JEREMIAH 6:23 - Cho Bible Common Language 2016

²³ Ngami naw ami lo gui la ami khim sem gui cu la ge ci gui; ngami cu m’ghämce u ne chingein nak kä om ci gui. Ngami cu ng’se gui ng’cum u ne tuinu ah ng’hmum ah mäih ah kyak ci gui. Ngami cu Jerusalem hnungtuk ne tuk ge vai ah kyak ci gui.”

JEREMIAH 6:23 Referans Kwoze

ISAIAH 13:18

Ami li la ami m’la awn ngami naw chang nong gui cu ngawn khai gui. Ngami naw ami hta hta gui phi kä chihna khai gui, ak hmaw hta gui phi kä m’gein khai gui.

JEREMIAH 50:42

Ngami naw amili la khim cu lak ci gui; ngami m’ghämce ci gui, m’gein nak kä om ci. Tuinu ah ng’güüt ah mäih ah ami k’se gui ami ng’cum cu kyak ci. Ngami cu Babilonia hnungtuk ne ng’tuk ge vai ah om ci gui.

JEREMIAH 30:14

Nami m’hni gui ami van naw ning m’hnih gui ci nei; Ngami naw nangmi cu a i ah kä ning sui ba gui ci gui. Kei naw ga ah mäih ah ka ning tu gui khai; Nangmi ning m’kyuk nak gui cu nuipai aih ci nei, a i kyasei ci ung nami cheishoh nak cu a dämduh aih ne nami hmakat nak cu da aih ci nei.

JEREMIAH 5:16

Ngami ah likap gui cu m’gäi ciah gakap ah kya u ne, m’gei nak kä om sei ngawn phak ci gui.

JEREMIAH 4:29

Ng’se ng’cum chang gui la likap chang gui ah k’aw ami ng’yak ung, chang nü cu dawng khai gui. Am shah cu bung hmu ah dawng khai gui, amshah cu lungsong gui ah ng’lung ah kya khai gui. Gawnu päng ung a i kä om ba khai, acun ah hmun ung a u phi kä om ba khai.

JEREMIAH 4:13

Teng vä, ga gui cu khongmei ah mäih ah lawk ci gui nei. Ami ng’tuk nak ah yatha gui koiphak ah mäih ah kya ne, ami ng’she gui cu hmu zong ah ta zangkhai tuba ci mikmi cu mi mäih pyi ci! Mi ng’ziin pyi ci nei!

ISAIAH 19:4

Kei naw Egypt chang gui cu ngetngawng m’gäim’cik ciah ghangpughang om, ngami uk gui khai am ka ap gui khai, kei, m’gäi ciah Bawipa naw ka pyen nei.”

THULÄÄN NAK 28:49

Khomdek ak cawi ah ka nang mi ning hnungtuk püi gui khai ah pakhui cu Bawipa naw law püi khai. Cun ah pakhui ah ng’thu cu nangmi naw kä nami hmat khai. Ngami naw hmu kiung ah m’tawn ah mäih ah ning m’tawn gui khai gui.

ISAIAH 10:32

Tuhngawi ga gui cu Nob gawnu ung om ci gui. A cun ung ngami naw Zion M’htung, Jerusalem mang gaw ung ami kut m’hnüm ne k’thüng ci gui.

ISAIAH 17:12

Huham ah ciah pakhui gui cu tuinu ah gaai ah miah ah, puikho ah ng’güüt ah mäih ah m’gäi m’cik ci gui.

JEREMIAH 6:4

Ngami naw pyen khai gui, “Jerusalem tuk vai ah pawng m’hteim vä! Pawng ge vä! Mikmi naw hnüüp ng’lung ung mi tuk khai nei!” Cun ung phi cun kawn ah ngami naw pyen khai gui, “Shin cu cü aih khai nei, kho hnüüp ng’pyi law vai ci nei, kho hmüp law pi pi ci nei.

JEREMIAH 25:9

‘Kei naw a siiptäng ah chang gui avan la ka changshäm Babilonia ghangpughang Nebukhadnezzar cu ka tüi lawk khai. Judah gui la khaw mah gui cu hnungtuk ne tu u ne, ami pei leng ah khochang pakhui avan hnungtuk khai gui cu kei naw ka law püi khai. Kei naw shin ah pakhui la a pei leng ung ka gui cu ka m’di lawk khai, khonglän ung dii khai ah ka nawng khai, hmuk ciah chang cu cäicat ne ng’hlet khai. Kei, Bawipa naw ka pyen nei.”

EZEKIEL 21:31

Kei naw ka m’lungshe nak cu meidäi ah mäih ah na khan ah ka yuk lawn ung nang na yai khai nei. M’di nak ung bilo thei ciah chang m’ghomce gui ah kut ung ka ning ap khai nei.

JEREMIAH 4:16

Ngami law ne changpakhui gui cu ng’thu k’bäi khai gui, aksho nak khopäng ah ka ga gui ami law ah mawng Jerusalem am m’thein khai gui. Cun ah ga gui naw Judah mang gaw gui hawh shaak ne hnungtuk khai gui.

JEREMIAH 8:16

Mi ga gui cu Dan mang gaw ung gawk law pyi cu gui; mikmi ngaw ami se gui ah ami gin cu mi ng’yak ci. Ami ng’se gui a viik law ung khi avan cu ng’thüng ci. Mi ga gui aw law u ne, mi khaw la cun ung om ciah ang nü, mi mang gaw gui la chang gui avan cu m’du cu gui.”

JEREMIAH 25:32

M’gäi ciah Bawipa naw pyen ci, leigai gui cu changpakhui tumat täi ung gawk lawk ci, dämduh ciah puikhaw khi cu kho cawi ah kaa khi lawk ci nei.

JEREMIAH 50:41

“Chang gui cu asiip täng khopäng ungka lawk ci gui, ashou nak ah ka m’gäi ciah pakhui ah kyak ci; Ghangpughang gui akda cu ng’tuk vai ah pawng ci gui nei.