JEREMIAH 6:13 - Cho Bible Common Language 2016

¹³ Chang nü nü dämduh ci, zawken ci naw, kä ng’düng nak awn k’tha na ne ngui shui ci gui; prophet gui la taigü gui naw phi chang m’hleei ci gui.

JEREMIAH 6:13 Referans Kwoze

JEREMIAH 23:11

Bawipa naw pyen ci, “Prophet gui la taigü gui cu khanpughi kaa ah om ci gui; Taigüim kyong ah ngami naw akshe bi u sei ka hmu gui ci.

JEREMIAH 8:10

Cun ah kyasei ami lolai gui cu kaanak ciah ak thai gui am pe gui ne, ami chu gui cu ahei pami gui am ka pe gui khai. Akdämduh ak zawken chang nü naw kä ng’düng nak awn ngui gah vai ah k’tha nak ci gui. Prophet gui la taigü gui naw phi chang gui m’hleei gui ci gui.

MIKHAH 3:11

Mang gaw uktu gui naw, khawh la ne uk ci gui, taigü gui naw pek vai ah thukhän m’than ci gui, prophet gui naw ngui ami gah vai ah phäh ah cängbang ci gui — cun ung phi ami van Bawipa naw om püi gui ciah pyen ci gui. Ngami naw, “Akshe keimi ung kä gawk lawk khai, Bawipa keimi awn om ci” cik ci gui.

JEREMIAH 22:17

Cun ung phi namät ah phäh hta bäng cu nang naw na hmuk ci; Nang naw changnigui na ngawn ci, na chang gui phi m’ghämce ne nak shedam nak ci. Cun cu Bawipa ah Thu pyen nei.

MIKHAH 3:5

Ka chang gui cu prophet gui naw m’hleei gui ci gui, petak gui ci am dimdeeih nak shaitak pek ci gui. Kä petak gui ci am ng’tuk nak awn m’kyih ci gui. Bawipa naw, cun ah prophet gui am,

JEREMIAH 14:18

Kei cu lolai ma ah ka hteh ung ng’tuk nak ung ami ngawn gui cu ka hmuk ci; kei cu gawnu gui ung ka hteh ung ei ah cawi ne sik ciah chang gui cu ka hmuk ci. Prophet gui la taigü gui cu ami bii bik ci gui, cun ung phi a i ami bi kä hmat ci gui.”

JEREMIAH 5:31

Prophet gui naw a i kä pyen ci gui, hleei hlak ci gui; taigü gui naw prophpet gui ah thum khän ah mäih ah uk ci gui, kei ah ka chang gui naw phi kä maa na gui ci gui. Cun ung phi shin gui avan ak hnu hnüüp ung a gawk law ung ngami naw ai bik khai gui ang?”

ISAIAH 57:17

Ami katnak la ami ng’yak hlüaih nak ah phäh ah ka m’lungshe na gui ci, cun ah kyasei kei naw m’lyuk gui ne, ka nawng gui ci. Cun ung phi ngami cu m’lung ling u ne, ami mät ah m’hni ah om lä ci gui nei.

2 PETER 2:3

Cun ah thuvi ciah saya gui cu ng’yak nak hlü aih awn khän ne düng ciah thu pyein u ne, ami mät ung tang khai ah bik khai gui nei. Cäu ä tün ne ngami ng’thumcha gui khai cu om pyi ci nei, ngahmi m’di gui khai phi tho pyi ci nei!

1 TIMOTHI 3:3

Ani cu yu kä aw ne, ng’tuk vook kä lup ne, ng’awi gi ne, dimeih nak ng’yak hlük ciah chang ah kyak khai: ngui m’hni aih ciah chang ah kä kya khai;

LUKA 16:14

Ngui ng’ya hlük ciah pharisee gui cu, cun ah ng’thu cu ng’ya u netah, Bawipa Jesuh cu m’lep nak ci gui.

EZEKIEL 33:31

Cun ah kyasei ka chang gui ng’bum u ne, nang naw a i na pyen cu ngai ci gui nei, cun ung phi nang naw ami bi vai na pyen cu kä bik ci gui nei. Ami m’gawng ung m’hni nak ah ng’thu ami pyen ung phi ami ng’yak hlü nak cu bi lä ci gui.

EZEKIEL 22:12

Amshah naw cheng dou ne chang ngawn ci gui. Amshah gui naw ami Israel paw gui am ngui ataw ah k’pu u ne, ngami ah khan ah ataw la ne ng’büh mang ci gui. Ngami naw kei cu na m’hnih ci gui.” Uktu Bawipa naw a pyen nei.

NG’ÄI KYAH 4:13

Cun ung phi cun cu kya tukcang ci, a i ah kyasei ci ung, ani ah prophet gui cu shekha u ne, ataigü gui cu cheishoh u ne, chang k’ni gui ah sih nak vai ah mawng ah kyak ci gui.

JEREMIAH 32:32

ciah kyasei ci ung Judah la Jerusalem chang gui, ami ghangpughang gui la ami ng’vai gui, ami taigü gui la prophet gui naw ami bi ah shetkat nak gui avan ah phäh ah kyak ci.

JEREMIAH 2:26

Bawipa naw pyen ci “m’guk-ei ami pha ung a thüi ah amäih ah, Israel chang avan cu nami thüi khai, nami ghangpughang gui, bawi gui, nami taigü gui la prophet gui.

JEREMIAH 2:8

Taigü gui naw, ‘A hawi ang Bawipa?’ cine kä ng’shi thäh ci gui. Kamät ah taigü gui naw kä na hmat ci gui. Uk tu gui naw na hnungtuk püi ci gui; Prophet gui naw Baal ah ming ung thu pyen u ne, akholä ah kyak ciah a gup cu khawihnah ci gui.

ISAIAH 28:7

Prophet gui la taigü gui pui cu awktat u ne kyu shüi shüi ci gui. Ngami cu sapyit tui akda la awktat vai gui akda aw aih u neta gawk vaak kiungtäng ci gui. Prophet gui cu aw aih u neta khanpughi naw ak chaak law gui ah muimang cu kä hmat ci gui, taigü gui phi aw aih u neta, ami law püi ah amawngma gui cu kä phupit kaih yawih hlawt ci gui.

2 PETER 2:1

Thuvi ciah profet gui caü ami dang man ah mäih ah, thuvi ne m’theithang ci gui cu nangmi ah ng’lung ah dang lawk khai nei. Ngahmi naw dimaih nak vai la käng düng ciah yum nak cu law püi u ne, na hun gui ciah Bawipa phi mak khai gui nei, Cun gui cu a shänghta dimaih nak ung gawk khai gui nei.

JEREMIAH 2:29

Nang naw a i na pyen khai ang? A i ah kyasei nang naw na na hnungtuk püi ang?

JEREMIAH 17:11

Kä ng’düng ci awn ngui gah ciah chang cu, kä amtui baw ciah kha awn täng ci. A nong sang ge ung a ng’büh mang nak cu maih sei, ak hnu ah akholä ah kya ne agu ang nak ng’pyi ci.

JEREMIAH 27:15

Bawipa amät naw pyen ci, ngami cu ani naw kä tüi law gui ci, ngami naw ani ah ming awn nangmi cu ning m’hleei gui ci gui. Cun ah kyasei nangmi cu ning k’täm gui khai gui, nangmi la shinahhleei ne ning m’thein gui ciah prophet gui cu ning ngawn gui ci gui.

JEREMIAH 42:1

Gakap bawi gui ami van, Kareah ah hta Johanan la Heshaial ah hta Azariah gui cu ang bum päng ung chang gui awn law u neta

JEREMIAH 23:10

Shin ah khaw cu kä bekhüt ciah chang gui awn be ci nei; ngami cu a omshe ah ghing om u ne, ami huham akshe ah mang ci gui. Bawipa ah plah taam ah phäh ah mi khaw cu thüi sei ne, khulim gui cu chawng yawp ci.