JEREMIAH 51:41 - Cho Bible Common Language 2016

⁴¹ Babilon naw amawng Bawipa naw pyen ci: “Khomdek khan avan naw amtaan ah mang gaw cu tu ne khäm ci gui nei! Babilon cu changpakhui gui ah phäh ah kyihkyawk vai ah kya lawk ci nei.”

JEREMIAH 51:41 Referans Kwoze

ISAIAH 13:19

Babilonia cu khaw avan ung akiom pikbäih ah uknak khaw ah kiak; a cun ung chang gui awn ani cu khäghah ci. Cun ung phi kei, Bawipa naw Sodom la komorrah ah khan ah ka bi ah mäih ah Babilon cu ka m’di khai!

JEREMIAH 49:25

Zeikiai nak ah ami mang ah ming thang ciah mang gaw cu, bung ah kyak ci nei.

DANIEL 4:30

Ani naw, “Teng vä, Babilon cu a i hlawk ah dämduh ci ang! Ka huham, ka hlüngtai nak, ka bämang nak, ka m’gäi nak ka dang sak nak vai ah ka cawh ah mang gaw ne.”

DANIEL 4:22

Ghangpughang aw, nang cu ng’shäi ne m’htungkhong ciah sing ghing ah na kyak ci. Nang dämduh ng’ghawtai ne khankho mik na han pha ci, nang ah huham naw khomdek khan avan küm ci nei.

DANIEL 2:38

Ani naw nang cu m’dek khan avan uktu la khisa gui la kha gui uktu ah ning pyang ci, nang cu ghui lupum ah na kyak ci.

EZEKIEL 27:35

Tuinu kem ung om ciah chang nü cu nang ah mawng ning hmu neta cäi ne cat ci gui. Ami ghangpughang gui phi kyi aih u ne ami hmai ng’ham yawp ci.

JEREMIAH 51:37

Cun ah khopäng cu di ne ng’pum khai, khisa gui ah om nak ah kyak khai. Cun cu ten gung kyihkyawk vai kya ne, a cun ung a u phi kä om khai, cun hmuk ciah chang avan cu cäicat khai gui.

JEREMIAH 50:46

Babilon ang kyak ah a kyak ung cun ah k’awna khomdek avan thüng sak khai, ami kyah ah k’aw shan gui cu ahei pakhui khaw gui naw ng’yak khai gui.”

JEREMIAH 50:23

Babilonia naw khomdek khan avan cu khai ne ng’deng khaiah ng’kii awn teei ci, tuhbäi cun ah ng’kii cu ng’bäät pyi ci nei! Cun ah khopäng ah khai ah cun ah a kyak law ah phäh ah pakhui gui avan cu m’lau ci gui nei.

ISAIAH 14:4

Cun ah ani naw abi law ung, ngami naw Babilonia ghang pughang cu m’kpse une ami pyen cu: “A i ghämce ciah ghangpughang cu kyu ng’tääk pyi ci nei! Ani naw a u kä shedam na ba khai nei!

2 SHONTÄP NAK 7:21

“Tuhbäi Taigüim cu akdämduh ah mi m’tamkhah ci, Cun ung phi shin sun pah ciah chang nü cu cäi u neta,” A i ah kyasei Bawipa naw shin ah khaw la shin ah Taigüim ah khan ah shin ah abi ang?” cine ng’shik khai gui.

THULÄÄN NAK 28:37

Bawipa naw anik püi nak gui ah khaw ung nangmi ah khan ah gawk lawk ci gui ah phäh ah chang gui shemshai khai gui. Ngami naw ning gaih tu gui khai gui. Ning m’lepse khai gui.