JEREMIAH 6:25 - Cho Bible Common Language 2016

²⁵ Keimi cu gawhta ung ah kä kami hteit ci, lam gui ung kä kami hteit ci, a i ah kyasei ci ung kyih vai kyak ciah likhim kawt ciah kami ga gui naw ami na koi gui ah phäh ah kyak ci.”

JEREMIAH 6:25 Referans Kwoze

JEREMIAH 49:29

Ami phung gui la ami htomak gui, phung ung zihdung gui la phung kyong ah om ci nü cu la vä. Ami kala-uk gui phi la u neta chang gui m’thein vä, “kyihshe ci naw ning koi gui ci nei” cine chang gui kyak na gui vä.

JEREMIAH 20:10

Chang nü naw na pyen sa u sei ka ng’yak ci nei, “khaw nü ung m’ghämce nak om ci! Cun ah kyasei huham bawi ah mi chak khai nei!” cik ci gui. Ka khawt püi gui pi ah a teihpüi gui naw phi kei ah yung kyak vai cu na ngäng ci gui nei. Ngami naw, “Ani cu mi thei leh nak khai, cun kawn ah ani cu mi phak khai, phu mi tuk nak khai” cik ci gui.

JEREMIAH 14:18

Kei cu lolai ma ah ka hteh ung ng’tuk nak ung ami ngawn gui cu ka hmuk ci; kei cu gawnu gui ung ka hteh ung ei ah cawi ne sik ciah chang gui cu ka hmuk ci. Prophet gui la taigü gui cu ami bii bik ci gui, cun ung phi a i ami bi kä hmat ci gui.”

SAM 31:13

Gaa akda naw ami na hngen shai nak cu ka ng’yak ci, kyih she vai naw na koi ci nei. Kei na hnu ng’tuk püi khai gui ah pawng püi ci gui nei. Kei na ngawn khai gui ah ng’ge ci gui nei.

JOB 18:11

Kyihkyawk vai naw avan ung koi ne ngäng ci. Am khan nak päng ung a cun naw läk ci.

LUKA 19:43

Gaa gui naw nang cu, am kawt päng ung ning mah u ne, ami ning koi nak ah khin gawk lawk khai nei.

JEREMIAH 8:14

“A i ah kyasei mi ngoh tu lä ang” cine Khanpughi ah chang gui naw ng’shik ci gui, “Law vä, mikmi cu mang gaw khäng gui ah dawng ne, acu ah mi sik khai nei. Bawipa mi Khanpughi naw mi sih vai ah na m’kyuk gui ci nei; mikmi naw ani hnungtuk ne mi kat ah phäh ah mi awk vai ng’tuui tui na pe gui ci nei.

JEREMIAH 4:10

Cun kawn ah kei naw ka pyen cu, “Uk ciah Bawipa, nang naw Jerusalem chang gui cu akbe ah na m’hleei gui ci nei! Nang naw dimdeeih nak om khai ah na pyen ci, cun ung phi ngami ah gawn ung khim ng’kyäng ci nei.”

JEREMIAH 4:5

Kho avan ung phyungheng tum vä! Ng’htei khai ah phyungheng tum vä! Judah la Jerusalem chang gui cu m’thein gui vä, khäng htek ciah mang gaw gui ah ami dawng vai nei.

ISAIAH 1:20

Cun ung phi kei nami na lan ah akyak ung, nami khawmü sei nami sik khai. Kei, Bawipa naw ka pyen nei.”

2 SHONTÄP NAK 15:5

Cun ah a khin sang ung a u phi phyawng m’htein ne kä hteit hton ci, a i ah kyasei ci ung khaw nü ung khüikha nak la ng’gawgan nak bäng ah kyak ci.

JEREMIAH 30:5

“Kyi kyawk ne kyah cu ka ng’yak ci nei, Cun cu kyi ne kyak ah kyak ci, dimdeeih nak ah kä kyak ci.

JEREMIAH 46:5

“Cun ung phi a i ang ka hmuh?” cine Bawipa ka ng’shik ci. “Ngami cu kyih nak vai täng ah ng’hlat ci gui nei. Ami gakap gui ami m’ghuih gui nei; kyih nak awn ami näng gui nei, ngami cu ami dawng hningah dawng ci gui nei. Ami hnu ah kä mang ba ci gui nei.

NG’ÄI KYAH 2:22

Nang naw ka ga gui cu aktung ah kyihkyawk vai ah avan ung nak koi khai gui ah na khü gui ci. Cun ah nang ah na m’lungshe hnüüp ung a u phi kä phiawng hlawt khai nei. Ngami naw ka hta nau gui cu ngawn gui ci gui, Cun gui cu kei naw m’tai ne ka m’hni gui ah kyak ci.

JEREMIAH 8:15

Mikmi naw dimdeeih nak vai la gai nak vai cu mi ngaih u ci, cun ung phi akholä ah kyak ci; cun ah vaisü ung kyihkyawk vai gawk lawk ci.

JEREMIAH 49:5

Kei naw nangmi ah khan ah akit päng ung kyih vai ka law püi khai nei. Nangmi nami van nami dawng khai nei. Nangmi tumat ci cu nami hnun phiawn püi ne nami dawng khai, nami gakap gui bum ba gui khai tumat phi kä om khai nei.

EZEKIEL 7:18

Ngami cu suishe sui u ne ami van ng’hhlet khai gui. Ami lu cu k’teim pe gui khai gui, ngami cu lüngaa khai gui.

EZEKIEL 21:17

Kei naw phi ka m’ya ka k’phyawk khai. Cun kawn ah kei ah m’lungshe nak cu ng’pyi khai. Kei, Bawipa naw ka pyen nei.