JEREMIAH 6:16 - Cho Bible Common Language 2016

¹⁶ Bawipa naw a chang gui pyen ah gui ci, “Lam kyum gui ung ng’düi neta teng vä. Cau lam phyim gui la lam akni pi a hawi a om cu ng’shi gui vä. A cun ung hteit vä, dim deeih nak awn nami om khai.” Cun ung phi ngami naw, “Kaa, kä ka mi hteit khai!” cine pyen ba ci gui.

JEREMIAH 6:16 Referans Kwoze

ISAIAH 30:21

Nangmi cu lam hma u ne k’eng täng ni mä, k’pat täng ni mä nami ci law ah a kyak ung, nangmi naw nai hnu ah ani ak’aw nami ng’yak khai, “lam shin ung nei. Shin ung hteit vä” cik khai nei.

JEREMIAH 18:15

Cun ung phi ka chang gui naw kei cu na m’hnih ci gui nei; ngami naw tui ng’ui gui cu agup gui am m’khih pek ci gui. Ngami cu ami hteh nak vai ah lam ung ng’vawn ne ng’tääk ci gui ngami naw lam k’phyim kä läk ba ci gui; ngami cu kä m’hnüt ah lam ung hteit ci gui.

THULÄÄN NAK 32:7

“Ayanä kaa, cau ng’pyi ciah akhin cu ngai ba, A i ah kya man ci ami ning m’thein gui vai ah, nami pa gui ng’shi gui vä.

JEREMIAH 7:23

Cun ung phi ka ng’thu ami ngaih vai ah ka thumkhän gui ci, cun ah kyasei kei cu ngami ah Khanpughi ah ka kyak ci, ngami cu kei ah chang ah kyak khai gui. Kei naw kei ah ka thumkhän ah mäih ah ami om vai ah ja pyen ah gui ci, cun un apäng avan cu akni ah kyak khai.

KOLOSE 2:6

Khrit Jesuh cu Bawipa nei, cine nami dou ah a kyak ung ani awn kawng ät ne nami ghin vai.

ISAIAH 2:5

Tuhbäi, Jakob ah hta ng’shon gui. Bawipa naw ana pek gui ah akdei ung mi hteit khai nei.

JOHAN 12:35

Bawipa Jesuh naw, “Akdei cu nangmi ung a shäng hta nei om ba khai. Kho hmüp naw kä a ning küp gui vai ah akdei ah om yah ung hteit hton vä; hmüp khui ung hteit hton ci naw ani ahawi lam a hteh ah kä hmat ci nei.

JEREMIAH 18:12

Ngami naw pyen tuba u ne, “Ka nei, a i ah kyasei kami ng’thawng vai? Keimi cu kami kyak hlü ah m’lung liing ne, akshe bi ne kami om khai nei.”

JEREMIAH 22:21

Nami bühmang yah ung Bawipa naw ning thu püi gui ci, cun ung phi nangmi naw ma ne kä nami ngai ci. Nangmi cu nami ghin ah chuih acun ah nami kyak ci; Bawipa cu kä nami läk phung ci.

JEREMIAH 44:16

“Nang naw Bawipa ah min gung na na m’thein gui ngaih vai ah keimi kami mak ci nei.

HEBRU 11:2

Cau chang gui cu ami yum nak awn Khanpughi am tamkhah nak gah man ci gui.

JOHAN 13:17

Tuhbäi nangmi naw ng’thu düng nami hmat pyi ci, acun ah mäih ah nami om ung, nangmi ung yeikyai na om khai.”

MALAKHI 4:4

“Ka changshäm Moses ah m’theithang cu nami shüm ba vai, cun cu Israel chang avan naw a läk vai ah Kei naw Sinai M’htung ah khan ah ka pek ah thukhän la thumkhän gui ah kyak ci.

HEBRU 6:12

Kä nami dam men vai, yum ne hnimgei nak awn, Khanpughi ah shaitaak nak gah ciah chang gui ah mäih ah nami om vai ah kami ng’ya hlük ci nei.

ISAIAH 8:20

Nangmi naw nami shan gui rai cu, “Bawipa naw a ning m’theithang gui cu nami ngaih vai nei! K’ce gui cu kä nami ngaih gui vai-ngami ah ning m’thein gui naw käakni ah ning kyak sak gui khai.”

LUKA 16:29

Abraham naw, “Nang ah nau gui-am m’thein tu gui khai ah Moses la profet gui om ci gui. Ngami ah ng’thu ngai tu u sä” cine pyen nak ci.

ISAIAH 28:12

Ani naw düm nak ning pe gui ne, nami van ning shungvawng gui sei phi, ani nami ngaih vai ah nami mak ci nei.

JOHAN 5:39

Cacim ung angtäi ghin nak om khai ah ngai ne cacim bäng nami teng ci. Acun ah cacim naw kei ah mawng cu saksi ci.

LAMKTU 17:11

Berea ah chang gui cu Thessalonika ah chang gui ah mä ami m’lung ng’htei pi ci. Cun ah kya ne Paul ah thu pyein cu k’tha na ne ngai ci gui. Paul la Silas ah thu pyein cu akcang la kä akcang ah ami hmat nak vai ah cacim cu ak hnüüp tä sei teng kheng ci gui.

ROMAN 4:12

Ani cu vun-ah nak bik ci gui ah Pa ah phi kyak ci. Cun kawn ah ani cu vun-ah nak bik ci gui bäng ah kä kya ne, mi pughi Abraham naw vun-ah nak kä a gah pha ung, Khanpughi cu yum ne, ghing ne om te ci gui cu thei tu gui ci gui ah Pa ah phi kyak ci.

JEREMIAH 2:25

Israel, ahei khanpughi gui na gawt nak awn na khaw kä na plui sak vai. Cun ung phi nang naw na pyen ci, “Ka nei! Kä ka ng’hlat law ba khai. Kei naw akho hei khanpughi gui ka m’hni gui ci, ngami ah hnu ah ka hteit khai.”

1 GHANGPUGHANG GUI 8:36

Khankho ah ka naw ngaih pe gui ä. Ghangpughang la Israel chang gui ah hma nak cu m’geinsei gui ä. Düng cicu ami bi vai ah m’theithang gui ä. Cun kawn ah Bawipa, Na mät ah khaw ung khaw cu yuk aa ba sak ä, cun cu na chang gui am angtäi sei ami ka nak vai ah na pek gui ah kyak ci nei.

SAM 116:7

Ka mumcha, m’lung üp ä, kei ah khan ah Bawipa cu bä pyi ci nei.

JEREMIAH 12:16

Ngami naw ami m’lung kyong avan awn kei ah ka chang gui ah yum nak cu dou u ne, shin cha ah ng’tam u ne, “Bawipa a ghin ah mäih ah” — cine, zan ä Baal ung ng’tam ne ka chang gui ami m’thei thang ah mäih ah ami ng’tam ah a kyak ung, — ngami cu kei ah chang amshah ah kya u ne, bühmang khai gui.

JEREMIAH 31:21

M’hnüt nak ng’ling ne lam cu m’hnüt ä; na hteh nak te ah lam cu shui teng ba ä. Law ba vä, Israel chang gui, nami hteh tak ah gawnu Im ah law ba vä.

JEREMIAH 42:3

Bawipa kami khanpughinaw kami hteh nak vai ah lam la kami loi lawh vai cu ana m’hnuh gui vai ah na taigü pe gui ä.”

JEREMIAH 50:5

Ngami naw ziou hteh nak lam cu ng’shi u ne, acu täng ah hteit khai gui. Ngami naw kei awn ng’täi ciah thukhän bik khai gui, kä m’shet bakhai gui.

SUKI GUI 2:17

Cun ung phi Israel gui cu ami ng’vai gui ah bek kä ngai ci gui. Israel cu Bawipa ung kä bekhüt ne, a hei khanpughi gui cu khawihnah ci. Ami pupa gui naw Bawipa ah thumkhän cu läk ci gui, cun ung phi shin ah ng’shon k’thai naw cun ah kä bi ba ci gui.

2 SHONTÄP NAK 19:11

Yum nak lam a mawngma avan ung Taigü tung Amariah cu aktung, a hei chang gui ah mawngma avan ung Judah uktu, Ishmaela ah hta Zebadiah cu aktung ah kyak khai. Tagayung ah kaa naw m’hnüt bäi ne ami law püi teng ne bik khai gui cu Levit gui ah kyak ci. Thamah u ne, shin ah m’shüm thein nak gui cu ami bi vai, Bawipa cu ng’düng ci täng ah ng’düi khai nei!”

ISAIAH 46:9

Cau a i ah kya man ci cu ngaih-tüh ba vä; kei bäng khanpughi ah ka kyak ah mawng, kei ah mäih a u kä a om ah mawng cu ng’kia ne pyen vä

ISAIAH 57:2

Akni ah om ciah chang gui cu dimdeeih nak hmu u ne, dinggei sei ng’düm ci gui.

JEREMIAH 7:24

Cun ung phi ngami naw ng’thu kä ngai u ne, a i phi i ah kä sui ci gui. Cun ak vaisü ung, ling ne shekak ciah ami m’lung naw ami bi vai ah a pyen nak gui cu bik ci gui, ami ni nak vaisü ung shelaw pi ci gui.