JEREMIAH 51:44 - Cho Bible Common Language 2016

⁴⁴ Kei naw Babilonia khanpughi Bela cu ka m’kyuk khai, am guuk ah khawh gui a chah vai ah ka cik khai: a u pakhui naw phi kä khawihnah ba khai. “Babilon k’paang gui cu ng’kia pyi ci nei.

JEREMIAH 51:44 Referans Kwoze

JEREMIAH 51:58

M’gäi ciah Babilon ah k’paang gui cu m’dek ung gawk khai ah gäi khai gui, ami täng hän m’kawt gui cu m’khih khai gui. Chang pakhui gui ah bilawh avan cu akholä ah kyak ci; Ngami ah k’tha nak gui cu meidäi ung maih ci. Kei, m’gäi ciah Bawipa naw ka pyen nei.”

JEREMIAH 51:34

Babilonia ghangpughang naw Jerusalem cu tu pit ne ei ci. Ani naw mang im cu hlüng ah mäih ah ghawng sak ne; k’phyu ng’ghaw ah mäih ah m’zawih ci. Ani naw ang zak hlü gui cu la neta, k’pawih ci gui cu ghawt ci.

JEREMIAH 50:2

“Chang pakhui gui am ng’thu m’thein vä! Hmat sak gui vä! m’hnüt nak cu pe ne, ng’thu cu ng’shäu vä! Adüm ah kä nami gim vai nei! Babilon cu ng’kia pyi ci nei! A khanpughi Marduk cu ng’pyäuh pyi ci nei! Babilon ah agup gui cu thüi ng’aa ci gui nei, ani ah shemshai ciah agup gui cu deng pyi ci nei!

ISAIAH 2:2

Ngawi ah lawk ciah khaw hnüüp ung Taigüim ah ng’düih nak ah khawmhtung cu avan ah hlüngtai pikbäih khai, khawgui gui avan hlüng ne hnim khai. Chang pakhui gui cu a cun ung long ne lawk khai gui,

DANIEL 5:31

A khokum chuk kip lei-goi lawk ciah Mede pakhui Darius naw bawimang huham cu khäm ci.

DANIEL 5:26

Cun ah amawng cu; Khei, Khanpughi naw nang ah uknak gui hnüüp gui cu khei ci, ng’pyi law sak ci;

DANIEL 5:19

Ani cu dämduh aih sei chang pakhui, chang pahta, chang nü avan naw kyihkyawk u ne, ng’hlet ci gui nei. Ani naw chang a ngawn hlü nüng ngawn ci, am ghin hlü nüng m’ghin ci, am tamkhah hlü nü m’tamkhah ci, am shuk chak hlü nü m’shuk chak ci.

DANIEL 4:22

Ghangpughang aw, nang cu ng’shäi ne m’htungkhong ciah sing ghing ah na kyak ci. Nang dämduh ng’ghawtai ne khankho mik na han pha ci, nang ah huham naw khomdek khan avan küm ci nei.

DANIEL 4:1

Ghangpughang Nebukhadnezzar naw khomdek khan ung om ciah changpakhui gui, pahta gui la pa ng’tän gui avan am shin ah ng’thu cu m’khäh gui ci. “Ning yavaih gui nei!

DANIEL 3:29

“Tuhbäi kei naw thumkhän ka bik ci, changpakhui tumat, pahta tumat, khopäng tumt cu, Shadrak, Meshak, Abedneko gui ah Khanpughi kä chang m’sui ne ng’thu a pyen ah a kyak ung, ani cu tu pit pit ne, a im cu phye ne k’bum vai nei. A shin ah ma’ih ah gung hning ciah Khanpughi a hawi kä om ci nei” cik ci.

DANIEL 1:2

Bawipa naw ghangpughang Jehoiakim cu ani am pha sak ne, Taigüim ung m’kümcu ani am khäm sak ci. Ani naw thawng kyum amshah gui cu, Babilon ah amät ah khanpughi gui ah pum im ah hteh pui ne ami khäm ah m’küm gui cu pum im ah khawh gim nak ung tha gui ci.

JEREMIAH 51:53

Babilonia naw khankho ah hang kai ne ng’tuk im khäng a caw hung phi acun m’di khai ah chang gui cu kei naw ka tüi khai nei. Kei, Bawipa naw ka pyen nei.”

JEREMIAH 51:47

Cun ah kyasei Babilonia ung agup gui kei naw ka ng’thumcha nak vai ah akhin cu gawk lawk ci nei. Khopäng avan cu lü ng’aa sak ne, a chang avan cu ngawn gui khai gui nei.

JEREMIAH 51:18

Cun gui cu akholä ah kyak ci gui, päipih vai kyak ci gui; cun gui teng khai ah Bawipa a law ung Bawipa naw cun gui cu m’di gui khai.

JEREMIAH 50:15

Mang gaw avan veing ne ng’tuk nak cu m’lau vä! Tuhbäi Babilon naw a kut chah ci nei. Akpaang gui cu m’shet ne gäi ci gui nei. Kei naw Babilonian gui ah khan ah phu ka tuk ci nei. Cun ah kyasei ngami ah khan ah phu tuh vä, chang hei gui ami om püi gui ah mäih ah om püi gui vä.

ISAIAH 60:5

Nang naw cun cu hmu neta, na yeikyai khai nei; Nang cu cäicat ne na ng’thüng khai nei. Chang pakhui gui ah khawh cham cu nang ah law püi khai gui nei; Ami bühmang nak cu tuinu kan law ne, gawk lawk khai nei.

2 SHONTÄP NAK 36:7

Nebukhadnezzar naw Taigüim kyong ah ka khawhcham amshah cu la ne hteh püi ne Babilon ah a mang im ung tha ci.

ISAIAH 21:9

Ang ghit ah shin ung lawk ci gui nei! Se cun ciah chang gui, hnih ci hnih ci ah. Ngäng ci naw pyen lawkci, “Babilon cu zu ng’kia pyi ci nei! Ami khawihnah ah a gup gui avan cu hnget ne ng’kiam ne m’dek ung ng’zän ci gui nei.”

JOB 20:15

Chang shekha naw am guuk ah khawh gui cu m’sha ba khai, a chikyong ah ka gui phi Khanpughi naw kawih yawp khai.