JEREMIAH 6:8 - Cho Bible Common Language 2016

⁸ Jerusalem chang gui aw, shih ah genbai nak gui cu nangmi ah phäh ah m’kyihm’hting nak ah kya sä, kä cun ung Kei naw ka ning nawng gui ling khai; Nami mang gaw cu a u naw kä ghin om nak hlawt ah khong’gau ah ka lat khai.

JEREMIAH 6:8 Referans Kwoze

HOSEA 9:12

Ami hta nau om sei ami däm ng’vai sak ung phi, kei na ka lak pe gui khai. Tumat phi ghing ne kä om khai gui. Kei naw shin ah chang gui ka nawng gui ah akiak ung ngami ah khan ah kyihkyawk vai gui gawk lawk khai.”

EZEKIEL 23:18

Ani cu Chang hli ah ng’ung ah kä suisa ne om ci, Chang nü naw ani cu p awm zau ciah hmat ci. Kei cu ani naw apai naw ana shemshai ah mäih ah na m’shemshai ci.

JEREMIAH 17:23

Ami pupa gui naw kei ah ng’thu kä ngai ci gui, kei a i ah kä na ngai ci gui. Cun nak vaisü ung ngami cu ami m’lung liing ci; ngami naw kei ah ng’thu kä ngai ci gui, kei ah kä ng’thei thang lawk ci gui.

ZEPHANIAH 3:7

Kei ah ka ngaih u ka chang gui naw na kyih aa u ne, ka m’cäi dou u ne, ka m’theithang gui kä m’hnih phung khai gui. Cun ung phi tuhbäi ngami cu ami shet man ah she lä ci gui nei.

JEREMIAH 32:33

Ngami naw kei na hnu nak ci gui; Cunung phi kei naw ka m’theithang gui ci, ngami naw kä ngai ci gui, kä ng’thei ci gui.

SAM 50:17

Ka ning m’cäi phi kä na ng’yak ci, ka thu phi na hnu nak ci.

JEREMIAH 31:19

Keimi naw nang kami ning hlah tak ci, Cun ung phi tuhbäi kami ng’hlat law ba hlük ci nei. Nang naw na na m’kyauk gui kawn ah, keimi cu kami lu bat ne kami thüi ci nei. Keimi cu lung aa ne kami thui hmai ci nei. A i ah kyasei ci ung keimi cu kami hmaw sang ung kami hmakak ci nei!

JEREMIAH 9:11

Bawipa naw pyen ci, “kei naw Jerusalem cu, im ng’phrek ciah ng’awt ng’bum, sa ui gui ah om nak ah hmun ah ka pyang khai; Judah mang gaw gui cu chang ah kä om nak bung ah kyak khai gui.”

JEREMIAH 7:34

Kho cu khong gau kho ah kya lawk khai, Judah mang gaw gui la Jerusalem lam gui ung, yeikyai lün lawi nak ah ng’äi gui la ng’chung la ei pawi ung yeikyai nak ah ng’äi gui cu kei naw ka ng’pyi sak khai.

JEREMIAH 7:20

Cun ah kyasei kei uk ciah Bawipa naw shin ah Taigüim ah khan ah nui ciah ka m’lungshe nak cu ka yuk lawn khai nei. Kei naw chang gui la khisa gui ah khan ah atäng ah ka yuk lawn khai, sing ghing gui la geit kaw gui ah khan ah phi ka lawn khai. Kei ah ka m’lungshe nak cu a u naw kä a m’sih hlawt ah mei ah mäih ah kyak ci.

JEREMIAH 4:14

Jerusalem na m’lung kyong ungka akshekha gui cu m’si ä, cun ung nang cu hun nak na gah khai. Nang naw shetkat nak gui laih laih ngaih-tüh ne a i güt na hteit khai aw!

JEREMIAH 2:15

Ngami naw phongkawng ah mäh ah m’ngaw shi ci gui; ani ah kho cu khong gau ah kyak khai ah cikci gui, ani ah gaw nu gui cu di ne ng’zän ci, nawng lüng vai ah kyak ci.

NG'THU K'THUUK~ 4:13

Na ng’theithang phung cu angtäi ah na shüm vai. Na cimghang nak cu na ghin nak ah kyak ci.

SAM 94:12

Bawipa, nang naw na m’shüm thein ah chang, na thumkhän na m’thei ah chang cu yeikyai nak om ci nei!

SAM 2:10

Nangmi ghangpughang gui cuivai vä, Khomdek uk ci gui shin ah thu cu geing na vä.

THULÄÄN NAK 32:29

A i ah kyasei ami hniim gui cu, Ngami naw kä hmu hning ci gui. A i ah kya lawk ci, cicu ngami naw kä hmat ci gui.

TAIGÜTHUM 26:34

Cun kawn ah khonglei cu akbe ah ang düm ah phäh ah yei khai, cun cu nangmi ah pek ah kä kyak ci, khonglei cu ng’yän ne om khai, ng’düm khai, cun yah ung nangmi cu ga gui ah khaw ah omktu ah kya ne nami om tuk khai.

JEREMIAH 7:28

Nang naw na m’thein gui vai cu, ngami ah pakhui naw Bawipa ami Khanpughi, kei ah ng’thu kä ami ngaih ah a kyak ung, ami m’kyuk nak gui ung kä ami ng’thei ah a kyak ung, kä bekhüt nak cu sih nak ah kyak ci. Cun ah mawng cu ka pyen ba ling vai kyak ci.

NG'THU K'THUUK~ 19:20

Nang naw m’cumcäii nak na ngaih ah a kyak ung, na ng’thei hlü ah a kyak ung, khaw hnüüp at ung na cuivai khai.