JEREMIAH 51:25 - Cho Bible Common Language 2016

²⁵ Babilonian nang cu khomdek khan avan m’di ciah khomhtung awn na täng ci. Cun ung phi kei, Bawipa cu nang ah ga ah ka kyak ci. Kei naw nang cu ning k’pang ne m’dek awn ka ning pingtei sak khai, m’vut ah ka ning kyak sak khai.

JEREMIAH 51:25 Referans Kwoze

THU PHLAAN 8:8

Akhnih nak ah khankho chang naw ak phyungheng cu tum khätah, mei ah däi ciah khomhtung nu tuinu ah khan ah yuk chah law ah mäih ah kya law khätah tuinu bumthum bum ät cu si ng’hlui ah ng’lat ci.

ZEKHARIAH 4:7

Khomhtung teih ah däm ciah tüihtok nak gui cu nang ah ma ah maih yawp khai. Nang naw Taigüim cu na co ba khai. Nang naw ak hnukbäih ah lung cu a hmun ung na ng’lin yah ung, chang gui m’lau u ne, ‘Kiom ci nei! Kiom ci nei!’ ” cik khai gui.

JEREMIAH 50:31

“Babilonia, nang cu chang ah ng’shei nak awn na be ci, cun ah kyasei, kei, m’gäi ciah Uktu Bawipa naw ka ning hnungtuk ci nei! Nang ning m’kyuk nak vai ah kei ah akhin cu gawk lawk ci nei.

JEREMIAH 51:58

M’gäi ciah Babilon ah k’paang gui cu m’dek ung gawk khai ah gäi khai gui, ami täng hän m’kawt gui cu m’khih khai gui. Chang pakhui gui ah bilawh avan cu akholä ah kyak ci; Ngami ah k’tha nak gui cu meidäi ung maih ci. Kei, m’gäi ciah Bawipa naw ka pyen nei.”

JEREMIAH 51:53

Babilonia naw khankho ah hang kai ne ng’tuk im khäng a caw hung phi acun m’di khai ah chang gui cu kei naw ka tüi khai nei. Kei, Bawipa naw ka pyen nei.”

ISAIAH 13:2

Tai ciah m’htung lai ung ng’tuk nak alan cu tai vä! Ng’shei ciah mang gaw m’kawt gui tuk vai ah, ngami ah hmawk ah m’hnüt nak ah gakap gui m’lau ne nami kut shäng vä.

DANIEL 4:30

Ani naw, “Teng vä, Babilon cu a i hlawk ah dämduh ci ang! Ka huham, ka hlüngtai nak, ka bämang nak, ka m’gäi nak ka dang sak nak vai ah ka cawh ah mang gaw ne.”

JEREMIAH 51:7

Babilonia cu kei ah kut ung om ciah ghui khap ah mäih ah kyak ci, acun naw khomdek khan avan awk tat sak ci nei. Pakhui gui naw a shin ah wine cu aw u ne vämhtam ci gui.

JEREMIAH 25:9

‘Kei naw a siiptäng ah chang gui avan la ka changshäm Babilonia ghangpughang Nebukhadnezzar cu ka tüi lawk khai. Judah gui la khaw mah gui cu hnungtuk ne tu u ne, ami pei leng ah khochang pakhui avan hnungtuk khai gui cu kei naw ka law püi khai. Kei naw shin ah pakhui la a pei leng ung ka gui cu ka m’di lawk khai, khonglän ung dii khai ah ka nawng khai, hmuk ciah chang cu cäicat ne ng’hlet khai. Kei, Bawipa naw ka pyen nei.”

ATÜNNAK 11:4

Cun kawn ah ngami naw, “Mang gaw k’süm ne khankho ah hang gawk khai ah tänghän mi co khai. Cun ung mi mät naw mi mät mi mingthang sak ne, khomdek khan ung kä ng’phyeek ng’pai ne mi om khai” cik ci gui.

2 PETER 3:10

Bawipa ah hnüüp cu m’guk ei a law ah mäih ah gawk lawk khai nei. Cun ah hnüüp ung khanmawpi cu viik ne ng’pyaang ne maih khai, khankho pumsa avan mei naw m’khih sei dimaih yawp khai, m’dek la m’dek khan ung om ci avan kä om ba khai.

SAM 138:7

Kei cu khüikhai nak naw ana ng’vong yah ung, nang naw na na k’phyawn ci. M’lungshe ciah ka ga gui cu nang naw hnu ng’tuk püi gui ne na huham awn na na hun ci.

JEREMIAH 50:25

Kei naw likhim gui ka gim nak ah hmun cu ka hmawng pyi ci nei, kei kamlung she nak awn cun gui cu ka k’plawk ci nei, a i ah kyasei ci ung kei, m’gäi ciah uktu Bawipa naw Babilonia ung ka bi vai a om ah phäh ah kyak ci nei.

JEREMIAH 25:12

Cun khawn ah Babilonia la a ghangpughang cu ami kat ah phäh ah kei naw ka m’kyuk gui khai. Kei naw cun ah khopäng cu m’di ne angtäi ah di khai ah ka nawng khai.