Biblia Todo Logo
Bib sou entènèt

- Piblisite -




JEREMIAH 6:15 - Cho Bible Common Language 2016

15 Shin ah shemshai ci ami bi ah phäh ah ngami ng’aa ca u ne ang? Ka nei, ngami kä ng’aa mui ci gui; a i hawkcha ah ami hmawi a shet vai phi jä hmat ci gui. Cun ah kyasei ngami cu chang hei gui ami kiuk täng ah mäih ah kiuk täng khai gui; Kei naw ka m’kyuk law gui ung cun cu ngami ah ng’pyi nak ah kyak khai. Kei, Bawipa naw ka pyen nei.

Gade chapit la Kopi




JEREMIAH 6:15
29 Referans Kwoze  

Ka chang gui aw, nangmi naw shin ah shemshai ci gui nami bi ah phäh ah nami ng’aa ne ang? Ka nei! Nangmi cu akcang ah kä nami ng’aa ci; nangmi naw ng’aa vai phi kä nami hmat ci! Cun ah kyasei nangmi cu a hei gui ami ng’kiak ah mäih ah nami ng’kia tuk khai nei; kei naw ka ning m’kyuk gui ah a kyak ung cun cu nangmi ah ng’pyi nak kyak khai. Kei, Bawipa naw ka pyen nei.


Cun ah kyasei ngami ah hmawk ah kä nami ng’ä vai, ngami cu amik käm dei ci lam shüm tuk ciah amik m’dauh gui ah kyak ci gui. Amik m’dauh naw amik m’dauh cu lam am shüm ah a kyak ung, ani nik hnih cu m’ghawng ah lut khai goi nei,” cine m’cäi gui ci.


Cun ah kyak sei khaw aa ng’düm ne, khaw kä a aa ba ah kyak ci. Nang cu pawmya ciah mäih ah na kyak ci, nang ung lüng aa nak kä om ci.


Cun ah chang gui cu m’htei kho khüt ne hteit ci gui ah kyak ci. Ngami ah Khanpughi cu pumsa a ng’yak hlü ah om ih nak ah kyak ci. Ngami cu thui ng’aa nak vaisü ung khähghah ci gui, ami m’lung kyong ung phi khomdek khan ah a mawng ama bäng be ci.


Cun ung phi Bawipa cu mang gaw om sang ci, ang düng bang bik ci, akshe phung kä bik ci. A ngawi tä sei kä m’chüh en ah chang gui ah om nak ah taga nak cu law püi ci. Cung phi kä ng’düng ciah chang gui naw akshe bi vai k’pang u ne, kä ng’aa ci gui.


Akni pi la akbä pi gui cu ng’hling ah mäih ah akholä ah kyak ci gui. Khanpughi naw ngäng ci gui ah prophet gui am thu a pyen nak ah mäih ah chang gui am kyuk nak gui vah ah hnüüp gawk lawk ci nei. Ngami cu ng’thääk yawp ci gui nei.


“Prophet gui aw, nami hnüüp ng’pyi ci nei, nami khan ah khohni so ci nei. A i ah kyasei ci ung, ka chang gui lam nami hma sak gui ci, nangmi ung muimang kä om ba khai, kä nami ng’cäbang ba hlawt khai.”


M’kyuk nak ah akhin cu gawk lawk ci nei. Chang gui naw ami gah vai cu gah khai gui. Cun gui a gawk law ung Israel gui naw hmat khai gui. Nangmi naw nami pyen ci, “Shin ah prophet cu ak gu nei. Shin ah mümcha naw akbe ah chang cu ak gu ah kyak ci nei.” A i ah kyasei ci ung nami kat nak cu dishum aih ci nei.


Mang gaw kyong ah Chang awn nak om ci, cun ung phi si cu m’vut ah bu nak hning ah m’dek ung kä kya lawk ci, lung htaih ah khan ah kya lawk ci.


Ngami cu ami m’lung ling ci, kei kä na chang m’sui ci güi, Cun ah kyasei kei uk ciah Bawipa naw ka pyen nak gui cu na m’thein gui vai ah kei naw ka ning tüih nei.


Ngami naw ami hteh nak ah lam cu plai ne hmüp khai; kei naw ngami cu ng’vawn ne ka kiuk sak gui khai. Kei naw ngami ah khan ah leigai ka law püi khai; ngami m’kyuk nak gui vai ah akhin cu gawk lawk ci nei. Kei Bawipa naw ka pyen nei.


“Cun ung phi kei Bawipa naw shin gui ah phäh ah ka m’kyuk gui khai; kei naw shin ah changpakhui ah khan ah phu ka tuk khai.


Ashin gui ah phäh ah kei naw kä m’kyuk gui ne ka om khai ma, ashin ah mäih ah pakhui ah khan ah phu kä tuk ah om vai ma?


Nangmi cu ng’tuk nak ung ning ngawn gui khai gui, käcung thawngkyum ah pha ne ning kaih gui khai gui. Cun ung phi Bawipa m’lungshe nak cu kä ng’pyi khai, ani naw a kut cu m’kyuk nak vai ah shäng lä khai.


Ami mät ah mikhmai naw amimät hungtuk püi gui ci nei. Ngami naw Sodom ung chang gui ah mäih ah katnak cu ang dang ah bik ci gui nei. Ngami cu shekha u ne, acun ah a phu ng’kheng cu ami khan ah ami mät naw law püi ci gui.


Ami ning m’düng m’shung päng ung na ling aih ah akyak ung hnüüp ät ung akhui ah na ng’deng khai, kä na tho ba hlawt khai.


Tuhbäi hteit ä, kei naw ka ning m’cäi nak ah hmun ung chang gui cu khah püi gui ä. Ka khanchang gui naw lam ning m’shüm khai nei. Cun ung phi shin ah chang gui ami kat ah phäh ah ka m’kyuk nak gui vai ah a khin cu gawk lawk ci nei” cik ci.


Nami cüi vai chang gui cu lü ng’aa ci gui nei. Ngami cu ng’gogan u ne, cuun ung awk ci gui nei, Ngami naw kei ah ng’thu cu hnungtuk ci gui, tuhbäi a i cüivai nak ang ngami naw ami gah?


Cun ung phi Bawipa, kei na ngawn khai gui ah ami pawng m’htein avan cu nah mat ci nei. Ngami ah cheishoh nak kä m’geinsei en gui ä, ami katnak kä k’phiawn en gui ä. Ngami cu hnim ne shum sak gui ä, na m’lungshe nak awn om püi gui ä.”


cun ung phi tuh ngawi güt nami m’lung kä nami ng’neim sak ci nei. Nangmi naw kei kä na na mi na m’taam khah ci, kei naw nangmi la nami pupa gui am ka pek ah thu khan avan ah mäih ah kä nami om ci.


Thung bawk awn ami hluk ah gaw pang cu kei naw ka gäi khai, ka ng’piäh sak khai, ang nei lung gui ka maih sak khai. A cun naw ning geih gui ne name van ning ngawn gui khai. Cun ung Chang nü naw kei cu Bawipa ah nah mat khai.


Kä ng’aa ciah changpakhui gui, nami mät ng’cet tu shüm vä.


Cun ah khin a gawk law ung a u prophet phi amik hmuh awn kä khähghah khai, prophet ah mäih ah kä bik khai, chang gui ah ma ah gai ne prophet ah ghaat ciah suinu cu kä sui khai.


A ngawi ung angvai pi naw a hmaw ba am, “Yan mü kei naw ka ih püi pyi ci, tuh mü mä awktat khai ah ni tu ba khäta, nang naw na ih püi vai, cun ung nik ni cu ni pa awn ni hta lawk khai” cine pyen ci.


Kei, Bawipa naw, cun ah prophet gui ah khan ah a i ka bi vai cu ka ning m’thein gui ci, ngami cu kä ka tüih gui, kei ah min ung thu pyen u ne, shin ah kho cu ei cawi nak la ng’tuk nak la ei cawi nak awn ka ngawn gui khai.


A mü a hnüüp nami cheishoh ci, prophet gui phi a cun ah kyak ci gui, Kei naw ami nu Israel cu ka m’di lawk khai nei.


Swiv nou:

Piblisite


Piblisite