JEREMIAH 6:29 - Cho Bible Common Language 2016

²⁹ Meibum cu cang ne ng’ling aih pang sei phi m’si cu tui ne kä long hlawt ci. Kei ah ka chang gui m’cimm hlam gui cu akholä ah kyak ci, a i ah kyasei ci ung shekhak ciah chang gui cu kä k’täm gui hlawt ah phäh ah kyak ci.

JEREMIAH 6:29 Referans Kwoze

1 PETER 4:12

Ka teihpüi gui aw, nami geinvai nak vai ah ng’hlo ng’ei nak ah m’nüm nak nami khan ah a gawk law ah hmawk ah kä nami cäicat vai, cun gui cu nangmi ah phäh ah ak küikyang ah kä kyak ci.

ZEKHARIAH 13:9

K’pawih ba ciah bum ät cu kei naw ka m’nüm gui khai. Ngui cu mei awn m’ciim ah mäih ah kei naw ka m’ciim gui khai. Ghui m’nüm ah mäih ah ka m’nüm gui khai. Cun kawn ah kei ah ma ah taigü lawk khai gui, kei naw ka m’shang gui khai. Ngami cu ka chang gui ah ami kyak ah mawng kei naw ka m’thein gui khai. Kei cu ami na Khanpughi ah pyen ne ngami cu ng’kiaa lawk khai gui.”

HOSEA 11:7

Ngami naw kei nahlawi u ne na ng’hlah tak ci gui. Ami khan ah thapo ang taih ah phäh ah ngami cu kyap khai gui. Cun ung phi a u naw phi ami khan ungka kä chaan pe ba gui khai.

EZEKIEL 24:13

Jerusalem, na mät ah omshe hnunthawh nak naw ning lelawi sak ci nei. Kei naw ka ning theingthap sak khai ah ka tha nak ung phi nang na lelawi ba lä ci. Kei ah ka m’lungshe nak ah k’tut nak akbe ah kä nami gah pha ah chuih nangmi kä nami theingthap ba khai.

JEREMIAH 9:7

A shin ah kiasei m’gäi ciah Bawipa naw a pyen cu, “Kei naw ka chang gui cu m’si m’cim ah mäih ah ka m’cim gui khai, ka m’nüm gui khai. Kei ah ka chang gui naw akshe bik ci gui — Kei naw a i ka bi pe gui khai ang?

ISAIAH 49:4

Kei naw ka pyen ci, “Kei naw ka bik ci, cun ung phi cun cu a kholä ah kyak ci nei! Kei naw ka thagui ka mang ci, cun ung phi ei mang vai a i kä om ci.” Cun ung phi ka mawng ma na shungvong khai ah Bawipa ung ka ng’ap ci nei; kei naw ka bilawh ah phäh ah ani naw na m’cümhnak khai nei.

NG'THU K'THUUK~ 17:3

Ghui la ngui cu mei awn m’num ah kyak ci, chang ah m’lung kyong cu Bawipa naw m’num ci.

1 PETER 1:7

Cun ah yaica geinvai nak cu nami yum nak a khän la kä cun ah m’nüm nak ah kyak ci. Didap thei ciah ghui cu mei awn m’nüm ah kiak ci, ghui ah mä küikyang pi ciah nami yum nak cun phi m’nüm vai ah kyak ci, Cun ung vah khän htek nak om sei, Bawi Jesuh Khrit a kyum law ba hnüüp ung m’hlüngtai nak, bämang nak la chang m’sui nak cu nami gah khai.

SUKI GUI 17:4

Cun kawn ah ani naw cun gui cu anu am pe ba ci. Anu naw ngui pit goi la neta m’si-shep am pek sei, ani naw sing at ne a gup pyang ne, ngui awn vook ci. Cun cu Mikah ah im ung tha ci gui.

JEREMIAH 15:19

Cun ci ngäta Bawipa naw, “Nang na law ba ah a kyak ung kei naw ka ning la ba khai, nang cu kei ah changshäm ah na kya ba khai. A kholä ah ng’thu nak vaisü ung bä ciah thu na ng’shäu vaisü ung nang cu kei ah prophet ah na kya ba khai süte. Chang gui cu nang ah law ba khai gui, ngami ah nang na hteh vai kä hlü ci.

EZEKIEL 24:12

Cun ung phi hnai gui läi cu meidäi ung kä maih yawp khai.