JEREMIAH 6:12 - Cho Bible Common Language 2016

¹² Ami im gui, ami lolai gui la ami chu phi chang hei gui om pe gui khai gui. Shin ah kho ung om ciah chang gui cu kei naw ka m’kyuk law gui khai.

JEREMIAH 6:12 Referans Kwoze

JEREMIAH 8:10

Cun ah kyasei ami lolai gui cu kaanak ciah ak thai gui am pe gui ne, ami chu gui cu ahei pami gui am ka pe gui khai. Akdämduh ak zawken chang nü naw kä ng’düng nak awn ngui gah vai ah k’tha nak ci gui. Prophet gui la taigü gui naw phi chang gui m’hleei gui ci gui.

ISAIAH 5:25

Bawipa naw achang gui ah khan ah m’lungshe neta, ngami m’kyuk nak gui vai ah a kut shäng ci. Khaw m’htung gui thüng khai, sik ciah pumsa gui cu lam ung ng’ant ah mäih ah ng’zän shüt khai gui cun güt ung Bawipa ah m’lunghse nak cu kä ng’yi khai, cun ung ngami m’kyuk gui vai ah ani naw a kut cu shäng lä khai.

ZEPHANIAH 1:13

Ami khawh phi maih yawp khai, ami im phi di yawp khai. Ngami cu ami cawh ah im ung kä om ba khai gui, ami geit ah sapyit ah a tui phi kä aw ba khai gui.”

NG’ÄI KYAH 5:11

Kami chu gui cu Zion m’htung a mät ung ami k’pyei gui nei. Judean pigaw päng ung kami hta hnumi gui cu, ami ng’kia vai ah ami k’tut gui nei.

NG’ÄI KYAH 5:3

Kami pa gui cu ga naw ngawn gui ci nei, tuhbäi kami nu gui cu hmeinu ah kyak ci gui nei.

NG’ÄI KYAH 3:3

Ani naw a chimgein ka ah leng ba ba ne na tu that ci.

NG’ÄI KYAH 2:8

Zion ah pang gui cu kiuk khai gui nei, Bawipa naw k’bäi ci. Yüm yüm ah m’di nak vai ah ang hteicha nak vai ah ani naw nütdawng pyi ci. Tuhbäi tänghän gui la paang gui cu atäng ah kyu ne ng’yän ci gui.

JEREMIAH 38:22

Cun ung kei naw ka hmuh cu, Judah bawi mang im ung k’pawih ciah hnumi gui aran cu Babilonia Ghangpughang ah bawi gyi ah hteh püi gui khai gui nei. Ngami ami hteh sangung ami pyan cu ngai vä: ‘Ghangpughang cu am hni pi ah ateih püi gui naw m’hleei hlak u ne, ani cu ukmit ci gui. Tuhbäi akhaw gui cu ng’nai ung lut ci nei, ateihpüi gui naw nawng ci gui nei.”

ISAIAH 10:4

Nangmi cu ng’tuk nak ung ning ngawn gui khai gui, käcung thawngkyum ah pha ne ning kaih gui khai gui. Cun ung phi Bawipa m’lungshe nak cu kä ng’pyi khai, ani naw a kut cu m’kyuk nak vai ah shäng lä khai.

ISAIAH 9:21

Manasseh chang gui la Ephraim chang gui cu ami mät ng’tuk khai gui, cun kawn ah atäng ah Judah cu tuk khai gui. Cun ung phi Bawipa ah m’lungshe nak cu kä ng’pyi khai; ani naw a kut cu ngami m’kyuk nak gui vai ah shäng lä khai.

ISAIAH 9:17

Cun ah kyasei Bawipa naw ak hmaw chang a u phi kä luat sak khai, a u hmeinu hmeihta ah khan ah phi m’gein nak kä m’dang khai, a I ah kyasei ci ung chang avan cu khanpughi kaa ah kya ne cheishoh u ne ami ng’thu phung cu akshe ah kyak ci. Cun ah kyasei Bawipa ah m’lungshe nak cu kä ng’pyi khai, ngami m’kyuk nak gui vaiah a kut cu ani naw shäng lä khai.

ISAIAH 9:12

Akyang täng ung Siria, akhei täng ung Philistia gui naw Israel cu läm ge vai ah ami shai m’an ci gui. Cun ung phi Bawipa ah m’lungshe nak cu kä ng’pyi phak ci; ani naw ngami m’kyuk gui vai ah a kut cu shäng lä ci.

1 SHONTÄP NAK 21:16

David naw, khanchang cu a kut ung a khimsem kawt ne, Jerusalem cu m’ding ge khai ah khokhi ung ng’düi sei hmuk ci. Cun kawn ah David la ami ng’vaihta gui-ami van naw suishe sui u ne-ami hmai naw m’dek tawn khai ah kawp ci gui.

JEREMIAH 7:20

Cun ah kyasei kei uk ciah Bawipa naw shin ah Taigüim ah khan ah nui ciah ka m’lungshe nak cu ka yuk lawn khai nei. Kei naw chang gui la khisa gui ah khan ah atäng ah ka yuk lawn khai, sing ghing gui la geit kaw gui ah khan ah phi ka lawn khai. Kei ah ka m’lungshe nak cu a u naw kä a m’sih hlawt ah mei ah mäih ah kyak ci.

JEREMIAH 15:6

Nangmi chang gui naw nami na hnungtuk püi ci; Nangmi naw nami na ng’hlah tak ci. Cun ah kyasei kei naw ka kut shäng ne ka ning güüt gui khai, a i ah kyasei ci ung kei cu ka m’lungshe ka k’üüp nak ka cüm lawk ci.

JEREMIAH 21:5

Kei naw ka m’gäi nak, ka m’lungshe nak, ka nget nak, ka m’lungso nak avan awn nang cu ka ning tuk khai nei.

JEREMIAH 38:23

Cun kawn ah kei naw m’khah ba ne, “Na hnumi gui la na htanau gui cu Babilonian gui naw hteh püi guikhai gui, na mät phi ngami ah kut ung kä na phyawng khai. Nang cu Babilonia ghangpughang naw pha ne ning hteh püi khai, shin ah mang gaw cu m’dek ung gawk khai ah m’khih khai gui.”

EZEKIEL 35:3

Kei, uktu Bawipa naw ka pyen cu chang gui am m’thein gui ä: Edom khomhtung, kei cu nami na ga nei! Kei naw nang cu ka ning shiu sak khai.

MIKHAH 2:4

Cun ah khin a gawk law ung chang gui naw nangmi ah mawng cu di nak ah mang khai gui. Ngami naw nang ah bui awt ah mawng shin ah ng’äi m’cu khai gui; Keimi cu kami di yawp ci nei! Kami khaw phi Bawipa naw la ne tuh ne na näng gui ci gui am pe gui ci nei.”

ZEPHANIAH 1:4

“Jerusalem ung chang gui la Judah avan ung chang gui phi ka m’kyuk gui khai. Ak hnu ah Baala khawihnah ci gui ka m’di gui khai, acun ung bii bik ciah khaw taigü gui cu a u naw kä shüm ba gui khai.

NG’ÄI KYAH 5:2

Kami khawh gui cu chang hei gui ah kut ung om ci nei, Khohei chang gui cu kami im ung om ci gui nei.

EZEKIEL 7:24

Kei naw akshekha pikbäih ah pakhui gui shin ung law püi gui ne, nami im gui ka nin guh sak gui khai. Nami khawihnak nak ah hmun gui cu cun ah pakhui gui am ka m’shet law sak gui ah a kyak ung, k’thamah pikbäih ciah name chang gui cu ami m’lung thüi ne ami k’tha maih khai.