JEREMIAH 6:7 - Cho Bible Common Language 2016

⁷ Tuiton naw tuini a khäm ah mäih ah Jerusalem naw akshe gui khäm khai nei. Mang gaw kyong ah ngon sih nak la didap nak cu ka ng’yak ne; lembai nak la gopyam nak bäng ka hmuk ci.

JEREMIAH 6:7 Referans Kwoze

EZEKIEL 7:23

“A pang nü cu ng’gogan ci-kho avan cu chang ngawn ci gui awn be ci, mang gaw gui cu kiawi m’saa ci gui awn be ci.

EZEKIEL 7:11

Cawi m’saa nak naw shekha nak da sak pi ci nei. Ami ng’yak hkü ai kä om ba khai nei, ami khawh chawm, ami ming thang nak, ami bämang nak, ai kä om ba khai nei.

JEREMIAH 20:8

Kei cu ka ng’thu law phung ung kyap ne “m’ghämce nak! Dishum nak!” cine ka m’lau ci nei. Bawipa, nang ah ng’thu ka ng’shäu ah phäh ah kei cu akphlüt sei, na päipih, na shedam nak ci gui nei.

ISAIAH 57:20

Cun ung phi chang shekha gui cu kä ng’dümphung ciah tuinu ah mäih ah kyak ci, awn ah tui hnawk cu kä düm phung ne ng’hlat ne, ng’än la ng’sawp u law püi ci.

EZEKIEL 24:7

Mang gaw kyong ah Chang awn nak om ci, cun ung phi si cu m’vut ah bu nak hning ah m’dek ung kä kya lawk ci, lung htaih ah khan ah kya lawk ci.

NG'THU K'THUUK~ 4:23

Na m’lung ngaih cu na geing nak vai, na ghin nak cu na m’lung ngaih naw ghaat sak ci.

JEREMIAH 30:12

Bawipa naw a chang gui pyen na gui ci, Nami leim gui cu kä khan hlawt ci, Nami nat nak gui cu m’tui ne kä gah nei.

JEREMIAH 30:13

Nangmi ning m’htei gui khai a u kä om ci, Nami khei hlik ah a khan nak vai sei phi kä om ci, Nami gai nak vai ah ngaih u nak kä om ci nei.

JEREMIAH 32:31

Shin ah mang gaw ung om ciah chang gui naw shin ani cawh ah hnüüp ge ung na m’lumg shene m’lung na sou sak ci gui. Kei naw shin cu m’di vai ah ka k’bäi ci,

EZEKIEL 45:9

Uktu Bawipa naw pyen ci, “Nangmi Israel uktu gui, katnak nami bi cu shou law aih ci nei! Nami cawi m’sa nak la nami yawshe nak cu ng’düm vä. Hman ci la taga cicu bi vä. Nangmi naw kei ah ka chang gui cu ami khaw ungka kä nami k’täm ba gui ah hlawt khai. Kei, uktu Bawipa naw, shin ah ka ning m’thein nei.

ISAIAH 1:6

Lu nug ka naw khaw ung khüt khai ah pumsa avan kä a ng’gai nak kä om ci nei. Nangmi cu leim ni, hmaleim ui, ak hma kauh ni bäng ah nami kyak ci vei. Nami leim gui cu kä m’si pha, kä hlawp pha, kä m’tui pha nei.

JEREMIAH 8:22

Kilead ah shei kä om ne ma? Acu ah shei bawi kä om ne ma? A i ah kyasei ka chang gui gai nak kä ami gah ang?

JEREMIAH 30:15

Nami m’neh ah phäh ah a i kä nami pyen vai; Nami gai nak vai a i kä om ci. Kei naw shin ah ka ning m’kyuk gui cu a i ah kyasei ci ung Nami katnak da ne nami shetkat nak a dämduk ah phäh ah kyak ci.

EZEKIEL 21:29

Nami hmuh ah muimang cu kä hman ci, nami bi ah ng’cängbang cu hleei ah kyak ci. Nangmi cu cheishoh ci, nangmi ah hnüüp, nangmi ning m’kyuk nak gui vai ah hnüüp cu gawk lawk ci nei. Khimsem cu nami gawn ah khan ah kya law vai ci nei.

ZEPHANIAH 3:1

Jerusalem cu ng’ziin ne, sheka ne, ng’küknet ciah mang gaw ah kya ne, amät ah chang gui cu shedam na gui ci.