JEREMIAH 51:12 - Cho Bible Common Language 2016

¹² Babilonia k’paang tuk vai ah alan cu pe vä. Gaw ngäng ci gui khüighat sak vä! Ng’mah ne ng tuk khai gui tha gui vä!” cik ci. Bawipa naw Babilonia chang gui ah khan ah abi vai a pyen cu bik ci nei.

JEREMIAH 51:12 Referans Kwoze

JEREMIAH 51:11

Bawipa naw Media ghangpughang gui cu thawh let sak gui ci, a i ah kyasei ci ung ani naw Babilonia cu m’di vai ah angbü ah phäh ah kyak ci. Cun cu ani naw a Taigüim ami m’di ah phäh phu atuk ah kyak ci. Ng’tuk ciah bawi gui naw Thum’khän u ne, “Nami m’la gui k’tah vä! Nami shawi gui m’hnüt ge vä!

ISAIAH 13:2

Tai ciah m’htung lai ung ng’tuk nak alan cu tai vä! Ng’shei ciah mang gaw m’kawt gui tuk vai ah, ngami ah hmawk ah m’hnüt nak ah gakap gui m’lau ne nami kut shäng vä.

NAHUM 2:1

Nineveh, nang cu ning tu law pyi ci gui nei! Nang ning k’paai khai ah a huham cu gawk law pyi ci Ga k’täm nak vai pyang ä! Lam gui phi ngäng ä! Ng’tuk bi vai ah pawng ä!

JEREMIAH 51:29

Khomdek cu ng’tum ne thüng ci, a i ah kyasei ci ung Bawipa naw Babilonia cu bung hmu, a u ah kä om nak ah kyak khai ah abi nak vai a law püi ah phäh ah kyak ci nei.

JOEL 3:2

Kei naw changpakhui gui avan ka bum gui khai m’khoicha nak ah khong nawi ung ka law püi gui khai. Acu ah ka m’khoicha gui khai cun cu ka chang gui ah khan ah ami bi avan ah phäh ah kyak khai. Ngami naw Israel gui cu akho hei ungka ng’phyiitpai sak gui ci gui, ka khaw Israel cu ng’pai sak ci gui.

NG’ÄI KYAH 2:17

Bawipa naw abi vai ah am kyih nak cu, ak hnu ah bik ci nei. Ani naw acau pui a nak bäi gui pyi ah mäi ah ah chimgein nak kä om sei, ani naw na m’di gui ci nei. Ani naw mi ga gui am näng nak pe gui ci, mik mi ah yung kyak ah phäh ah yeikyai nak pe gui ci.

JEREMIAH 51:27

“Ng’tuk nak vai alan hleek vä, phyung heng tum vä, cun ung pakhui gui naw ng’yak khai gui! Babilonia ng’tuk püi vai ah pakhui gui pawng htein vä! Ararat, Minni la Ashkenaz uk nak khaw gui am ng’tuk vai ah mawng m’thein vä. Ng’tuk ung lam ma khan bawi tumat tha vä. Khanpeh bum gui ah mäih ng’se gui cu law püi vä.

JEREMIAH 50:2

“Chang pakhui gui am ng’thu m’thein vä! Hmat sak gui vä! m’hnüt nak cu pe ne, ng’thu cu ng’shäu vä! Adüm ah kä nami gim vai nei! Babilon cu ng’kia pyi ci nei! A khanpughi Marduk cu ng’pyäuh pyi ci nei! Babilon ah agup gui cu thüi ng’aa ci gui nei, ani ah shemshai ciah agup gui cu deng pyi ci nei!

NG'THU K'THUUK~ 21:30

Chang ah cüivai nak hmuhmat nak, ngaih-tüh nak, Cun gui cu Bawipa naw a hnungtuk püi ung akholä ah kyak ci.

JOSHUA 8:14

Ai ghangpughang naw Joshua ah chang gui cu hmu gui neta, ang ghit ah hnüntho lawk ci. Ani la a chang gui ami van cu Jordan khaw nawi ayan ami ng’tuk nak ah hmun ung, Israel gui tuk gui vai ah hteit ci gui. Ani naw hnu täng ah ka naw ami tuk law vai cu kä hmat ci.

JEREMIAH 4:28

Khomdek cu thüi kyap khai; Khomik cu mü ne hmüp khai. Cun cu Bawipa naw a pyen nei, ani naw amlung kä m’thawng khai nei. Ani naw am hnüt bäi nak bik ci, ani kä ng’hlat phung khai.

JEREMIAH 23:20

Cun cu ani naw abi vai ah ang ngaih gui nü kä abi pha ah chuih kä ng’pyi khai. Cun ah hnüüp gui a gawk law ung a chang gui naw htei cha sei hmat khai gui.”

JEREMIAH 50:25

Kei naw likhim gui ka gim nak ah hmun cu ka hmawng pyi ci nei, kei kamlung she nak awn cun gui cu ka k’plawk ci nei, a i ah kyasei ci ung kei, m’gäi ciah uktu Bawipa naw Babilonia ung ka bi vai a om ah phäh ah kyak ci nei.

ISAIAH 11:12

Püipyang ciah Israel la Judah chang gui, khomdek khan khawkit phli ung ka, a law püi ba gui, atäng ah akbum ba gui amdang nak ah, Bawipa naw m’hnüt nak alan cu m’tho khai nei.