JEREMIAH 52:1 - Cho Bible Common Language 2016

¹ Zedekiah cu Judah ghangpughang ah a kyak law yah ung akhokhum m’ku lei ät lawk ci, ani naw Jerusalem ung kum gha lei ät uk ci. Anu ah ming cu Hamutal, Libnah mang gaw ung om ciah Jeremiah ah hta ah kyak ci.

JEREMIAH 52:1 Referans Kwoze

2 GHANGPUGHANG GUI 24:18

Zedekiah cu Judah ghangpughang ah a kyak yah ung khokum m’ku lei ät lawk ci, ani naw Jerusalem ung om ne kum gha lei ät uk ci. Ani ah anu cu Hamutal, Libnah mang gaw ungka, Jeremiah ah hta ah kyak ci.

JOSHUA 10:29

Cun kawn ah Joshua la a gakap gui cu Makkedah ungka naw Libnah ah hteit ne tu ne khäm ci gui.

2 SHONTÄP NAK 36:11

Zedekiah cu Judah ghangpughang ah a kyak law yah ung a khokum m’ku lei ät lawk ci, ani naw Jerusalem ung om ne kum gha lei ät ung uk ci.

2 GHANGPUGHANG GUI 8:22

Edom cu cun ung tün ne Judah ungka amät uk ciah kho ah kya lawk ci, cun sangung Libnah mang gaw naw phi hnungtuk lawk ci.

JOSHUA 15:42

Cun kawn ung om ba ciah mang gaw gui cu Libnah, Ether, Ashan,

2 GHANGPUGHANG GUI 23:31

Joahaz cu Judah ghangpughang ah a kyak law yah ung a khokum kum m’ku lei thum lawk ci, ani naw Jerusalem ung om ne cha thum ung uk ci. Ani ah anu cu Libnah mang gaw ungka Jeremiah ah hta Hamutal ah kyak ci.

ISAIAH 37:8

Ghangpughang naw lachish cu hteh ta ne libnah mang gaw pei yun ah ng’tuk bik ciah Assirian bawi naw ng’ya ci; cun ah kyasei ani ng’gepai püi khai ah a cu ah hteit ci.

JEREMIAH 21:1

Judah ghangpughang Zedekiah naw Malchiah ah hta Pashhur la Maaseiah ah hta taigü Zephaniah cu shin ah ng’thu pyen awn kei ah tüi lawk ci:

JEREMIAH 51:59

Ghangpughang Zedekiah ah chang m’hteng cu Seraiah, Neriah ah hta Mahseiah ah tu ah kyak ci. Zedekiah Judah ghangpughang ah a kyak nak akum phli nak ung, Seriah cu ani awn atäng ah Babilonia ah hteit ci goi, kei naw m’shüm theein nak amshah ka pek ci.

2 GHANGPUGHANG GUI 25:1

Zedekiah naw Babilonia ghangpughang Nebukhadnezzar cu hnungtuk püi ci, cun ah kyasei Nebukhadnezzar naw a gakap avan law püi ne law ne Jerusalem cu tu lawk ci, cun cu Zedekiah ah a uknak a kum kaw nak ah a cha gha nak ah a hnüüp gha nak ah kyak ci. Ani naw mang gaw ah akpung ah phung tu ne om neta thai k’pang gui veing ne pyang ci,

JEREMIAH 39:1

Zedekiah, Judah ghangpughang ah a kyak nak ah akumkaw nak a cha gha nak ung. Babilonia ghangpughang Nebukhadnezzar naw agakap gui avan awn law ne Jerusalem cu tu lawk ci.

HABAKKUK 1:17

Ngami naw ami khim kawt lä ne, chang ah hta avan cu kä m’gein ne m’di lä khai gui ma?