JEREMIAH 51:8 - Cho Bible Common Language 2016

⁸ Babilonia cu ang ghit ah yung kyak ci, ami m’di ah kyak ci! Acun ah phäh ah thüisei vä! Aleim ah phäh sei shui vä, m’tui ung khan ei hman khai nei.

JEREMIAH 51:8 Referans Kwoze

JEREMIAH 46:11

Egypt chang gui, Kilead ah hteit ne shei gui shui vä! Nami shei gui avan cu mang vai kä kyak ci, a u phi kä gai sak ci nei.

ISAIAH 21:9

Ang ghit ah shin ung lawk ci gui nei! Se cun ciah chang gui, hnih ci hnih ci ah. Ngäng ci naw pyen lawkci, “Babilon cu zu ng’kia pyi ci nei! Ami khawihnah ah a gup gui avan cu hnget ne ng’kiam ne m’dek ung ng’zän ci gui nei.”

THU PHLAAN 14:8

Akhnih nak ah khankho chang naw a hnu ah läk law netah, “Babilon gawnu di pyi ci nei! Di pyi ci nei! Ani naw ng’yaw ng’pawm nak ah kyak ciah yu cu chang ah hta avan-am tu pyi ci nei!” cine pyen ci.

THU PHLAAN 18:2

Ani naw m’lau ne Babilon mang gaw cu di pyi ci nei! Di pyi ci nei! Cun ah gawnu cu khawshe gui, mumchashe gui ah om nak, shemshai ciah khoshe gui ah ng’yi nak ah kyak ci nei.

JEREMIAH 50:2

“Chang pakhui gui am ng’thu m’thein vä! Hmat sak gui vä! m’hnüt nak cu pe ne, ng’thu cu ng’shäu vä! Adüm ah kä nami gim vai nei! Babilon cu ng’kia pyi ci nei! A khanpughi Marduk cu ng’pyäuh pyi ci nei! Babilon ah agup gui cu thüi ng’aa ci gui nei, ani ah shemshai ciah agup gui cu deng pyi ci nei!

JEREMIAH 48:20

“Ngami naw ning m’shan gui khai, ‘Moab cu ng’kiak pyi ci nei, ani ah phäh ah kyap vä, ani cu thüisei ci nei. Moab cu di pyi ci nei ci ne; Arnon tuinu lawng yung ung ng’shäu vä!

NAHUM 3:19

Na khei m’tui nak vai a i kä om ci, na hmaleim phi kä khan hlawt ci. Nang ah di ah mawng ng’yak ciah chang avan naw, ami m’ya k’phyawk ne yeikyai ci gui. Kä ng’pyi hlawt ciah nang ah shetkat nak k’phyawn hning khai a u kä om ne ang?

DANIEL 5:31

A khokum chuk kip lei-goi lawk ciah Mede pakhui Darius naw bawimang huham cu khäm ci.

DANIEL 5:24

Cun ah kyasei Khanpughi naw shin ah ca lung gui guk khai ah kut a tüih law ah kyak ci.

EZEKIEL 30:2

ani naw pyen ci, “Hnicim chang, kei, uktu Bawipa naw ka pyen cu ng’cäbang ne ng’shäu ä. Nang naw shin ah ng’thu gui cu m’lau ne na pyen vai nei: kyihkyawk vai ah hnüüp gawk lawk ci!

JEREMIAH 51:41

Babilon naw amawng Bawipa naw pyen ci: “Khomdek khan avan naw amtaan ah mang gaw cu tu ne khäm ci gui nei! Babilon cu changpakhui gui ah phäh ah kyihkyawk vai ah kya lawk ci nei.”

JEREMIAH 48:31

Jazer ung chang gui ah phäh ah ta Sibmah ung chang gui ah phäh ah kei ka kyap pi khai nei.

JEREMIAH 8:22

Kilead ah shei kä om ne ma? Acu ah shei bawi kä om ne ma? A i ah kyasei ka chang gui gai nak kä ami gah ang?

ISAIAH 47:9

Cun ung phi, ashäng hta, hnüüp ät ung, cun gui avan cu kyak khai nei. Cecai nak gui avan na mang nak ah hnün ung Na cei la na hta gui cu maih khai gui nei.

ISAIAH 47:11

Leigai cu na khan ah gawk lawk khai, a i na ce cai nak naw phi kä ng’düm sak hlawt khai. Dishum nak cu ang ghit ah na khan ah gawk lawk khai — cun cu ng’mang ah phi kä na mang nak man ah kyak khai!