JEREMIAH 51:18 - Cho Bible Common Language 2016

¹⁸ Cun gui cu akholä ah kyak ci gui, päipih vai kyak ci gui; cun gui teng khai ah Bawipa a law ung Bawipa naw cun gui cu m’di gui khai.

JEREMIAH 51:18 Referans Kwoze

LAMKTU 14:15

“Paw chang gui aw, a i vai shicha na mi bi ang? Keimi phi nangmi ah mäih ah chang ah kami kyak ci nei, Nangmi naw a shin ah mäih ah bi lawh gui cu nawng shüt u neh, angtäi ghing ne, khan la kaa, tui la m’dek, ak ghing ak om avan tüi sho ciah Khanpughi cu nami yum tu vai ah, Thu Ni cu kami pyein khai ah kami lawk ci nei.

ZEPHANIAH 2:11

Ngami cu Bawipa naw kyih sak gui khai, ani naw khomdek khanpughi gui cu akholä ah kyak sak gui khai. Chang pakhui pang naw ami mät ah khaw phäh phäh ung Khanpughi cu khawihnah khai gui.

JONAH 2:8

Agup akholä khawihnah ci gui naw, ami ning chang m’sui nak cu nawng ci gui nei.

JEREMIAH 50:2

“Chang pakhui gui am ng’thu m’thein vä! Hmat sak gui vä! m’hnüt nak cu pe ne, ng’thu cu ng’shäu vä! Adüm ah kä nami gim vai nei! Babilon cu ng’kia pyi ci nei! A khanpughi Marduk cu ng’pyäuh pyi ci nei! Babilon ah agup gui cu thüi ng’aa ci gui nei, ani ah shemshai ciah agup gui cu deng pyi ci nei!

JEREMIAH 48:7

“Moab, nang cu na thagui la na khawh cham na ngaih u ci, cun ung phi tuhbäi nang cu ning hnim khai gui; Nami khanpughi chemosh cu a manghta gui la a taigü gui mah ah omktu khaw ah hteit khai gui

JEREMIAH 46:25

M’gäi ciah Bawipa Israel khanpughi naw pyen ci, “kei naw Amon, Thebes gui ah khanpughi cu, Egypt gui ah khanpughi gui la ghangpughang gui awn atäng ah ka m’kyuk khai. Kei naw Egypt ghangpughang la ami yum ciah chang gui avan cu la ne,

JEREMIAH 18:15

Cun ung phi ka chang gui naw kei cu na m’hnih ci gui nei; ngami naw tui ng’ui gui cu agup gui am m’khih pek ci gui. Ngami cu ami hteh nak vai ah lam ung ng’vawn ne ng’tääk ci gui ngami naw lam k’phyim kä läk ba ci gui; ngami cu kä m’hnüt ah lam ung hteit ci gui.

JEREMIAH 10:15

Ngami cu a kholä ah kyak ci gui, päiphi vai ah kyak ci gui; Bawipa naw ngami cu m’kyuk gui khai ah a law ung, ngami cu m’di gui khai.

JEREMIAH 10:8

Ngami ami van cu awng ang gu k’taak ci gui nei. Sing ami pyan ah agup gui ung ami ng’thei thang vai a i om khai ang?

ISAIAH 46:1

Shin cu Babilon khanpughi gui ah ng’pyi nak ah kyak ci nei! A zan ung Bel la Nebo cu khawihnah man ci gui, Cun ung phi tuhbäi sela ah phuih vai ah kyak sak ci gui.

ISAIAH 19:1

Shin cu Egypt ah mawng thum’khäh ah kyak ci. Bawipa cu khongmei akyäpah ng cun ne Egypt ah lawk ci nei. Egypt gui ah amiagup gui cu ama ah ng’hlet ci gui, Egypt chang gui ami thagui maih ci.

PHYAWN NAK 12:12

“Cun ah mü ung Egypt khaw avan yäu ne ka hteit khai, chang gui la seime gui ah hta htük gui phung ka ngawn khai. Egypt gui ah khanpughi gui avan ka m’kyuk khai. Kei cu Bawipa nei.

JEREMIAH 10:14

Ashin ami hmuh nak awn chang gui cu awng aang u ne, a i kä hmat ci gui; agup gui pyang ci gui naw kä ng’ya hlü ba ci gui, a i ah kyasei ci ung ami pyan ah khanpughi gui cu kä bä ci la kä ghing ciah a kyak ah phäh ah kyak ci.

ISAIAH 57:12

Nangmi naw nami bi cu hman ciah nami ngai ci, cun ung phi nami bi gui cu kei naw ka m’dang lawk khai nei, nami agup gui naw kä ning hun ba gui hning khai gui.

JEREMIAH 10:11

(Nangmi chang gui naw nami m’thein gui vai cu khomdek la khankho mik tui pyang ciah kä kyak ciah khanpughi gui cu m’di vai nei. Ngami cu khomdek khan ung ahawi ah phi kä om tuba khai gui.)

EZEKIEL 6:6

Israel mang gaw gui avan cu m’di khai gui, cun ah kyasei ami mangkiang gui la a gup gui avan cu akhui ah ng’piäh khai, ami angui-sonkiang gui cu geep yawp ne, ngami naw ami pyan gui phung cu kä om ba khai.