JEREMIAH 51:16 - Cho Bible Common Language 2016

¹⁶ Ani ah ang thumkhän awn khomik ah khan ah tui gui m’hnawk ci; khomdek ah ak cawi ah ka khongmei gui ani naw law püi ci. Ani naw khok’aa ung lailüp pyang ci, cun kawn ah ak khei im kyong ah kaa khokhi cu tüi lawk ci.

JEREMIAH 51:16 Referans Kwoze

SAM 135:7

Ani naw khomdek ah kem ah ka khomei gui ci kai law sak ci; kho phi lailäp ne ng’hmum kyeek sak ci, a im khei ungka khokhi phi luh law sak ci.

JONAH 1:4

Cun ung phi Bawipa naw tuinu ah khan ah pui khokhi yuk chah lawk ci. Pui kho ak chün ah khi sei htinpaw ng’gäi ne di law vai ci.

SAM 18:13

Bawipa cu khankho ah ng’hmum kyeek sei, Hlüngtai pi ciah ak aw cu ng’shan ci.

JONAH 4:8

Khaw sou law khäta Khanpughi naw ng’liing ciah hnilaw khokhi cu khi sak khäta, Jonah ah lu ah khan ah hniliing yuk so sei, a cun ah ng’ling ung geinvai ci. Cun ah kya ne ani cu si hlük ci. Ani naw, “Ka ghin nah dam ka sih cu bä khai nei” cik ci.

AMOS 9:7

Bawipa naw, “Israel chang gui, nangmi ah khan ah ka ngaih ah mäih ah Sudan chang gui phi ka ngai gui ci nei. Nangmi Egypt khaw ah kaa ka ning law püi ba gui ah mäih ah, Krete ah kaa Philistin gui, Kira ah kaa Sirian gui ka law püi ba gui ci.

EZEKIEL 10:5

Khiküi gui naw ami ng’phia ami khäp cu akpung ah ka nawphi ng’yak nei, cun cu m’gai ciah khanpughi ah k’aw ah mäih ah kyak ci.

SAM 147:18

Cun kawn ah thumkhän bi ne, tui m’kiang gui cu piawn sak ci; Ani naw kho cu khi sak sei, tui cu long thei ci.

SAM 104:7

Nang naw tui gui cu na k’täm ung ngami cu dawng ci gui; Nang ah ng’hawh cu ami ng’yak ung ngami ng’güüt ne dawng ci gui.

SAM 78:26

Ani naw kiang khokhi cu ng’hlah sak ne, a huham awn htum khokhi cu m’tho ci;

SAM 68:33

Ani cu khawmik, cau khomik ung ng’cum ci nei. Ak aw ng’shan sei m’lau ci nei ngai vä.

SAM 46:6

Chang pakhui gui kyikyawk ci gui, uknak kho gui thüng kyüng ci gui; Khanpughi kho hmum sei, khomdek ng’phiüi ne long ci.

JOB 40:9

Nang cu kei hlawk ah na gaigawng ne ma? Na k’aw cu kei ah k’aw hlawk ah ng’hngum ne ma?

JOB 38:22

Khüi toi la gäibawk thun ne ka gim nak ah nang na hteit man ne ang?

JOB 37:13

Khanpughi naw khomdek shawi khai ah kho k’aa cu a tüih ah kyak ci, Ani naw chang gui m’kyuk khai ah phi tüi hning ci, abä mang nak am dang nak ah phi tüi hning ci.

PHYAWN NAK 14:21

Moses naw tuinu khan ah a kut shäng khäta, Bawipa naw ng’hüüt ciah ng’kiang khokhi awn tuinu cu m’hlat ci. Khaw cu thai ne khi ne tuinu cu ket sak ci, tuinu cu ng’pai ci.

PHYAWN NAK 10:19

Bawipa naw a kiang khokhi cu chün ciah khei khokhi ah lat ne, khanpeh gui cu thawk ne yon ne, Suez tui ng’khep ah khüt ne yon gui ci. Egypt khaw ah khanpeh tumat phi kä om ba ci.

PHYAWN NAK 10:13

Cun ah kyasei Moses naw a ng’shopawng shäng khäta, Bawipa naw ami khaw ah khan ah, mü lüng hnüüp lüng ne khaw khi law sak ci. Khaw ngawi ah kya law khäta khanpeh gui yong lawk ci gui.

ATÜNNAK 8:1

Khanpughi naw htinpaw im kyong ah om ciah Noah la ak ghing gui avan cu ngaih na gui neta, khokhi sak sei, tui cu ng’düm lawk ci.