JEREMIAH 51:48 - Cho Bible Common Language 2016

⁴⁸ Asiip täng ah ka ani m’di khai ah lawk ciah chang gui ah kut ung Babilonia ang kyak awn ah khomdek khan la khan khomik ah om ci nü cu yeikyai ne m’lau khai gui nei.

JEREMIAH 51:48 Referans Kwoze

THU PHLAAN 18:20

Khankho chang gui cun ah mang gaw adi ah phäh ah yei vä, Khanpughi ah chang gui ang düihpüi gui, purofet gui yeikyai vä! Ani naw nangmi ah khan ah abi phung phung ah hmawk ah Khanpughi naw ani cu m’kat pyi ci nei.

ISAIAH 44:23

Zei ne m’lau vä, nangmi khankhaw gui! M’lau vä, khomdek ung ak thuk pi ah hmun gui! Sing ghing gui avan lah khom’htung gui m’lau vä! Bawipa naw a chang Israel gui a hun nak awn, a däm-duh nak cu dang sak ci nei.

JEREMIAH 50:3

Asiip täng ah ka pakhui cu law ne Babilonia cu tu lawk ci nei, ani naw cun cu bung ah pyang khai nei. Chang gui la khisa gui cu dawng khai gui, acu ah a i phi kä om ba khai” cik ci.

ISAIAH 49:13

Ng’äi m’cu vä, khankho gui! Zei ne m’lau ä, khomdek! Khomhtung gui naw yei ne ng’äi m’cu u sä! Bawipa naw a chang gui cu shungvong gui khai nei; Ani naw yaica ciah a chang gui cu m’gein gui khai nei.

ISAIAH 48:20

Babilon ung ka hteit vä, phyawng vä! “Bawipa naw a changshäm Israel cu hun pyi ci nei” ci ne, yei ne m’lau vä, kho ng’nü ung hmat sak vä!”

JEREMIAH 50:41

“Chang gui cu asiip täng khopäng ungka lawk ci gui, ashou nak ah ka m’gäi ciah pakhui ah kyak ci; Ghangpughang gui akda cu ng’tuk vai ah pawng ci gui nei.

JEREMIAH 50:9

Kei naw a siiptäng ah thamah ciah pakhui bum gui cu thawh let sak gui ne, Babilonia cu ka tuk sak gui khai nei. Ngami naw ng’tuk bi u ne cun ah khopäng cu khan khai gui. Ngami cu thei ciah sakap gui ah kyak ci, m’la ami ka hung, ami bü nak ka ng’chei ci.

NG'THU K'THUUK~ 11:10

Düng ciah chang gui ah bä nak ni nak ung mang gaw cu yei ci, Changshe a sih ung yei ne m’lau nak om ci.

JEREMIAH 51:56

Ngami cu Babilon m’di khai gui ah lawk ci gui nei; ami gakap gui cu tu ne khäm gui ci gui, ami li gui cu hnget yawp ci nei. Kei cu akshe m’kyuk ciah khanpughi ah ka kyak ci, Babilon cu amät ah bi awn kyä khai ah kei naw ka bik khai.

EZEKIEL 35:14

Uktu Bawipa naw pyen ci, “Kei naw nang cu ka ning shiu sak khai, nang ah yung kyak ah phäh ah khomdek khan avan cu yeikyai khai gui,