JEREMIAH 6:11 - Cho Bible Common Language 2016

¹¹ Nang ah m’lungshe nak naw hnungtuk püi gui ne kei phi na ui ci nei. Bawipa, kei naw cun cu kä ka kawt ba hning ci nei.” Cun kawn ah Bawipa naw kei na pyen nak ci, “Kei ah ka m’lungshe nak cä lam gui ung om ciah a hmaw gui la ng’bum ciah chang nong gui ah khan ah yuk huk ä. Ami cei gui la ami chu gui phi la yawp khai gui, a ghipa aih gui phi kä k’pawih nak khai gui.

JEREMIAH 6:11 Referans Kwoze

JEREMIAH 20:9

Cun ung phi kei naw, “Kei naw Bawipa kä ka m’hnih khai nei, ani ah min gung ng’thu kä ka pyen ba khai nei,” ka ciah a kyak ung, nang ah ng’thu cu kei ah m’lung kyong ah mei ah mäih ah ui ci nei. Kei naw cun cu akyong ah ka k’pan vai ah ka tha nak ci, cun ung phi kä ka k’pan vai ah ka tha nak ci, cun ung phi kä ka k’pang ba hlawt ci nei.

JEREMIAH 9:21

Sih nak cu m’kawt gui ung law ne, mi mang im gui ung lut lawk ci nei; A cun naw a hmaw hta gui cu lam ung ngawn gui ne, chang nong gui cu sumlei hmun ung ngawn gui ci nei.

MIKHAH 3:8

Cun ung phi kei cu Bawipa naw a mümcha la ahuham awn nakbe ne, taga nak ah mawng la Israel gui ah katnak m’thein nak gui vai ah thagui na pek ci.

THU PHLAAN 16:1

Cun kawn ah pum im ah kyong ungka naw khankho chang pachih-am “Khanpughi ah m’lungshe nak be ciah eikbei chih cu khomdek khan ah yuk hukä cine ng’hawh ne a pyein cu ka ng’yak ci.

LAMKTU 18:5

Macedonia ah kaa Silas la Timothi ani law ba kawn ah Paul cu thu Ni bäng k’tha nah ne pyein ne, Bawipa Jesuh cu Messiah ah a kyak ah mawng Judah chang gui am ak ni ah m’thein gui ci.

LAMKTU 17:16

Paul cu Athens gawnu ah Silas la Timothi cu ging goi ne a om yah ung, gawnu avan cu a gup bäng ah kyasei hmu netah ang htei ah am lung thüi ci.

LAMKTU 4:20

Kei mi läi kami hmuh lah kami ng’yak cu kä pyein ah kä ka mi om hlawt khai nei” ci neh kyak nah gui ci gui.

LUKA 17:34

Kei naw akcang ka pyein cu, cun ah mü ung, ih phak tumat ung ip ghawm ci goi ah chang hnih ung kaa, tumat cu la ne tumat cu nawng shüt khai.

EZEKIEL 9:6

Aghipa, chang nong, hnumi nong, nunu gui, hta hmaw gui, ngawn gui vä. Cun ung phi am calai ung m’hnüt nak om cicu kä name tawn en vai. Shin ah kei ah Taigüim pei ung name tün vai.” Cun ah kyasei ngami haw Taigüim pei ah ng’düi ciah ang vai gui ung tün ci gui.

EZEKIEL 3:14

Bawipa ah huham cu kei ah khanah dämuh ciah nak tut ne gawk law khäta amum cha naw na hteh püi sei, kei cu ka m’lung na ne ka m’lung she ci.

JEREMIAH 18:21

Cun ung phi tuhbäi Bawipa ami hta nau gui cu ei ah cawi ne sih sak gui ä; ng’tuk nak ung ngawn sak gui ä. Hnumi gui ah ami cei gui la ami hta gui cu maih sak gui ä; pami gui cu natnak awn sih sak gui ä, chang nong gui cu ng’tuk nak ung ngaawn sak gui ä.

JEREMIAH 7:20

Cun ah kyasei kei uk ciah Bawipa naw shin ah Taigüim ah khan ah nui ciah ka m’lungshe nak cu ka yuk lawn khai nei. Kei naw chang gui la khisa gui ah khan ah atäng ah ka yuk lawn khai, sing ghing gui la geit kaw gui ah khan ah phi ka lawn khai. Kei ah ka m’lungshe nak cu a u naw kä a m’sih hlawt ah mei ah mäih ah kyak ci.

ISAIAH 40:30

Hmaw chang gui phi ami k’tha ken thei ci; chang nong gui phi tha maih sei kyu ng’täk thei ci gui.

JEREMIAH 15:6

Nangmi chang gui naw nami na hnungtuk püi ci; Nangmi naw nami na ng’hlah tak ci. Cun ah kyasei kei naw ka kut shäng ne ka ning güüt gui khai, a i ah kyasei ci ung kei cu ka m’lungshe ka k’üüp nak ka cüm lawk ci.

JEREMIAH 15:17

Kei naw ka mät ah khin cu gaih ng’pian om k’ni düt awn kä ka ng’pyi sak ci. Nang ah thukbäi gui cu ngai ne, ka mät naw ka mät om ne, m’lungshe nak awn ka be ci.

NG’ÄI KYAH 1:15

Bawipa naw gaigawng pikbäih ciah ka gakap avan cu gaih tuk ci. Ani naw ka chang nong gui m’di gui khai ah ga bum tüi lawk ci. Sapyit theih gui neen nak ungka ah mäih ah ani naw ka chang gui güüt gui ci.

NG’ÄI KYAH 2:21

Chang nong gui la aghipa gui cu atäng ah lam ung si ne ng’yän ci gui. Pami hnumi chang nong gui cu ga gui ah khimsem gui naw ngawn gui ci gui nei. Na m’lungshe nak ah kho hhnüüp ung chimgein nak kä om ciah nang naw na ngawn sheh gui ci nei.

EZEKIEL 3:3

Ani naw pyen ci, “Hnicim chang, kei naw ka ning pek ah shin ah ca k’chaw cu ei ä; a shin awn na Chi bi sakä.” Kei naw cun cu ka ei ci, khoitui ah mäih ah tui hlim ci.

EZEKIEL 24:21

nangmi Israel gui am shin ah ng’thu ning m’thein gui vai ah kyak ci. Nangmi cu Taigüim ah khän htek nak awn nami khäh ghah ci. Nangmi naw acun nami teng hlük ci, acu ah nami hteit hlük ci, cung phi Bawipa naw cun cu lelawi law sak khai nei. Jerusalem ung k’pawih ba shüt ciah nami kyong chang ung ak hmaw ba gui cu ng’tuk nak ung ngawn gui khai gui nei.

JEREMIAH 5:9

Ashin gui ah phäh ah kei naw kä m’kyuk gui ne ka om khai ma, ashin ah mäih ah pakhui ah khan ah phu kä tuk ah om vai ma?

JEREMIAH 9:20

Kei naw ka pyen ci, “Nangmi hnumi gui, Bawipa cu ngai vä, ani ah ng’thu cu ngaih na kheng vä. Nami hta hnumi gui a i cha ah ami thüi kyah vai, 1 nami teipüi gui naw a i cha ah gook kyah ng’äi ami m’cu vai cu m’thei gui vä.