JEREMIAH 51:6 - Cho Bible Common Language 2016

⁶ Babilonia ungka dawng vä! Nami ghin vai ah dawng vä! Babilonia ah katnak ah phäh ah kä ning ngawn cu gui u sä. Kei naw tuhbäi phu ka shui yah ci, ami chei ah phäh ka m’kyuk gui yah ci.

JEREMIAH 51:6 Referans Kwoze

JEREMIAH 50:8

‘Israel chang gui, Babilonia ungka dawng vä! shin ah khopäng cu hteh ta vä! ak htük ah hteh ta vä!

JEREMIAH 50:28

(Babilonia ah ka laut ne dawng lawk ci gui cu Jerusalem ah lawk ci gui, ngami naw a Taihü im ung Babilonia gui naw ami biahkhau ah Bawipa kami khanpughi naw a i cha ah phu a tuk cu pyen lawk ci gui nei.)

JEREMIAH 50:15

Mang gaw avan veing ne ng’tuk nak cu m’lau vä! Tuhbäi Babilon naw a kut chah ci nei. Akpaang gui cu m’shet ne gäi ci gui nei. Kei naw Babilonian gui ah khan ah phu ka tuk ci nei. Cun ah kyasei ngami ah khan ah phu tuh vä, chang hei gui ami om püi gui ah mäih ah om püi gui vä.

JEREMIAH 51:45

Israel chang gui, acun cu dawng ta vä! kei ah kyihshe ciah ka m’lungshe nak ung ka nami phiawn vai ah dawng vä —

JEREMIAH 25:14

Kei naw Babilonia gui am ami mät ah bi ah phäh ah ka pe ba gui khai, changpakhui akda la dämduh ciah ghangpughang gui naw ngami cu k’hleihtein nah gui khai gui.”

KHEI NAK 16:26

Ani naw chang gui am, “Shin ah chang shekha gui ah shaum awn ng’shawng ne ng’düi vä. Ngami ah ka a i phi kä nami tawn en vai nei. Kä cun ung nangmi cu, ngami ah katnak avan ah phäh ah ngami awn a täng ah nami di tuk khai nei.”

THU PHLAAN 16:19

Mang gawnu cu thum ah ng’pai ci. Khomdek ah khan ah mang gaw avan phi di yawp ci. Khanpughi naw Bibilon mang gaw cu shüm ba netah, a khap ung kaa, am lungshe nak ah sapyit tui cu awk sak ci.

1 TIMOTHI 5:22

Bawipa ah khuut bik ci am kut taih nak peit nak cu kä nami bi ghet ghet vai, chang ah shetkat nak ung kä nami ng’caw yah tu vai, nami mät theingcim ne nami om vai.

JEREMIAH 51:50

Babilonia ah om ciah a chang gui a pyen nak gui cu; “Nangmi cu sih nak ung nami phyawng pyi ci! Tubäi hteit vä, kä ging en vä! Cun ung phi nangmi im awn ami ng’shawng law ung, nami Bawipa, kei cu na khaih na vä, Jerusalem cu shüm vä.

JEREMIAH 51:11

Bawipa naw Media ghangpughang gui cu thawh let sak gui ci, a i ah kyasei ci ung ani naw Babilonia cu m’di vai ah angbü ah phäh ah kyak ci. Cun cu ani naw a Taigüim ami m’di ah phäh phu atuk ah kyak ci. Ng’tuk ciah bawi gui naw Thum’khän u ne, “Nami m’la gui k’tah vä! Nami shawi gui m’hnüt ge vä!

JEREMIAH 51:9

Acu ah om tuk ciah akhohei changgui naw, “Kemi naw Babilonia cu bawm tu vai ah kami k’tha ci, cun ung phi ng’phlän pui ci nei. Tuhbäi nawng shüt ne mi im ah mi hteit ba khai nei. Khanpughi naw Babilonia cu ami gäi nak avan awn m’kyuk ne, m’di yawp ci nei.”

JEREMIAH 50:31

“Babilonia, nang cu chang ah ng’shei nak awn na be ci, cun ah kyasei, kei, m’gäi ciah Uktu Bawipa naw ka ning hnungtuk ci nei! Nang ning m’kyuk nak vai ah kei ah akhin cu gawk lawk ci nei.

ISAIAH 48:20

Babilon ung ka hteit vä, phyawng vä! “Bawipa naw a changshäm Israel cu hun pyi ci nei” ci ne, yei ne m’lau vä, kho ng’nü ung hmat sak vä!”

JEREMIAH 46:10

Shin cu m’gäi ciah uktu Bawipa ah hnüüp ah kyak ci nei; tuh ngawi ani naw phu tuk khai; tuh ngawi ani naw aga gui m’kyuk khai nei. Ani ah khimsen naw abe güt ung ei gui khai, a kyä güt ah ami si aw gui khai nei. Tuh ngawi m’gäi ci naw a ghuh ng’tha nak vai awn khawihnah ci nei. Asiip täng Euphratis ung ah kyak ci nei.

JEREMIAH 27:7

Chang pakhui avan naw ani ah bii bik khai gui, ani ah pakhui angkiak nak vai kä a gawk law pha ah chuih, ani ah hta la atu gui ah bii cu ngami naw bik khai gui. Cun kawn ah ani ah pakhui naw huham mah ciah pakhui la dämduh ciah ghangpughang ah bii cu bik khai gui.

JEREMIAH 25:16

Cun ami aw kung ngami hnungtuk püi gui khai ah kei naw ka tüih law ah ng’tuk nak awn ngami cu awktat u ne gu k’taak khai gui nei.”

NG'THU K'THUUK~ 13:20

Cüivai ci awn ng’khawtsheng cicu cüivai lawk ci, Chang kaa awn ng’khawtsheng cicu dishum thei ci.

THULÄÄN NAK 32:43

Chang pakhui gui, nangmi naw Bawipa ah chang gui cu nami m’tam khai, Ngami ngawn gui cu avan ani naw m’kyuk khai. Ani naw aga gui ah khan ah phu tuk ci, A chang gui ah katnak cu geinsei gui ci.”

THULÄÄN NAK 32:41

kei naw tuilet ciah ka khim kak tah khai, taga ciah bilawh cu hmuh vai. Kei naw ka ga gui ah khan ah phu ka tuk khai. Na thüi nak ci gui cu kam kyuk khai.

THULÄÄN NAK 32:25

Lam ng’kiung ung ng’tuk nak naw sih nak law püi khai, Kyih vai gui naw im kyong ung shudeng gui khai. Pami nong, hnumi nong gui sik khai gui, m’düm gui khai. Hmaw hta gui la a ghi ng’vai ci gui phi sik khai.

ISAIAH 63:4

Kei ah ka chang gui hun nak gui vai ah akhin cu gawk lawk ci nei, ciah kei naw ka k’bäi ci: cun cu ami ga gui m’kyuk nak gui vai ah akhin ah kyak ci —

JEREMIAH 48:6

Ngami naw, ‘Nami ghin hlü ung ang ghit ah dawng vä!’ Bung hmu ah ng’sela ak’zäng ah mäih ah dawng vä!’

JEREMIAH 51:36

Cun ah kyasei Bawipa naw Jerusalem chang gui a pyen nak gui cu, “kei naw nangmi ah mawngma cu la u ne, nangmi ah khan ah ami bi ah mäih ah nami ga gui ah khan ah ka bik khai. Kei naw Babilonia ah tui khawng cu kawi sak ne, a tuinu gui ka ket sak khai.

JEREMIAH 51:56

Ngami cu Babilon m’di khai gui ah lawk ci gui nei; ami gakap gui cu tu ne khäm gui ci gui, ami li gui cu hnget yawp ci nei. Kei cu akshe m’kyuk ciah khanpughi ah ka kyak ci, Babilon cu amät ah bi awn kyä khai ah kei naw ka bik khai.

NG’ÄI KYAH 3:64

“O, Bawipa ami bi ah phäh ah m’kyuk gui ä.

SAM 94:1

Bawipa, nang cu m’kyuk ciah Khanpughi ah na kyak ci; na m’lungshe nak cu ng’leet law sak ä!