JEREMIAH 51:30 - Cho Bible Common Language 2016

³⁰ Babilonian gakap gui cu kä ng’tu ba u ne, ami ng’tuk im kyong ah om ci gui. Ngami cu ami thagui maih sei hnumi ah mäih ah kya lawk ci gui. Mang gaw m’kawt gui cu ng’gäi yawp ci, ami im gui cu mei naw ui ci.

JEREMIAH 51:30 Referans Kwoze

NAHUM 3:13

Na gakap gui cu hnumi ah mäih ah kyak khai gui, Na khaw lei phi a u naw kä ngäng sei, na ga gui ah ma ah na m’kawt khaai nak gui cu mei naw m’khih yawp khai.

NG’ÄI KYAH 2:9

M’kawt gui cu ng’gäi ne ng’yän ne ng’phuh ci gui, ami laung gui cu hnget ne ng’bät ci gui. Ghangpughang la chang vai gui cu tuhbäi omktu khaw ah om ci gui. Thukhän phi kä theithang ba ci gui, Prophet gui naw phi Bawipa ungka muimang kä gah ba ci gui.

ISAIAH 19:16

Egypt chang gui hnumi ah mäih ah ami ng’aa ca nak vai ah akhin gawk lawk ci nei. M’gäi ciah Bawipa naw ngami m’kyuk nak gui vai ah a kut shäng sei ami hmuh ah a kyak ung, ngami cu kyi ne ng’hlet khai gui nei.

SAM 76:5

M’gäi ciah ga kap gui ami van naw ami kawh chah yawp u ne, sih thagui la ami m’khüt nak avan cu a kholä ah kyak ci nei.

AMOS 1:5

Damaskas ah mang gaw m’kawt cu ka dep khai. Aven khaw nawi ung om ci gui la Betheden uktu gui cu ka m’hnawn gui khai. Siria chang gui cu Kira khaw ung thawng kyum ah kyak khai gui ah ka hteh püi gui khai.

JEREMIAH 48:41

gawn gui la mang pang gui cu tu ne khäm khai gui. Cun ah hnüüp ung Moab gakap gui cu anau poi m’neh ciah hnumi ah mäih ah kyi kyawk khai gui nei.

THU PHLAAN 18:10

Ngami naw ani ah geinvai nak cu hmu u ne, ang htei ah kyikyawk u ne, asho nak ah ng’düi u netah, “Hlüngtai küikyang ciah mang gaw, Babilon! Cäi-aih vai thüi aih vai kyak ci nei. Nang cu nayi ät hta ah kyong ung m’shetkat nak na gah pyi ci nei” ci ne kiak khai gui nei.

JEREMIAH 51:57

Kei naw ami uk tu gui — cüivai chang gui, ami ng’vai gui, gakap gui cu awktat khai gui ah ka ci gui khai. Ngami cu hteit ne ip u ne kä ng’shüm law ba khai gui. Kei, ghangpughang naw ka pyen nei; kei cu m’gäi ciah Bawipa nei.

JEREMIAH 51:32

Ga gui naw tuinu-kan nak yung cu tu ne khäm u ne, gatuk im gui gui mei awn m’khih ci gui. Babilonian gakap gui cu catne ng’hlet ci gui.

SAM 147:13

Ani naw na m’kawt gui cu k’pang ne khän htek sak ne, na chang gui cu hriham pe gui ci.

SAM 107:16

Ani naw kyei m’kawt gui cu k’cheiuh yawp ne, m’si ng’vong gui phi gäi ci.

ISAIAH 47:14

“Ngami cu kou ah mäih ah kyak ci gui, mei naw m’khih gi yawp khai! Ngami cu ami mät naw ami mät hun vai ah phi kä näng khai gui meidäi cu ngami ah phäh ah ling aih khai, mei awm vai ah mäih düt ah kä kyak ci.

JEREMIAH 50:15

Mang gaw avan veing ne ng’tuk nak cu m’lau vä! Tuhbäi Babilon naw a kut chah ci nei. Akpaang gui cu m’shet ne gäi ci gui nei. Kei naw Babilonian gui ah khan ah phu ka tuk ci nei. Cun ah kyasei ngami ah khan ah phu tuh vä, chang hei gui ami om püi gui ah mäih ah om püi gui vä.