JEREMIAH 52:4 - Cho Bible Common Language 2016

⁴ Cun ah kyasei Nebukhadnezzar naw nga gui avan awn law ne, Zedekiah ah uk nak a kum kaw nak, acha gha nak ah a hnüüp gha nak ung Jerusalem cu law ne tuk ci. Ngami cu mang gaw k’pung ah phung tu u ne, a caun ah ng’veing ah m’dek k’paang co ci gui,

JEREMIAH 52:4 Referans Kwoze

JEREMIAH 39:1

Zedekiah, Judah ghangpughang ah a kyak nak ah akumkaw nak a cha gha nak ung. Babilonia ghangpughang Nebukhadnezzar naw agakap gui avan awn law ne Jerusalem cu tu lawk ci.

ZEKHARIAH 8:19

“Acha phli nak, a cha hma nak, a cha chih nak la a cha gha nak ung ei hlawinak cu Judah chang gui ah hmawk ah yeikyai nak, hüithaw nak ah mang pawi ah kyak khai nei. Nangmi naw ng’düng nak la dimdeeih nak nami m’hni vai nei.”

JEREMIAH 52:7

Mang pang gui cu ng’gäi yawp ci. Babilonian gui naw mang gaw cu veing ne khaai pang u sei phi, khomü ah gakap gui ami van cu luat yawp ci gui. Ngami cu mang ah dum täng, pang goi ah ani ng’lak m’kawt ung hteit u ne, Jordan khongnawi täng ah dawng ci gui.

JEREMIAH 32:24

“Babilonian gui naw shin ah mang gaw tu ne khäm khai gui ah khui gui veing ne co ne khai u ne tu lawk ci gui nei. Ng’tuk nak, ei cawi nak la gawpyam nak naw shin ah mang gaw cu ngami ah kut ung ng’kiak sak khai nei. Nami van naw nami pyen gui abä law cu nangmi naw nami hmuhning ci nei.

LUKA 21:20

Jerusalem cu gakap gui naw ngäng u sei nami hmuh ung adi law nak vai ng’et lawk ciah nami hmat vai.

LUKA 19:43

Gaa gui naw nang cu, am kawt päng ung ning mah u ne, ami ning koi nak ah khin gawk lawk khai nei.

EZEKIEL 21:22

Tuhbäi! Jerusalem ciah m’hnüt ah m’la cu ani ah akpat täng kut ung k’paang lawk ci. Acun naw hteit ne ng’tuk nak singtawn pyan vai, ng’tuk vai ah m’lau vai, m’kawt gui hnungtuk ne shung nak tung gui tha vai, m’dek khui gui cawh vai, myawng gui cawh vai ah ani am m’thein ci.

ISAIAH 29:3

Khanpughi naw cun ah mang gaw cu tuk khai, Veing ne khaai khai.

TAIGÜTHUM 26:25

Mi thukhän nami m’shet ah phäh ah ning m’kyuk gui khai ah ng’tuk nak kei naw ka law püi khai, nangmi cu nami mang gaw kyong ah phyawng ne nami ng’bum ba ah a kyak ung, kei naw nami ng’lung ah kä m’htei hlawt vai ah natnak ka tüi lawk khai. Nami ga gui ah ma ah nami kut nami chah khai ah ning k’ceet gui khai gui.

JEREMIAH 34:1

Bawipa naw kei na ng’thu püi ci, cun cu Babilonia ghangpughang la agakap gui, changpakhui avan la pakhui gui ah gakap gui naw ng’düih püi u sei Jerusalem la a pei yung ah gawnu gui ami tuk law sanung ah kyak ci.

EZEKIEL 26:8

Khonglung ah om ciah gawnu gui ung om ci gui cu ng’tuk nak ung ngawn gui khai gui. Ga gui naw m’vam co u ne, m’dekkhui co u ne khäng ciah shawi paang gui kawt ne ning tuk khai gui.

EZEKIEL 33:21

Omktu ah kami om nak a kum gha lei goi nak, a cha gha nak ah a hnüüp hma nak ung, Jerusalem ungka phyawng lawk ciah chang tumat cu law neta, mang gaw ng’kiak ci nei, cine na m’thein ci.

EZEKIEL 40:1

Cun cu khokum thai ah a hnüüp gha nak ah kyak ci, omktu ah ami nah hteh püi gui kawn ah a kum m’ku lei hma nak, Jerusalem tu ne ami khäm kawn ah akum gha lei phli nak ah kyak ci. Cun ah hnüüp ung kei cu Bawipa naw a huham awn na be sak neta a hei ah na hteh püi ci.

JEREMIAH 4:17

Chang gui naw lo ami ngäng ah mäih ah ngami naw Jerusalem cu koi khai gui, a i ah kyasei ci ung Bawipa cu a chang gui naw hnungtuk püi ci gui nei. Bawipa naw pyen ci nei.

JEREMIAH 21:2

“Na bä ni, kei mi ah phäh ah Bawipa ah na thäh pe gui ä, a i ah kyasei ci ung Babilonia ghangpughang Nebukhadnezzar la a gakap gui naw mang gaw cu khai ci gui nei. Bawipa naw keimi ah phäh ah cäi aih vai tumat bawta m’dang ne, Nebukhadnezzar cu ng’hlah ei ba sak hman khai nei.”

EZEKIEL 21:27

Di ci, di ci! Kei naw mang gaw cu ka di sak khai. Cun ung phi kei naw mang gaw m’kyuk khai ah ka ghü ah chang kä a law pha ah chuih cun ah kä kyak khai. Cun kawn ah shin cu ani am ka pek khai.