JEREMIAH 6:17 - Cho Bible Common Language 2016

¹⁷ Phyung heng tum ngäng ne ngai khai ah chang tumat cu Bawipa naw m’düih ci. Cun ung phi ngami naw, “kä kami ngai khai nei” cik ci gui.

JEREMIAH 6:17 Referans Kwoze

JEREMIAH 25:4

Bawipa naw a changshäm prophet gui k’täi ne ning tüih law gui sei phi nangmi naw kä nami ngai ci, a i ah kä nami sui ci.

ISAIAH 58:1

Bawipa naw pyen ci, “Nami mtau hning ah m’lau vä! Ka chang gui Israel gui am ami katnak m’thein gui vä!

ZEKHARIAH 7:11

“Cun ung phi ka chang gui naw ma ne ng’thu kä ngai ci gui, ngami naw ami m’lung khai ci gui.

ISAIAH 21:11

Shin cu Edom ah mawng thumkhäh ah kya ci. Edom ung ka tumat mat naw na khü ci, “Ngäng ci aw, khawmü cu a i hawkehaa ng’pyi khai aw? A i chawk cha a ng’pyi vai cu kei am vam thin ä.”

HABAKKUK 2:1

Kei cu ka nayi tänghän ung kai neta, Bawipa naw a i ng’thu ana m’thein law laka ng’shi nak ah khan ah a i ah ana m’shan law ah ka ngai khai.

ISAIAH 56:10

Ani naw pyen ci, “Kei ka chang gui ng’thu k’bäi khai gui ah, ai ng’vai gui ami van cu m’dauh ci gui nei? Ngami a i kä hmat ci gut, Ngami cu im ngäng ciah uk kä ng’nak ciah mäih ah kyak ci gui — ngami cu ng’bo düt ne, ami mang she sei om ci gui. Ngami cu ih vai m’hni aih ci gui!

HEBRU 13:17

Nami ng’vaihta gui ah ng’thu cu ngai u ne ami pyein ah nami om vai nei. Ngami naw ami bi lawh cu Khanpughi-am m’thein ba khai gui kiasei, kä ng’düm phung ne nangmi cu ning m’htei gui ci gui nei. Nangmi mi naw ami ng’thu cu nami ngaih ah a kyak ung ngahmi cu yeikyai ne bilo khai gui nei, Kä nami ngaih ah a kyak ung ngahmi cu thüisei u sei, nangmi ah hmawk ah a i phi a bä nak kä om khai nei.

HOSEA 8:1

Bawipa naw pyen ci, “Phyung puuk tum vä! Ga gui naw hmu ah mäih ah kei ah khaw cu m’tawn lawk ci gui nei. Ka chang gui naw ngami awn ka bi thukhän cu m’shet u ne, Kei ah m’theithang cu hnungtuk ci gui nei.

ISAIAH 62:6

Jerusalem, na ng’vongpang ung ngäng ci gi cu tha gui nei; Ngami cu amü a hnüüp kä om düt khai gui nei. Ngami naw Bawipa am a shaitak cu m’thein tu ba ci gui, Ngami kä a m’hnih gui vai ah shüm sak gui khai.

JEREMIAH 6:18

Cun ah kyasei Bawipa naw pyen ci, “Ngai vä, nangmi changpakhui gui, ka chang gui ah khan ah a i ah kya lawk khai cicu hmu hmat vä.

JEREMIAH 7:28

Nang naw na m’thein gui vai cu, ngami ah pakhui naw Bawipa ami Khanpughi, kei ah ng’thu kä ami ngaih ah a kyak ung, ami m’kyuk nak gui ung kä ami ng’thei ah a kyak ung, kä bekhüt nak cu sih nak ah kyak ci. Cun ah mawng cu ka pyen ba ling vai kyak ci.

ZEKHARIAH 1:4

Nami pupa gui ah mäih ah kä nami kyak vai, cau pui prophet gui naw ak she ah kä ami om ba vai, kä ami cheishoh ba vai ah kei ah ng’thu cu m’thein gui ci gui. Cun ung phi ngami naw kä ngai u ne kä na läk ci gui.

JEREMIAH 8:5

Ka chang gui, kei na ng’hlah ta u neta, a i ah kyasei kä ng’hlah law ba phung ah nami om ang? Nangmi cu nami gup gui ung ng’bat u ne, kei ah nami ng’hlah law ba vai ah nami mak ci.

JEREMIAH 18:12

Ngami naw pyen tuba u ne, “Ka nei, a i ah kyasei kami ng’thawng vai? Keimi cu kami kyak hlü ah m’lung liing ne, akshe bi ne kami om khai nei.”

EZEKIEL 3:7

Cun ung phi Israel Chang gui a u naw phi kä ngai hlük khai nei; Ngami naw kei phi kä na ngai khai gui nei. Ngami ami van cu ami m’lung ling sei ai kä tä ci gui ah kyak ci.