JEREMIAH 7:11 - Cho Bible Common Language 2016

¹¹ Nangmi naw ka Taigüim cu m’guk-ei gui ah ng’thuh nak ah nami ngai ne ang? Nangmi naw a i nami bi cu kei naw ka hmuk ci.

JEREMIAH 7:11 Referans Kwoze

ISAIAH 56:7

“Kei naw theing cim ciah ka m’htung Zion ung ka ning law püi gui khai, taigü nak ah ka cn ung yeikyai nak ka ning pe gui khai, ka mang kiang ung nami douthak law ah khawihnah nak cu kei naw ka dou khai. Kei ah Tigü lm cu chang pakhui avan ung chang gui ah taigü nak ah lm ah khü khai gui.”

MATTHE 21:13

Cun kawn ah Bawipa Jesuh naw, “Cacim ung Khanpughi naw, ‘Ka pum im cu taigü nak ah im ah kya ci nei,’ cik ci. Cun ung phi nangmi naw m’guk ei ah ng’thuh nak ah nami pyang ci nei,” cine kyak na gui ci.

MAKUH 11:17

Cun kawn ah Bawipa Jesuh naw, “Cacim ung Khanpughi naw, ‘Kei ah pum im cu kho nüng ung, chang päng ah taigü nak ah mang im ah sui vai’ ciah om ci. Cun ung phi nangmi naw m’guk ei ah ng’thuh nak ah im ah nami pyang pyi ci nei” cine chang gui cu m’cäi ne m’thein gui ci.

2 SHONTÄP NAK 6:33

Cun ung ami taigü cu ngaih pe gui ä. Khankho na om nak ah ka naw ng’yak pe ne, ani naw na bi vai ah akthäh cu bi pe ä. Cun ung khomdek khan ung om ciah chang gui avan naw Israel chang gui ah mäih ah nang cu ning hmat u ne nang thu phi ngai lawk khai gui. Ngami naw ka cawh ah shin ah Taigüim cu nang ning khawihnah nak ah hmun cicu hmat lawk khai gui.

JOHAN 2:16

Cun kawn ah Bawipa Jesuh naw, “Shin gui avan hteh püi ba vä, Kapa ah im cu sumlei hmun ah kä kyak ci” cine mümkha yoi ci gui-am pyen na gui ci.

JEREMIAH 23:24

Kei naw kä ka hmuh vai ah a u phi kä ng’thup hning ci. Khan kho lo khomdek khongnü ung kei ka om cu kä nami hmat ne ma?

HEBRU 4:13

Khanpughi ah ng’thuh haih ci a i kä om ci a tüi sho phung phung cu a mik ah hmuh ah dang yawp ci. Acun ah kyasei mi bilawh, ngaih tüh gui phung cu Khanpughi-am mi ap khai nei.

JEREMIAH 29:23

Ngami ah ma nak vai cu awn ah kyak khai, ai ah kyasei ci ung ngami naw kyih vai ah kaatnak cu bik ci gui-ngami naw chang ah chuhta kat püi u ne Bawipa ah min gung ami hleei pyen ci gui. A cun ah Bawipa ah angyak hlü cu hnungtuk püi ci; ani naw ngami naw a i ami bi cu hmat ci ani cu ngami hnungtuk nak ung saksi ah kyak ci. Bawipa naw pyen ci.”

JEREMIAH 2:34

Nami suisak gui cu dukhaih ci gui la changnigui ah si awn kawp ci nei, cun cu m’guk-ei gui ah si ah kä kyak ci nei. “Cun ung phi shin gui avan nak vai sü ung.”

JEREMIAH 7:10

Shin ah kei naw ka thüi nak gui bi u ne, kei ah om nak ah ka mät ah Taigüim ung law ne ng’düi u neta, “Hun nak kami gah pyi ci nei” nami cik ci.

EZEKIEL 35:13

Nangmi naw m’ghämce ne, khäh ghah ne, kei na hnungtuk püi ne nami ng’thu cu kei naw ka ng’yak ci.”

ISAIAH 1:12

Kei nami na khawihnah khai ah nami law yah ung, shin gui avan nami law püi vai ah a u naw ang aning k’thäh gui? Kei ah pum im ung tut aat ne nami kyak vai ah a u naw ang aning k’thäh gui?

DANIEL 9:18

Na ngai gui ä, O Khanpughi, na teng gui ä, keimi ah kami khüikha nak la na ming m’küi ciah mang gaw ah yaica nak cu na hmuh pe gui ä. Keimi nang ah kami taigü ci, cun cu keimi naw a hman kami bi ah phäh ah kä kyak ci, nang naw na chimgein ah hmawk ah kyak ci nei.