JEREMIAH 52:11 - Cho Bible Common Language 2016

¹¹ Cun kawn ah ani naw Zedekiah ah mik gui cu kawih pe neta m’si gui awn khit ne Babilon ah hteh püi ci gui. Zedekiah cu a sih güt Babilon thawng ah om ci.

JEREMIAH 52:11 Referans Kwoze

EZEKIEL 12:13

C un ung phi kei naw ka ng’vai k’phiat ne a cun awn ka phak khai. Cun kawn ah kei naw ani cu Babilon mang gaw ah ka hteh püi khai, a cu ah ani cu acun kä hmuh ah sik khai.

JEREMIAH 39:7

Cun kawn ah Zedekiah ah mik gui cu kawih pen eta guiawn khit he babilonia ah hteh püi vai ah tha ci.

EZEKIEL 17:16

Uktu Bawipa naw pyen ci, “kei cu ghing ciah khanpughi akcang ah ka kyak ci, Shin ah ghangpughang cu Babilonia ah sik khai, a i ah kyasei ci ung ani naw a thukhän cu m’shet ne mang kiang ung ngoh sak ciah Babilonia ghangpughang awn ani bi nak cu am shet ah phäh ah kyak ci.

JEREMIAH 21:7

Cun ung phi nang, na bawi gui la ng’tuk nak, camisha la natnak ung ka k’pawih ba ci gui-nangmi nami van cu ghangpughang Nebukhadnezzar la ning ngawn hlü gui ciah nami ga gui am ka ning hnim sak gui khai. Nebukhadnezzar naw sih nak ning pe gui khai. Ani naw nangmi a u phi kä k’pawih nak khai, chimgein nak, chihna nak a u am phi kä m’dang khai, kei, Bawipa naw ka pyen ci.”

NG’ÄI KYAH 2:6

Ani mi khawihnah nak ah Taigüim cu ng’phyit khai ah ani naw m’di ci. Ani naw theingcim ciah hnüüp gui la pum nak hnüüp gui cu ng’pyi sak ci. Ghangpughang la taigü naw atäng ah ani ah k’tut nak ah m’lungshe nak cu khan ci gui.

EZEKIEL 23:24

Ngami naw a siiptäng ah ka naw ning tu law gui khai gui, yatha gui la tui ei gui awn gakap aknui law püi ne ning tu lawk khai gui. Shawi gui kawt ne m’si bikhu ung’büng ne ning khaai khai gui. Kei naw ngami am ka ning ap khai, Ngami naw ami mät ah thukhän awn ning m’khoi chak khai gui.