JEREMIAH 6:21 - Cho Bible Common Language 2016

²¹ Cun ah kyasei shin ah chang gui ah ami ng’vawn nak vai pyang ne ka ng’tän sak gui khai. Ami pa gui la ami hta gui, ami teihpüi gui la ami paw chang gui si yawp khai gui.

JEREMIAH 6:21 Referans Kwoze

ISAIAH 8:14

Kyihcat vai ah ka theingciim nak ah hmawk ah kei cu chang gui naw ng’vawn ne ami ng’täät nak ah lung awn ka tang ci; kei cu cun ah ka kyak ci, acun naw Judah la Israel uknak khaw ung chang gui la Jerusalem ung chang gui cu pha gui khai.

EZEKIEL 3:20

Akcang ah changnitumat naw shetkat nak a bi law ah a kyak ung kei naw khüi kha nak ung ka thun khai, nang naw ng’thu kä nak na k’bäi ung, ani cu sik khai. Ani cu a katnak ah phäh ah sik khai-ani naw akni abi gui man cu kei naw kä ka shüm ba khai-ani ah sih nak cu nang am ka ning ma na sak khai.

JEREMIAH 13:16

Ani naw khaw hmüp nak kä a law püi pha ung, Ngami m’htung khan ah ng’vawn ne kä nami ng’tän phaung ani naw hmüp khui nu ah kyak khai ah kä a m’hlah pha ung, Bawipa nami Khanpughi cu m’tam khah vä.

1 PETER 2:8

A hei cacim ung, “Cun ah lung cu chang gui ah m’thuihshawng nak vai la, Chang gui ah ng’vawn ng’täät nak vai ah kyak ci”, ciah om ci. Ngami cu thucim kä yum ci gui ah kya ne, ‘Thuihshawng ci gui, cun cu ngami ah hmawk ah Khanpughi naw am’hnüt ah kyak ci.

ROMAN 11:9

Cun ah kya sei David naw; “A mi mang ei cu ngah mi ah hmawk ah, ami ng’awh gui la ami ng’cawh nak ah kya sei, Khanpughi naw m’shekat gui sä!

ROMAN 9:33

Cacim Theing ung; “Teng vä, chang gui naw ami ng’vawn nak vai ah, lung tumat cu Zion m’htung khan ah ka m’shän khai nei, Chang gui cu cun ah lung ung ng’vawn ne ng’täng khai gui nei. Cun ung phi Lung ah kyak ciah Bawi Khrit yum ciah chang gui cu, a i yah ung phi ami thüisei nak kä om khai nei,” ciah om ci.

EZEKIEL 5:10

Ak hnu ah Jerusalem ung nupa gui naw ami hta gui ei khai gui, ami hta gui naw ami nupa gui ei khai gui. Kei naw nangmi cu ning m’kyuk gui ne, ghin ne om ba ci gui cu alam pän gung ka n ing püi pyang sak gui khai.

JEREMIAH 21:7

Cun ung phi nang, na bawi gui la ng’tuk nak, camisha la natnak ung ka k’pawih ba ci gui-nangmi nami van cu ghangpughang Nebukhadnezzar la ning ngawn hlü gui ciah nami ga gui am ka ning hnim sak gui khai. Nebukhadnezzar naw sih nak ning pe gui khai. Ani naw nangmi a u phi kä k’pawih nak khai, chimgein nak, chihna nak a u am phi kä m’dang khai, kei, Bawipa naw ka pyen ci.”

JEREMIAH 18:21

Cun ung phi tuhbäi Bawipa ami hta nau gui cu ei ah cawi ne sih sak gui ä; ng’tuk nak ung ngawn sak gui ä. Hnumi gui ah ami cei gui la ami hta gui cu maih sak gui ä; pami gui cu natnak awn sih sak gui ä, chang nong gui cu ng’tuk nak ung ngaawn sak gui ä.

2 SHONTÄP NAK 36:17

Cun ah kyasei Bawipa naw Babilonia ghangpughang khü ne a tuk sak ah kyak ci. Ghangpughang naw Judah chang nong gui ngawn gui ci, Taigüim ung phi ngawn gui ci. Ani naw, a hmaw, ang vai, hnumi pami, ak gaw ak gai, a u phi kä chimgein ci. Khanpughi naw ami van ani am a ap ah kyak ci.

TAIGÜTHUM 26:37

A u naw kä a ning gawt gui ung phi tumat ah khan ah tumat nami ng’goot khai. Nangmi naw a i ga gui phi kä nami tu tuba hlawt khai.

JEREMIAH 8:12

Ka chang gui aw, nangmi naw shin ah shemshai ci gui nami bi ah phäh ah nami ng’aa ne ang? Ka nei! Nangmi cu akcang ah kä nami ng’aa ci; nangmi naw ng’aa vai phi kä nami hmat ci! Cun ah kyasei nangmi cu a hei gui ami ng’kiak ah mäih ah nami ng’kia tuk khai nei; kei naw ka ning m’kyuk gui ah a kyak ung cun cu nangmi ah ng’pyi nak kyak khai. Kei, Bawipa naw ka pyen nei.

JEREMIAH 13:14

Kei naw ngami a hmaw ang vai, hlüng gui ng’khawng ne ami pazat ah mäih ah ka ci gui khai. A i chi hna nak m’gein sei chimgein nak naw phi ngami ka ngawn nak gui cu kä m’düm sak hlawt khai.”

JEREMIAH 18:23

Cun ung phi Bawipa, kei na ngawn khai gui ah ami pawng m’htein avan cu nah mat ci nei. Ngami ah cheishoh nak kä m’geinsei en gui ä, ami katnak kä k’phiawn en gui ä. Ngami cu hnim ne shum sak gui ä, na m’lungshe nak awn om püi gui ä.”

ISAIAH 8:15

Chang akda cu ng’vawn khai gui; ng’tääk ne kyu u ne, ng’pyäuh khai gui. Ngami cu cun ung gawk khai gui.”