JEREMIAH 51:47 - Cho Bible Common Language 2016

⁴⁷ Cun ah kyasei Babilonia ung agup gui kei naw ka ng’thumcha nak vai ah akhin cu gawk lawk ci nei. Khopäng avan cu lü ng’aa sak ne, a chang avan cu ngawn gui khai gui nei.

JEREMIAH 51:47 Referans Kwoze

JEREMIAH 50:2

“Chang pakhui gui am ng’thu m’thein vä! Hmat sak gui vä! m’hnüt nak cu pe ne, ng’thu cu ng’shäu vä! Adüm ah kä nami gim vai nei! Babilon cu ng’kia pyi ci nei! A khanpughi Marduk cu ng’pyäuh pyi ci nei! Babilon ah agup gui cu thüi ng’aa ci gui nei, ani ah shemshai ciah agup gui cu deng pyi ci nei!

JEREMIAH 51:52

Cun ah kyasei kei naw Babilonia a gup gui ka ng’thumcha nak vai ah hnüüp la khopäng avan ung leimbai ci gui ami ng’hlo-ei nak vai ah hnüüp la khopäng avan ung leimbai ci gui ami ng’hlo-ei nak vai ah hnüüp cu gawk lawk ci nei.

ISAIAH 21:9

Ang ghit ah shin ung lawk ci gui nei! Se cun ciah chang gui, hnih ci hnih ci ah. Ngäng ci naw pyen lawkci, “Babilon cu zu ng’kia pyi ci nei! Ami khawihnah ah a gup gui avan cu hnget ne ng’kiam ne m’dek ung ng’zän ci gui nei.”

JEREMIAH 51:43

Gawnu gui cu ten gung kyihkyawk vai ah kya u ne, a u naw kä a om nak, hteh phi a u naw kä a hteh nak ah tui kä om ciah bung ah kiakk ci nei.

JEREMIAH 51:24

Bawipa naw pyen ci, “Babilonia la achang gui naw Jerusalem ah khan ah ami bi ah akshe gui avan ah phäh ah kei naw ka pek ba gui cu nangmi naw nami hmuk khai.

JEREMIAH 51:18

Cun gui cu akholä ah kyak ci gui, päipih vai kyak ci gui; cun gui teng khai ah Bawipa a law ung Bawipa naw cun gui cu m’di gui khai.

JEREMIAH 25:12

Cun khawn ah Babilonia la a ghangpughang cu ami kat ah phäh ah kei naw ka m’kyuk gui khai. Kei naw cun ah khopäng cu m’di ne angtäi ah di khai ah ka nawng khai.

JEREMIAH 23:34

Ka chang tumat mat käcung prophet, käcung taigü tumat mat naw ‘Bawipa ah phuih’ cine a pyen ah a kyak un, kei naw ami mät la ami kyongchang gui cu ka m’kyuk khai nei.

JEREMIAH 13:21

Nang naw na teihpüi ah na ngaih ah chang gui naw ning tu u ne ami ning uk ah a kyak ung a i ah na pyen khai aw? Nang cu the lawk khai ah hnumi ah m’neh ah mäih ah na m’neh khai nei.

JEREMIAH 11:22

Cun ah kyasei m’gäi ciah Bawipa naw pyen ci, “kei naw ka m’kyuk gui khai nei. Ami hta nau gui cu ei ah cawi ne sik khai gui.