JEREMIAH 6:26 - Cho Bible Common Language 2016

²⁶ Bawipa naw a chang gui pyen na gui ci, “Suishe sui ne m’vut ung ng’hleeo vä. A Htapa tumat bäng ah phäh ah thüi kyap ciah mäih ah nami phlitui cha ne thüi gyap vä, a i ah kyasei ci ung law ne ning m’di gui khai ah chang tumat naw ang ghit ah ning tu law gui khai nei.

JEREMIAH 6:26 Referans Kwoze

ZEKHARIAH 12:10

“Kei naw David ah htangshon gui la Jerusalem ung chang gui cu, m’gein nak ah mümcha la tagüi nak ah mümcha awn ka be sak gui khai. Ngami naw ami mät naw shun ne ami ngawn cu teng khai gui, a hta tumat ah phäh ah thüi kyap ci gui ah mäih ah ngami cu ani ah phäh ah thüi kyap khai gui. A hta htük chük sei thüi kyap ci gui ah mäih ah ngami cu akshe ah thüi kyap khai gui.

JEREMIAH 4:8

Cun ah kyasei sui k’she sui ne, kyap ne m’lau vä, a i ah kyasei ci ung Bawipa ah m’lungshe nak naw Judah cu kä ng’hlah tak ci nei.

JAMES 5:1

Bühmang ciah chang gui kei ah thu cu na ngai vä! Nami khan ah gawk lawk khai ah geinvai nak vai ah hmawk ah thüi ne kyap vä!

JAMES 4:9

Thüisei vä, kyap m’lau vä; nami gaih nak cu, kyah nak ah ng’lat sak vä! Nami yei nak cu thüi nak ah ng’lat sak vä!

LUKA 7:12

Gaw m’kawt pei ah ami gawk law yah ung chang gui naw gook kawt ne ana luh law püi u sei chang akda naw ana läk lawk ci gui. Cun cu hmeinu ah a hta tumat hta te sik ciah kyak ci.

AMOS 8:10

Nami yungkawi cu sih htüm ah ka lat khai, nami yei nak ng’äi cu kyah m’lau ah ka lat khai. Nami lu ning ah sak gui ne, thüisei suinu ka ning sui sak gui khai. Nangmi cu a hta tumat bäng ah phäh ah thüikyap ciah nupa gui ah mäih nami kyap khai. Cun ah hnüüp cu akha ah ng’pyi khai.

NG’ÄI KYAH 4:10

Kei ah ka chang gui ung gawk lawk ciah kleigai naw kyih aih vai law püi ci. M’hni ciah nu nu gui naw ami mät ah hta gui cu ei vai ah shong ci gui.

NG’ÄI KYAH 4:6

Kei ah ka chang gui cu sodom ung chang gui ah ta nui pi khai ah m’kyuk nak gah ci gui. Acun naw Khanpughi ah kut ungka ang ghit yung kyak nak cu bui ci.

NG’ÄI KYAH 4:3

Saui anu hngaw naw a hta cu tengkhen ci, Cun ung phi kei ah chang gui cu khamyawk ah mäih ah ami hta gui ah khan ah m’ghämce ci gui nei.

NG’ÄI KYAH 3:48

Ka chang gui ami didam ah phäh ah, ka mik ung ka ng’phlitui cu tuinu ah mäih ah long ci nei.

NG’ÄI KYAH 2:11

Ka mik cu thüikyah nak awn yai ci, ka m’lung kyong cu khüikha aih ci. Ka chang gui ami dishum ah phäh ah thüi ne kei cu ka k’tha maih ci nei. A hmaw hta gui la nau sen hta gui cu mang gaw lam gui ung ami tha käi ne om ci gui.

NG’ÄI KYAH 1:16

Cun ah kyasei kei ah ka mik cu ng’phli tui naw nak plüm ci. A u naw kä na shungvong hlawt ci, a u naw thamah nak kä na pe hlawt ci. Ka ga gui naw na näng pyi ci gui, ka chang gui ung a i kä k’pawih ci.

NG’ÄI KYAH 1:2

Ayanä a teihpüi mang gui ami van naw tumat naw phi kä shungvong ci gui. Amü pum ani cu kyap sei, ang phlitui gui ang being ung yu ling vük ci gui nei. Ang khawt püi mang gui ami van naw kä bekhüt u ne, tuhbäi ami van naw hnungtuk püi ci gui nei.

JEREMIAH 15:8

Tuinu ah kem ah laigin ah ta nami khaw ung hmei nu cu da law pi khai. Kei naw nami chang nong gui cu ami hnüüp lung ung ngawn gui ne, ami nu gui cu ka yaica sak gui khai. Kei naw ngami cu ang ghit ah kyihkyawk sak gui ne ka cäicat sak gui khai.

JEREMIAH 14:17

Ka azä nak ah mawng chang gui am ka m’thein gui vai ah Bawipa naw na ng’thum khan ci: “Amü a hnüüp ka mi kung ng’phli tui long sä, ka thüi kyah nak cu kä ng’düm phung sä. Cun cu ka chang gui ak nui ah leim ne, ana ah ami m’neh ah phäh ah kyak ci nei.

JEREMIAH 13:17

Nangmi naw kä nami ngaih ah a kyak ung nangmi chang ah nami ng’shei ah phäh ah adüm ah ka kyap khai; Kei cu ak tung ah ka kyap khai, ka ng’phlitui cu long khai, a i ah kyasei ci ung Bawipa ah chang gui pha ne ami hteh püi gui ah phäh ah kyak ci.

JEREMIAH 12:12

Chang gui naw bung hmu khogui avan kan law u ne, gut tep khai gui ah lawk ci gui nei. Khaw avan m’di khai ah ng’tuk nak cu kei naw ka tüi lawk ci nei, a u phi dimdeeih sei kä om khai nei.

JEREMIAH 9:10

Kei naw ka pyen ci, “Khomhtung gui ah phäh ah kei ka thui kyap khai, khulim gui ah phäh ah ka kyap m’lau khai, a i ah kyasei ci ung ngami cu chawng u sei, cun gui cu kan ne a u kä hteit ba khai. Khiksa gui ah ng’ging gui cu a u naw kä ng’yak ba ci; kha gui la khisa gui phi dawng yawp ci gui.”

JEREMIAH 8:21

Kei ah ka chang gui cu ami dep gui ah kya sei, kei ah ka m’lung cu ng’deng pyi ci gui nei: Kei cu thüi kyap ne, ang htei ah ka thüi aih ci nei.

JEREMIAH 8:19

Ngai vä! Kho avan ung ka chang gui kyap u sei ka ng’yak ci nei. “Zion ung Bawipa kä om ba ne ma? Zion ghangpughang cun ung kä om ba ne ma?” 2 Bawipa, ami ghangpughang naw m’shang gui ci, “Nami agup gui khawihnah u ne, akholä ah kyak ciah akho hei khanpughi gui ah ma ah kawp u ne, a i ah kyasei kei cu nami na m’lungshe sak ang?

JEREMIAH 6:14

Ngami naw ami khei khan ng’khawk düt khai ah bo; p ci gui. Ngami naw “Avan bä ci nei” ci u sei avan kä bä ci!

JEREMIAH 4:20

Leigai tumat naw tumat läk lawk ci; Khopäng avan dishum ci. Ang ghit ah ka mi phung gui cu di ci; zihdung gui cu tek ne ng’phyit ci.

JEREMIAH 4:11

Ng’kiang khokhi na ngami täng ah akhi law ah mawng Jerusalem chang gui am m’thein nak gui vai ah akhin gawk lawk ci nei. Cun cu angshi bäng zon ciah kyäp nep ciah khokhi ah kä kyak ci —

ISAIAH 32:11

Nangmi cu, a yäi ah nami ghing om ci, ng’ä ai nak kä om ci; Cun ung phi tuh bäi, kyi ne ng’hlet vä! Nami sui sak gui sut u ne, pyonshe awn nami khei k’htün vä.

ISAIAH 30:13

Nangmi cu namishekak ci nei. Nangmi cu teek ne ng’bou ciah k’paang hlüng ah mäih ah nami kyak ci; nangmi cu ang ghit ah nami piawn khai nei.

ISAIAH 22:12

Uktu m’gäi ciah Bawipa naw, thüisui sui ne, nami lu k’teiu ne, nami thüi kyah vai ah ning khü gui ci nei.

ISAIAH 22:4

Sik ciah ka chang gui avanah phäh ah ak tung ah ka thüikyap khai ah tuhbäi ka mät bang na nawng vä. Kei na k’bäi vai ah kä nami tha nak vai nei.

ATÜNNAK 21:16

likah vai hlawk ung hteit ne ngaw ne ngäng ci. Cun kawn ah amät ng’htau ne, “Ka hta a sih cu kä ka hmu hlük ci nei” ci neta, a ngawh nak ung kyap ne m’lau ci.

JOB 2:8

Joba cu hlut khei a chet nak vai k’am heeuh akpi lanetam’vut ung htiet ne ngok ci.

JEREMIAH 9:1

Kalu cu tui shawk tui ah mäih, kamik gui cu tui hta lawng ah mäih ah a kyak vai ka ng’ya hlük ci, Cun ung kei cu ami ngawn gui ah ka chang gui ah phäh ah amü a hnüüp ka kyap hning khai nei.

JEREMIAH 18:22

Ami im gui tu ne phyek khai gui ah chang bum cu kä m’thein gui ah tüi law gui ä; kyi kyawk ne kyah sak gui ä. Ngami naw kei ah ng’kiak nak vai ah khui shawk u ne, ami nap ha nak vai ah cuun cuung ci gui nei.

NG’ÄI KYAH 3:16

Ani naw ka hmai cu m’dek ung nak tuh ci, ka ha gui cu lung awn ng’keeng khai ah na bik ci.

JONAH 3:6

Nineveh ghangpughang naw cun ah mawng cu ng’ya neta, Mangkyang ungka tho law ne, a suinu suut ne, m’vut ung ngok ci.

JOB 15:21

Ani naw kyih vai ah k’aw gui cu ak hga awn ng’yak khai, Ngaih gep vai ah om ciah a ngaih yah ung m’guk ei gui naw ani cu tuk khai gui.

ISAIAH 3:24

Tui ng’ui ami mang nak vaisü ung ngami cu thuk khai gui; kheipat ak kyom nak vaisü ung gui k’ghat awn ng’pat khai gui; ak kyom ami lusam nak vaisü ung ami lu ng’plut khai; sui k’ni ami sui nak vaisü ung suishe sui khai gui; Ami kyom nak cu ng’aa nak vai ah ng’lat khai!

JEREMIAH 30:5

“Kyi kyawk ne kyah cu ka ng’yak ci nei, Cun cu kyi ne kyak ah kyak ci, dimdeeih nak ah kä kyak ci.