JEREMIAH 52:6 - Cho Bible Common Language 2016

⁶ Acu kum a cha phli nak ah a hnüp kaw hnüüp ung a mi cawi gha nak nui law aih sei chang gui ami ei vai kä om ba ci,

JEREMIAH 52:6 Referans Kwoze

JEREMIAH 39:2

Zedekiah ghangpughang ah a kyak nak akum ghalei at nak a cha phil nak ah a hnüüp kaw hnüüpung, mang gawk pang ung ngai ci.

ISAIAH 3:1

Tuhbäi ung Bawipa, M’gäi ciah Bawipa naw, Jerusalem la Judah ungka naw ak thuuk ah chang päng la avan päng, acun ah ng’lei khan ah om ci phung hteh püi gui khai. Ami tui la ami ei phi lak pe gui khai.

JEREMIAH 38:9

“Ka bawi aw, shin ah chang gui naw ami bi cu hma ci nei. Ngami naw Jeremiah cu tuishawk ung tha ci gui, ani cu ei ah cawi ne akcang ah sik khai nei, cun sangung mang gaw kyeng ah ei vai kä om ci.”

2 GHANGPUGHANG GUI 25:3

A cu kum a cha phli nak ah a hnüüp kaw hnüüp ung ei vai maih sei chang gui ami ei vai kä om ba sei,

ZEKHARIAH 8:19

“Acha phli nak, a cha hma nak, a cha chih nak la a cha gha nak ung ei hlawinak cu Judah chang gui ah hmawk ah yeikyai nak, hüithaw nak ah mang pawi ah kyak khai nei. Nangmi naw ng’düng nak la dimdeeih nak nami m’hni vai nei.”

EZEKIEL 14:21

Shin cu Uktu Bawipa ah a pyen ah kyak ci nei: “kei naw Jerusalem ah khan ah ak kaa pikbäih m’kyuk nak phli cu ka tüi lawk khai-cun gui cu ng’tuk nak, lei gai, khisa nget la gawp yam nak ah kyak ci-cun gui naw Chang gui la seime gui cu m’di khai gui.

EZEKIEL 7:15

Lam gui ung ng’tuk nak gui om ci, im gui kyong ah gawp yam nak la ei cawi nak om ci. Khopäng ah akpung ah lut lawk ci phung cu ng’tuk nak ung sik ci, mang gaw kyong ah om ci gui cu gawpyam nak la ei cawi nak ung sik khai gui.

NG’ÄI KYAH 5:10

Ei cawi nak naw ng’hüüt ne na ui cui ci, Kami vun cu meibum ah mäih ah ang ling güt na ui gui ci.

JEREMIAH 25:10

Yeikyai nak la lünlawi nak ah k’aw gui la ng’kawi cang nak pawi ah k’aw gui cu kei naw ka deeih sak khai nei. Ngami ung mei-im ungka vai situi phi kä om ba khai, pümhta phi kä om ba khai.

JEREMIAH 21:9

Mang gaw kyong ah k’pawih ba ciah chang phung ng’tuk nak ung ei ah cawi ne, natnak ung sik khai. Cun ung phi akpung ah hteit ne tuhbäi mang gaw tuk ci gui ah Babilonia gui ah ma ah a kut chah cicu kä ngawn khai gui; ngami cu ami hnun ghin nak läi phyawng khai.

JEREMIAH 19:9

Ga gui naw mang gaw cu khaai u ne acun ung chang gui cu ngawn vai ah k’tha nak khai gui. Ami koi nak gui cu shou aik khäta mang gaw kyong ah om ciah chang gui cu ami mät ng’ei tuk khai gui, ami mät ah hta nau gui phi ei khai gui.”

JEREMIAH 15:2

Ngami ahawi ami hteh vai ami ning shi law ah a kyak ung kei naw ka pyen cu m’thein gui ä: amshah gui cu nat nak awn ng’ziin ne sik khai gui. Cun cu ngami ah hteh nak vai ah kyak ci! Am shah gui cu ng’ziin u ne ng’tuk nak ung sik khai gui — Cun cu ngami ah hteh nak vai ah kyak ci! Amshah cu ei ah cawi ne sik khai gui Cun cu ngami ah hteh nak vai ah kyak ci! Amshah cu pha ne hteh püi khai gui Cun cu ngami ah hteh nak vai ah kyak ci!

THULÄÄN NAK 32:24

Ngami cu ei ah cawi ne gaw ne sik khai gui, Ngami cu kyih vai ah natnak gui awn sik khai gui. Ngami tu gui khai ah kei naw khisa gui ka tüi khai. Am äm mah ah phyu naw k’dawk gui khai.

TAIGÜTHUM 26:26

Kei naw nami ei awk vai cu ka ning tukpit pe gui khai, cun ah kyasei hnumi gha naw ngami ung om ciah m’htut avan ami ng’shai nak vai ah meibum tumat bäng hlü khai gui. Ngami naw nän ne tei khai gui, cun avan nami ei yawp kawn ah phi nangmi cu nami cawi ba lä khai.

JEREMIAH 37:21

Cun ah kyasei ghangpughang Zedekiah naw Ebäi ne mang im kyong ah na khai shi ci. Kei a cu ah om ngä sei, mang gaw ung m’htut avan kä angpyi pha ung m’htut ami yoih nak ah kaa naw a hnüp tä sei m’htut pum ät ci na pe lawk ci gui.

NG’ÄI KYAH 1:11

Ani ah chang gui cu ami ei vai shui ne ng’hlo ng’ei ci gui. Ngami naw ami m’küm khawh gui cu ami hnun ami m’ghin nak vai ah ei awn m’thawng ci gui. Bawipa na teng ä, ka m’lung ah natnak cu na hmuh pe ä, “ci ne mang gaw gui cu kyap ci gui.

EZEKIEL 5:16

Kei naw name ei vai cu ning khai pe gui ne ka ning cawi sak gui khai. Nangmi naw m’la k’ghat awn kap ning ne m’diah ah mäih ah ei cawi ne natnak cu name gah khai.

EZEKIEL 14:13

ani naw pyen ci, “Hnicim Chang, khopäng tumat cu katnak bi ne, kei ung kä abekhüt ah a kyak ung, kei naw ka kut shäng ne, ani ah ei awk vai gui cu ka m’di khai. Kei naw m’gaang tüi law ne Chang gui la seime gui cu ka ngawn khai.

EZEKIEL 31:1

Omktu ah kami om nak a kum gha lei ät nak, a cha thum nak ah, a hnüüp ät nak ung, Bawipa naw na ng’thu püi ci.