

Ngami cu kei naw ang ghit ah zu chang gui ne, kapei ungka naw ahei ah ka gawt gui khai, ngami ami van la ka pek gui ah mang gaw gui la ami htanau gui ah kyak khai.

EZEKIEL 23:31

Nang naw na paihta ah khaw neh cu na läk ci, Cun ah kyasei kei naw na awk vai ah m’kyuk nak cu acun ah khap ung ka ning pek khai.”

JEREMIAH 12:7

Bawipa naw pyen ci, “kei naw Israel cu ka nawng ci nei; kei naw ka ghü ah pakhui cu ka hnungtuk püi ci nei. Kei naw ka m’hni gui ah ka chang gui cu, ami ga gui ah huham ung ka pe gui ci nei.

JEREMIAH 26:4

Bawipa naw chang gui ka pyen nak vai ah na m’thein ci, “Kei, Bawipa naw ka pyen cu, kei naw ka ning pek gui ah m’thei thang nak cu läk u ne, kei cu nami na ngaih vai,