JEREMIAH 51:9 - Cho Bible Common Language 2016

⁹ Acu ah om tuk ciah akhohei changgui naw, “Kemi naw Babilonia cu bawm tu vai ah kami k’tha ci, cun ung phi ng’phlän pui ci nei. Tuhbäi nawng shüt ne mi im ah mi hteit ba khai nei. Khanpughi naw Babilonia cu ami gäi nak avan awn m’kyuk ne, m’di yawp ci nei.”

JEREMIAH 51:9 Referans Kwoze

THU PHLAAN 18:5

A i ah kyasei ci ung ani ah katnak cu khanmawpi k’phaa ne hlüng ne, Ani ah cheishoh nak ah lam cu, Khanpughi naw a shüm hmat yawp pyi ah hmawk ah kyak ci.

JEREMIAH 50:16

Cun ah khaw ung m’shi kä phu en sak gui vä, geit phi kä khäm en sak ghi vä. Acun ung om tuk ciah akhawhei chang phung naw ng’tuk ciah gakap gui cu kyih u ne, ami im ah hteit ba khai gui nei.’

ISAIAH 13:14

“Babilon ung om ciah a khohei chang gui cu ami mät ah khaw ah dawng ba khai gui, sakap ah kut ung ka phyawng ne püi ciah kigang ah mäih, htoshäm kä om ciah htome ah mäih ah kyak khai gui.

JEREMIAH 46:16

Nami gakap gui cu ng’vawn u ne kyu ng’ täng ci gui nei; Tumat la tumat ng’pyen na tuk ci gui, ‘Ang ghit ah! Mi chang gui ah im ah mi hteit khai cun kawn ah ga gui ah khimsem mi phiawn nak khai nei!’

EZRA 9:6

Kei naw, “O Khanpughi, nang ah ma ah ka lu ka tä law vai ah ka ng’aa aih ci nei. Kami katnak cu ng’pum ci nei, kami lu ah ta hlüng pi ci nei. Khankho ah mäih ah hlüng lawk ci nei.

JEREMIAH 46:21

Ani naw ang vah ah gakap gui cu am gein kaa ah kyak ciah seihta ah mäih ah kyak ci gui nei. Ngami cu kä ng’düi hlawt, kä ng’tu hlawt ci gui; ami van ng’hlat ne dawng ci gui. Ami ng’ziin nak ah hnüüp, ami di nak ah akhin cu gawk lawk ci nei.

JEREMIAH 8:20

Chang gui kyap m’lau ci gui, “Kho cha cu ng’pyi pyi ci, geit khäm nak cu ng’kawn pyi ci, Cun ung phi mikmi hun nak kä mi gah phak ci.”

ISAIAH 47:15

Nang naw na ghin ah pum mung na täng pang sak gui ah ce cai gui ah m’cäi nak cu nang ah khan ah a cun ah kyak khai nei. Ngami ami van naw ning hteh ta u ne, ami hteh nak hlü phäh phäh ah htei khai gui nei, tumat phi nang ning hun khai kä pawih khai nei.”

2 SHONTÄP NAK 28:9

Oded ming nak ciah Bawipa ah prophet cu Samaria mang gaw ung om ci. Israel gakap gui naw ami pha gui ah Judean gui law püi ne law ba u ne, mang gaw ung lut law vai u sei, hmu gui neta, a pyen nak gui cu, “Bawipa nami pupa gui ah Khanpughi cu Judah gui ah khan ah m’lungshe neta nangmi ning hnim sak gui ci, cun ung phi nangmi naw akshe ah nami ngawn gui cu ani naw ng’yak ci.

THU PHLAAN 18:4

Cun kawn ah khanmawpi ah kaa k’aw a hei cu ka ng’ya ba ci. Cun ah k’aw naw; “Lut law ba vä! Kei ah chang gui, Ani ungka lut law ba vä! Ani awn a täng ah kä nami cheishoh tu vai, Ani awn a täng ah m’shetkat nak kä nami gah tu-en vai!

HOSEA 7:13

“Ngami cu ng’yiin ci gui. Kei cu na hteh ta u ne na hnungtuk püi ci gui. Ngami cu m’di gui vai. Kei naw ka hun gui hlük ci, cun ung phi ngami naw kei ami na khawihnah cu chei ci.