JEREMIAH 6:10 - Cho Bible Common Language 2016

¹⁰ Kei naw ka m’shang ci, “Kei naw ngami ng’thu püi gui ne, ka m’cäi gui ah a kyak ung a u naw kei na ngai khai ang? Ngami cu m’lung liing u ne nang ah thu ngaih vai ha mak cu gui nei; kei naw ka pyen vai ah na na m’thein cu ngami naw gaih tuk ci gui nei.

JEREMIAH 6:10 Referans Kwoze

LAMKTU 7:51

Stephen naw, “Nang mi cu nami ling aih aih ci, na mi m’lung naw Khanpughi kä yum hlawt ci, Khanpughi ah ng’thu phi kä nami yum hlük ci, nang mi cu nami pupa gui ah mäih ah Mumcha Theing cu ang täi sei nami hnu nak ci nei,

JOHAN 7:7

Khomdek chang naw nangmi kä ning thüi na gui ci, cun ung phi ngami ah shetkat nak cu, kei naw m’dang ne pyein ngä sei, kei cu na thüi nak ci gui.

JEREMIAH 7:26

Cun ung phi a u naw phi kä na ngai ci, a i ah kä na sui ci. Cun nak vaisü ung nangmi cu ling law pi u ne, nami pupa gui ah ta nami hnungtuk law pi ci.

HEBRU 11:7

A ngawi ah gawk lawk khai ah kä hmu hning ah a mawng gui, Khanpughi naw khän ne am cäi nak Noah naw ang yak cu a yum nak awn ah kyak ci. Ani naw Khanpughi ah thu ngai ne amät ah kiong khui ah phiawn nak ah hteinpaw im cu co ci. Cun ah khomdek chang gui ah shetkat nak cu dang sak ne, ani cu a yum nak awn Khanpughi ung düng nak cu gah ci.

ISAIAH 53:1

Chang gui naw m’shang u ne, “Tuhbäi keimi naw kami pyen cu, a u naw yum khai ang? Shin ung Bawipa ah kut hnün cu a u naw hmuk khai ang?

PHYAWN NAK 6:12

Moses naw, “Israel chang gui hngaw naw ka ng’thu kä ami ngaih ung, a i cha ah ghangpughang naw ana ngaih vai ang? Kei cu kä ka ng’thu thei ci nei” ci tu ba ci.

2 TIMOTHI 4:3

Chang gui naw düng ciah yum nak cu kä ngai ya hlü ne, amät ah ng’yak hlü düt läk ne, ami mät ah ng’yak hlü bä bä ah thu m’gawng khai ah, m’theithang ci gui cu k’tä ne ami shui nak ah akhin gawk lawk khai nei.

KOLOSE 1:28

Cun ah kyak sei Bawi Khrit ah mawng cu chang nüng-am kami m’thein ci. Bä ciah cüivai nak awn kami m’cäi nak la kami m’thei nak cu, Bawi Khrit ung kawng ät nak awn ak chang sing theek-hai ne, Khanpughi ah ma ah ami gawk law vai ah kyak ci.

ROMAN 7:22

Khanpughi ah thukhän cu kei ah m’lung kyong naw yeikyai ne dou ci.

LAMKTU 7:60

Ani cu m’khuukdoong netah, “Khanpughi awi, shin ah chang gui ah ami katnak cu m’gein gui ä” ci neh ak’aw m’can neh m’lau netah kät lawk ci. Saul cu Stephen ngawn vai ah yum tuk ciah chang ah kyak ci.

JOHAN 9:40

Bawipa Jesuh a pei ah om ciah pharise gui naw, Bawipa Jesuh ah ng’thu cu ng’ya u netah, “Keimi mä kami mik m’dauh ciah na pyein ci ma?” cine ng’shik ci gui.

LUKA 20:19

Thukhän saya gui la taigü ng’vai gui cu, Bawipa Jesuh naw ngami-am ci gui ah amtumtäng cu hmat u netah, Bawipa Jesuh cu pha hlük ci gui. Cun ung phi chang gui cu kyih gui ci gui.

LUKA 11:45

Thukhän saya tumat naw, Sayapa, nang naw cun ah na pyein cu, keimi na na k’shedam nak gui ah kyak ci” cine pyein ci.

MATTHE 3:7

Pharisee gui la Sadducee gui cu tui ng’hnim tuk khai gui ah ami law hmu gui netah Johan naw, “K’Phyu m’äm ah gui aw! Gawk lawk khai ah Khanpughi ah m’lungshe nak phiawn nak vai ah mawng cu a u naw ang a ning m’thein gui?

AMOS 7:10

Amaziah, Bethela ung taigü naw, Israel ghangpughang Jeroboam am ng’thu am thein law cu, “Amos naw chang gui ah ng’lung ah nang cu düm ah ning hnungtuk püi ci nei, ani ah ng’thu naw khaw cu di sak khai nei.

EZEKIEL 33:9

Chang shekha cu nang naw thukbäi lang ci sei, akat nak kä m’düm ne, akatnak awn a sih ah a kyak ung, nang ah ghin nak cu phyawng khai.”

EZEKIEL 33:3

Ani naw ga gui ng’et law u sei a hmuh ah a kyak ung, ani naw k’phyung tum ne chang nü cu m’tholet ci.

JEREMIAH 4:4

Nami Bawipa, kei awn ng’thu mi khän cu nami k’pan vai nei, nami mät naw nami mät kei ung nami ng’ap vai, nangmi Judah la Jerusalem chang gui. Cun ah kä nami bi ung nangmi naw akshe nami bi ah hmawk ah ka m’lungshe nak naw mei ah mäih ah ning ui gui khai nei. Cun ah a uih law ung cun m’sih khai a u kä om khai nei.”

SAM 119:174

O Bawipa, na hun m’htei nak cu a i güt ka gin vai ang? Na thukhän ung yeikyai nak ka hmuk ci nei.

SAM 119:77

Kei cu na m’gein ä, cun ung ka ghing khai, a i ah kyasei ci ung na thukhän ung lünlawi nak ka gah ci.

SAM 119:70

Shin ah chang gui ung hmuhmat nak kä om ci, cun ung phi na thukhän ung lünlawi nak ka hmuk ci.

SAM 119:35

Na thumkhän ngaih nak vai ah na shum ä, a cun ung yeikyai nak ka hmuk ci nei.

SAM 119:24

Nang ah m’shüm thein nak gui naw yeikyai nak na pek ci; Ngami naw na tängpang püi ci gui.

SAM 119:16

Kei naw na thukhän ung yei nak ka gah ci; Na thumkhän gui cu kä ka m’hnih khai.

SAM 40:8

Ka Khanpughi, na ng’yak hlü bi vai cu ka m’hni aih ci nei! Nang ah na m’theithang cu ka m’lung kyong ung ka m’küm ci nei.”

SAM 1:2

Ani cu Bawipa ah thu khäm hmuteng ne, yei ne, Läk ne, Amü a hnüüp khei ne phat ciah kyak ci.

THULÄÄN NAK 29:4

Cun ung phi avan nami bui awt gui cu tuhngawi güt ani naw nangmi am kä ning hmuh sak gui ci.

JEREMIAH 5:21

Ngai vä, gu ang she khak ciah chang gui, nami mik on sei kä nami hmu hning ci, nami hnga om sei kä nami ng’ya hning ci.

ISAIAH 42:20

Israel gui, nangmi naw akda nami hmuk ci, cun ung phi nangmi ah hwawk ah abä nak a i om ne ang? Nangmi nami ng’yak nak vai nami hnga om ci, Cun ung phi nangmi naw akcang ah nami ng’yak cu a i ang?”

JEREMIAH 7:13

Nangmi naw shin ah katnak gui avan nami bik ci, kei naw leng ba ba ne ning thu püi gui ngä sei phi ma ne kä nami ngai ci. Kei naw ka ning khü gui ung nangmi naw kä nami m’shang ci.

EZEKIEL 3:7

Cun ung phi Israel Chang gui a u naw phi kä ngai hlük khai nei; Ngami naw kei phi kä na ngai khai gui nei. Ngami ami van cu ami m’lung ling sei ai kä tä ci gui ah kyak ci.