JEREMIAH 51:20 - Cho Bible Common Language 2016

²⁰ Bawipa naw pyen ci, Babilonia, nang cu kei ah ng’ki, ka ng’tuk nak likhim ah na kyak ci. Kei naw nang cu pakhui gui la uk nak khaw gui tei nak vai ah ka ning mang ci.

JEREMIAH 51:20 Referans Kwoze

MIKHAH 4:13

Bawipa naw, “Jerusalem chang gui, hteit ne nami ga gui cu m’kyuk gui vä! Kei naw nang cu m’si ki na ne, kyei khopaw nak ciah sei ah mäih ah ka ning gai sak khai. Nang naw changpakhui akda cu na deeng gui khai, akshe bi ne ami gah ah khawh gui cu nangmi naw kei, m’dek khan ung avan ah Bawipa am nami na pek khai.”

ISAIAH 37:26

“Caupui ge ung kei naw shin gui ka pawng püi ca kä na ng’ya man ne ma? Cun u tuhbäi ka bi law ah kyak ci khäng ciah mang gaw gui ng’awt bum ah ng’lat sak nak ah huham cu nang am kei naw ka ning pek ci nei.

MATTHE 22:7

Ghangpughang cu ang htei ah m’lung she netah, gakap gui cu tüi gui ne, cun ah chang gui cu ngawn sak gui ne, ami pigaw phi mei awn m’khih gui ci.

JEREMIAH 50:23

Babilonia naw khomdek khan avan cu khai ne ng’deng khaiah ng’kii awn teei ci, tuhbäi cun ah ng’kii cu ng’bäät pyi ci nei! Cun ah khopäng ah khai ah cun ah a kyak law ah phäh ah pakhui gui avan cu m’lau ci gui nei.

JEREMIAH 25:9

‘Kei naw a siiptäng ah chang gui avan la ka changshäm Babilonia ghangpughang Nebukhadnezzar cu ka tüi lawk khai. Judah gui la khaw mah gui cu hnungtuk ne tu u ne, ami pei leng ah khochang pakhui avan hnungtuk khai gui cu kei naw ka law püi khai. Kei naw shin ah pakhui la a pei leng ung ka gui cu ka m’di lawk khai, khonglän ung dii khai ah ka nawng khai, hmuk ciah chang cu cäicat ne ng’hlet khai. Kei, Bawipa naw ka pyen nei.”

ISAIAH 10:5

Bawipa naw, “Assiria gui! Kei naw Assiria gui cu, kei naw ka m’lungshe nak gui m’kyuk nak gui vai ah thah htung ah ka mang gui ci nei.

JEREMIAH 25:11

Shin ah khaw cu dishum khai, hmuk ciah chang gui cu cäicat khaigui, ami pei ng’leng ah changpakhui gui naw Babilonia ghangpughang ah bii cu kum chikip ung bik khai gui.

ISAIAH 10:15

Cun ung phi Bawipa naw, “Ghei cu, acun bik ci chang ah ta dämduh pi ciah pyen hning vai ang? Ng’hlawh cicu m’hlawh ciah chang ah mä küikyang tuba ne ang? Ng’kii naw chang kä k’pang ci, chang naw ng’kii k’pang ci nei.”

ISAIAH 13:5

Ngami cu khomdek ah ak cawi, shounn ciah-khopäng gui ah ka lawk ci gui nei. Bawipa naw am lungshe nak awn khaw avan cu m’dishum vai ah lawk ci nei.

ISAIAH 8:9

Nangmi chang pakhui gui, kyi kyawk ne ng’bum law vä! Asho nak ah khaw ung ka gui, ngai vä. Ng’tuk ge vai ah om vä, cun ung phi nami kyih vai nei! Ä, ng’tuk ge vai ah om vä, cun ung phi nami kyih vai nei!

ISAIAH 45:1

Bawipa naw sairus cu ghangpughang ah ghü ci. Bawipa naw ani cu pakhui gui näng khai ah m’düih ci; Ani naw ghangpughang gui ah huham cu khäm khai ah tüi ci; Bawipa naw ani ah hmawk ah mang gaw m’kawt gui cu hmawng khai. Bawipa naw Sairus a pyen nak cu,

EZEKIEL 21:31

Kei naw ka m’lungshe nak cu meidäi ah mäih ah na khan ah ka yuk lawn ung nang na yai khai nei. M’di nak ung bilo thei ciah chang m’ghomce gui ah kut ung ka ning ap khai nei.

MIKHAH 4:12

Cun ung phi changpakhui gui naw Bawipa ah m’lung kyong cu kä hmat ci gui. Htang cu le m’ship vai ah bum ah mäih ah m’kyuk gui vah atäng ah ami bum gui cu ngami naw kä hmat ci gui.

NAHUM 2:1

Nineveh, nang cu ning tu law pyi ci gui nei! Nang ning k’paai khai ah a huham cu gawk law pyi ci Ga k’täm nak vai pyang ä! Lam gui phi ngäng ä! Ng’tuk bi vai ah pawng ä!

ZEKHARIAH 10:4

Ami mät ungka ka chang gui uk gui khai ah uktu gui, aghampa gui, thumkhän thei ci gui, om lawk khai nei.

EZEKIEL 21:11

Khimsem cu m’tui pyi nei, mang ge vai ah m’hnüt pyi nei. Cun cu k’tah pyi ne, m’tui pyi neta ngawn sheh ci gui ah kut ung tha vai nei.