JEREMIAH 52:7 - Cho Bible Common Language 2016

⁷ Mang pang gui cu ng’gäi yawp ci. Babilonian gui naw mang gaw cu veing ne khaai pang u sei phi, khomü ah gakap gui ami van cu luat yawp ci gui. Ngami cu mang ah dum täng, pang goi ah ani ng’lak m’kawt ung hteit u ne, Jordan khongnawi täng ah dawng ci gui.

JEREMIAH 52:7 Referans Kwoze

JEREMIAH 51:32

Ga gui naw tuinu-kan nak yung cu tu ne khäm u ne, gatuk im gui gui mei awn m’khih ci gui. Babilonian gakap gui cu catne ng’hlet ci gui.

2 GHANGPUGHANG GUI 25:4

mang gaw k’paang gui cu gäi ci gui. Babilonian gakap gui naw mang gaw cu khaai pang u sei phi gakap gui ami van mü ah dawng yawp ci gui. Ngami cu bawimang ah duum täng ah dawng u ne, k’paang goi ah angchum nak ah m’kawt ung hteit u ne, Jordan khongnawi täng ah dawng ci gui.

JEREMIAH 49:26

Cun ah hnüüp ung ani ah chang nong gui cu mang gaw lam gui ung ngawn gui khai gui, ani ah gakap gui ami van m’di gui khai gui.

THULÄÄN NAK 32:30

A i ah kyasei chang tumat naw chang phia gha a hnim gui ang? A i ah kyasei chang hnih naw chang phia phia a hnim gui ang? Bawipa nami Khanpughi naw ngami nawng gui ci. M’gäi ciah ami Khanpughi naw ngami mlungsi sak gui ci.

THULÄÄN NAK 28:25

“Bawipa naw nami ga gui am nangmi ah khan ah näng nak pe gui khai. Nangmi naw lam tumat ung hteit ne nami tu gui khai, cun ung phi ngami ungka lam avan ung nami dawng khai. Nangmi ah khan ah cun ah a kyak law gui cu, khomdek khan ah chang avan naw hmu u neta cäicat khai gui.

TAIGÜTHUM 26:36

“Kei naw omktu khaw ah nami om tuk ci gui cu ang htei ah ka ning kyihkyawk sak gui khai. Khaw khi sei sing hnah a hnün hngaw ung nami dawng khai, nami pei ah ga kä om sei phi nami ng’täng khai.

TAIGÜTHUM 26:17

Kei naw ng’hlat ne ka ning hnungtuk püi gui khai, cun ung ning hnim gui khai gui, nangmi ning thüi na gui ci naw ning uk gui khai, nangmi cu nami kyikyawk aih khai, a u naw kä a ning gawt gui ung phi nami dawng khai.

JEREMIAH 34:22

Kei naw thukbäi ka pek gui ung ngami cu mang gaw ah law ba khai gui ngami naw tu u ne, khäm u ne, mei aw m’khih khai gui. Kei naw Judah gawnu gui cu a u ah kä um nak ah bung pya ah mäüh ah ka pyang kha kei, Bawipa naw ka pyen ci.”

JEREMIAH 39:2

Zedekiah ghangpughang ah a kyak nak akum ghalei at nak a cha phil nak ah a hnüüp kaw hnüüpung, mang gawk pang ung ngai ci.

EZEKIEL 12:12

Ngami uk gui ciah mang hta cu a htunkpi gui ak phleing ung taih ne, hmüp khui ung k’paang ami vüh pawk pei ah m’kawt tung hteit ne phyawng khai. Ani naw amik cu shung ci kya ne a hawi ah a hteh cu kä hmuk khai.

EZEKIEL 33:21

Omktu ah kami om nak a kum gha lei goi nak, a cha gha nak ah a hnüüp hma nak ung, Jerusalem ungka phyawng lawk ciah chang tumat cu law neta, mang gaw ng’kiak ci nei, cine na m’thein ci.

AMOS 4:3

Nangmi cu ning yäk gui une, paang ning thah na gui ne, ning ghawt gui khai gui,” ciah kyak ci.

JEREMIAH 6:5

Mikmi naw mü ung mi tuk khai nei, mang gaw ah pang khäng gui cu mi m’di khai nei.

EZEKIEL 12:4

Kho hnüüp yah ung omktu ah na hteit khai ah na htun k’pi vai nei, cun ung ngami naw ning hmuk khai gui, nang cu omktu khaw ah na hteit khai ah mäih ah mühun täng ah na hteh ung ngami naw ning hmu u sä.