JEREMIAH 7:10 - Cho Bible Common Language 2016

¹⁰ Shin ah kei naw ka thüi nak gui bi u ne, kei ah om nak ah ka mät ah Taigüim ung law ne ng’düi u neta, “Hun nak kami gah pyi ci nei” nami cik ci.

JEREMIAH 7:10 Referans Kwoze

JEREMIAH 32:34

Ngami naw kei na khawihnah nak vai ah cawh ah Taigüim ung m’shem shai ciah a gup gui cu tha ci gui, Taigüim cu lelawi sak ci gui.

EZEKIEL 23:39

Ngami naw kei ah ka hta gui ngawn ne agup gui ami khawihnah nak ah hnüüp ba ung, ngami cu my lai gü Im ah law ne lelawi sak ci gui!

EZEKIEL 23:37

Ngani cu pletbeng nak la Chang ngawn nak awn chei ci goi-agup gui awn pletbeng u ne, kei awn kami hta gui cu ngawn ci gui. Ngani naw kei ah hta gui awn a gup khawihnah ci goi.

JEREMIAH 34:15

Hnüüp api lung lawk ci ung nangmi nam nami m’lung m’thawng u ne kei ah yei nak vai cu nami bik ci. Nangmi nami van naw nami Israel paw gui m’hlawt gui vai ah nami yum ci, Taigüim kyong kei nami na khawihnak nak, keiah maung nangmi naw thukhän nami bik ci.

JEREMIAH 7:30

“Judah chang gui naw akshe bik ci gui nei. Ngami naw kei naw ka thüi nak ah a gup gui cu ka Taigüim ung tha u ne, Cun cu lelawi sak ci gui nei.

JEREMIAH 7:14

Cun ah kyasei Shilon ung ka bi amäih ah nangmi naw nami ngaih gep ah shin ah kamät ah Taigüim ung phi ka bik khai nei. Nami pupa gui la nangmi am ka ning pek gui ah shin ah hmun ung Shilon ung ka bi ah mäih ah ka bik khai.

JEREMIAH 7:11

Nangmi naw ka Taigüim cu m’guk-ei gui ah ng’thuh nak ah nami ngai ne ang? Nangmi naw a i nami bi cu kei naw ka hmuk ci.

JOHAN 18:28

A ngawi ung kho ngawi hta Bawipa Jesuh cu, Kaiaphas ah im ung kaa naw, gawmang ah im ah hteh püi ci gui. Jew chang ng’vai gui cu phiawn nak mü ei ami ei vai ng’et law sei, ami mät naw ami mät ami yum nak lam awn theing sak hlü u netah gawmang ah im kyong ah kä lut tuk ci gui.

JOHAN 13:18

“Nangmi nami van ka ning pyein gui ah kä kyak ci; ka ning ghü gui ah kyasei ka ning hmat gui yawp ci. Cun ung phi cacim ung, “Kei ah buh ei ci naw kei na khep ba ci nei” cicu kümbe khai nei.

MATTHE 23:13

“Thuvi ciah Pharisee gui la thukhän saya gui, nangmi ung thüinak aih om ci. Nangmi cu khankho ah chang gui naw ami kai nak vai ah m’kawt nami khai ci. Nami mät phi kä nami lut ci, lut hlü ne tha nak ciah chang phi kä nami luh sak ci.

EZEKIEL 23:29

Ngami naw ning thüi na gui ci gui, nangmi naw nami bi phung ngami naw hteh püi khai gui, nak plui ah ning nawng khai gui, pawmzau chang ah mäih ah ak ptui ah nami kyak khai. Na htuk htik nak la na pawnza nak naw

EZEKIEL 20:39

Uktu Bawipa naw pyen ci, “Tuhbäi, Israel gui nami van, nami mät! Hteit u ne nami a gup gui cu khawihnah vä! Cun ung phi kei naw ka ning k’bäi gui cu, cun kawn ah nangmi naw kei nami na ngaih vai, nami agup gui am m’cümhnah nak douthak ne, kei ah ming theing ah thang nami m’shet nak cu nami ng’düm vai.

ISAIAH 48:2

Nangmi naw nami mät cu theing cim ciah mang gaw chang gui ah nami pyen ci, m’gäi ciah Bawipa ming nak ciah Israel khanpughi nami ngaih u ciah pyen ne nami khäh ghah ci.

2 SHONTÄP NAK 33:7

Ani naw Taigüim kyong ah a gup tha ci, cun cu Khanpughi naw David la a hta Solomon am shikcha ah a pyen nak ah hmun ah kyak ci: “Israel pakhui gha lei goi ah khopäng avan ungka, kei na khawihnah nak vai ah hmun ah kei naw ka ghü cu shin ah Jerusalem, shin ah Taigüim ah kyak ci.

2 SHONTÄP NAK 33:4

Ani naw khogam sonkiang cu Taigüim kyong ah co ci, cun ah hmun cu Bawipa naw ani angtäi sei khawihnah nak vai ah a pyen nak ah kyak ci.

2 GHANGPUGHANG GUI 21:4

Ani khawihnah nak vai ah Bawipa naw a pyen ah hmun ung ani naw Taigüim ung khongyo khawihnah nak ah sonkiang cu co ci.

EZEKIEL 33:31

Cun ah kyasei ka chang gui ng’bum u ne, nang naw a i na pyen cu ngai ci gui nei, cun ung phi nang naw ami bi vai na pyen cu kä bik ci gui nei. Ami m’gawng ung m’hni nak ah ng’thu ami pyen ung phi ami ng’yak hlü nak cu bi lä ci gui.

NG'THU K'THUUK~ 15:8

Bawipa naw changniah taigu cu ngai ci, cun ung phi chang shekha ah law pui ah khawihnah nak cu thui nak ci.

JEREMIAH 44:9

Nami pupa gui Judah ghangpughang gui la ami chu gui nang mi la nami chu gui naw Judah gaw nu gui la Jerusalem lam gui ung akshe ami bi gui avan cu nami m’hnih u ne ma?

EZEKIEL 33:25

“Kei uktu Bawipa naw ka pyen cu m’thein gui ä: Nangmi naw si om ge ciah asa cu nami ei ci. Agup gui nami khawihnah ci, chang nami ngawn ci. Cun ah kyasei, a i ah kyasei shin ah khaw cu nami kaa ah nami ngaih ang?

DANIEL 9:18

Na ngai gui ä, O Khanpughi, na teng gui ä, keimi ah kami khüikha nak la na ming m’küi ciah mang gaw ah yaica nak cu na hmuh pe gui ä. Keimi nang ah kami taigü ci, cun cu keimi naw a hman kami bi ah phäh ah kä kyak ci, nang naw na chimgein ah hmawk ah kyak ci nei.

HOSEA 6:9

Taigü gui cu chang guttep khai gui ah ng’mah ci gui ah m’guk ei ng’bum gui ah mäih ah kyak ci gui. Theingcim ciah hmun shekhem ah hteh nak lam ung phi chang ngawn ci gui. Ngaminaw shin ah mäih ah akshe avan cu ngaih-tüh ge neta bik ci gui.

AMOS 4:5

Hteit ma u ne nami m’htut cu Khanpughi am yeikyai nak ah nami douthak vai nei. Akdäm nami law püi ah khawihnah nak ah mawng cu nami shäu vai. Cun cu nangmi naw m’hni ne nami bi hlü ah kyak ci.

ZEPHANIAH 1:5

Im khan ah kai ne khohni ni, cha ni, aisi ni khawihnah ci gui phi ka m’di gui khai. Kei na khawihnah ne bekhüt pang te ne phi, Milak khanpughi ah ming la ba cicu ka m’di khai.

MALAKHI 3:15

Mi hmuh ah mäih ah chang k’om ci gui cu yei ci gui nei. Changshe gui cu ng’bühmang ci gui nei,” nami cik ci.

1 GHANGPUGHANG GUI 9:3

Bawipa naw ani cu pyen nak ci, “Kei naw nang ah taigü ka ng’yak ci. Ngawi yä kei na khawihnah nak vai ah nang naw na cawh ah shin ah Taigüim cu kei naw ka k’bäi ci. Kei naw shin cu a khokphlüt ung ngäng ne ka shungvong khai.

EZEKIEL 5:11

“Cun ah kyasei kei ghing ciah khanpughi-uktu Bawipa ah ng’thu nei-ai ah kyasei ci ung nangmi naw akshe kha avan awn ka Taigüim cu lelawi sak u ne, shemshai ci gui cu name bik ci, kei naw nangmi cu kä Chimgein ne ka ning tupit gui khai.