JEREMIAH 51:11 - Cho Bible Common Language 2016

¹¹ Bawipa naw Media ghangpughang gui cu thawh let sak gui ci, a i ah kyasei ci ung ani naw Babilonia cu m’di vai ah angbü ah phäh ah kyak ci. Cun cu ani naw a Taigüim ami m’di ah phäh phu atuk ah kyak ci. Ng’tuk ciah bawi gui naw Thum’khän u ne, “Nami m’la gui k’tah vä! Nami shawi gui m’hnüt ge vä!

JEREMIAH 51:11 Referans Kwoze

JEREMIAH 46:4

Nami ng’se gui, a gui m’hnüt ne täu sak gui vä! ng’täu ne ng’düi ne, nami lukhu ng’büng vä! nami k’htei gui k’tah ne, nami shawiphaw gui k’bah vä!

JEREMIAH 50:45

Babilon mang gaw hnungtuk vai ah kei naw ka pawng püi la achang gui ah khan ah bi vai ah kei naw ka pawng püi cu ngai vä. Ami hta nau gui cu saw kaih gui khai gui, chang nü cu kyi kyawk khai.

JEREMIAH 50:9

Kei naw a siiptäng ah thamah ciah pakhui bum gui cu thawh let sak gui ne, Babilonia cu ka tuk sak gui khai nei. Ngami naw ng’tuk bi u ne cun ah khopäng cu khan khai gui. Ngami cu thei ciah sakap gui ah kyak ci, m’la ami ka hung, ami bü nak ka ng’chei ci.

JEREMIAH 46:9

Thumkhän vä, ng’se gui cu hteit u sä yatha gui ng’phiui u sä! Gakap gui tüi vä: Sudan la Libya ung chang gui shawi kawt ci gui, Lydia ung likap thei gui!”

ZEKHARIAH 14:12

Bawipa naw Jerusalem ng’tuk püi ciah pakhui avan ah khan ah kyih vai ah leigai chah lawk khai. Ghing ne ami om yah ung ami sa cu thuk khai; ami mik la ami m’lei phi thu yawp khai.

ZEKHARIAH 14:2

Bawipa naw pakhui avan cu Jerusalem ung ng’tuk khai gui ah atäng ah law püi gui khai. Mang gaw cu khäm u ne, im gui cu gut tep u ne, hnumi gui cu phye k’pyei khai gui. Chang a cukchü cu pha ne dawng püi khai gui, a cuchü cu mang gaw ah k’pawih shüt khai gui.

JEREMIAH 51:35

Zion chang gui naw pyen u sä, “Keimi ah khan ah ami bi ah c cawi m’sau nak gui cu Babilonian naw k’chaw na sä!” Jerusalem chang gui naw pyen u sä, “Keimi ah yaica nak gui cu Babilonia naw k’chaw na sä!”

JEREMIAH 51:24

Bawipa naw pyen ci, “Babilonia la achang gui naw Jerusalem ah khan ah ami bi ah akshe gui avan ah phäh ah kei naw ka pek ba gui cu nangmi naw nami hmuk khai.

JEREMIAH 51:12

Babilonia k’paang tuk vai ah alan cu pe vä. Gaw ngäng ci gui khüighat sak vä! Ng’mah ne ng tuk khai gui tha gui vä!” cik ci. Bawipa naw Babilonia chang gui ah khan ah abi vai a pyen cu bik ci nei.

JEREMIAH 50:25

Kei naw likhim gui ka gim nak ah hmun cu ka hmawng pyi ci nei, kei kamlung she nak awn cun gui cu ka k’plawk ci nei, a i ah kyasei ci ung kei, m’gäi ciah uktu Bawipa naw Babilonia ung ka bi vai a om ah phäh ah kyak ci nei.

ISAIAH 46:11

Kei naw akiang täng ung ka lawk khai ah chang tumat ka khü ci; Ani naw hmu kiung ah mäih ah m’tawn ne ng’phäi law ne, kei naw ka pawng püi phung bilo khai nei. Kei naw ng’thu ka pyen ci, ka pyen ah mäih ah bik khai nei.

ISAIAH 45:5

“Kei cu khanpughi nei; cun kawn ah ahei khanpughi kä om ci. Nang naw kei cu kä na na hmat pang ung phi, kei naw nang ung hlü ciah thamah nak cu ka ning pek khai.

ISAIAH 45:1

Bawipa naw sairus cu ghangpughang ah ghü ci. Bawipa naw ani cu pakhui gui näng khai ah m’düih ci; Ani naw ghangpughang gui ah huham cu khäm khai ah tüi ci; Bawipa naw ani ah hmawk ah mang gaw m’kawt gui cu hmawng khai. Bawipa naw Sairus a pyen nak cu,

ISAIAH 41:25

“Kei naw ak kyang täng ung om ciah chang tumat cu ka ghü ci nei; A siip täng ung ning tu law gui khai ah ka law püi khai nei. Ani naw uktu gui cu, ng’nai ah mäih ah, k’am shep ci naw k’am dek a neen ah mäih ah kai na gui khai nei.

ISAIAH 21:5

Ka muimang ung müei cu ami pyan pyi ah kyak ci; khin gui ami ngoh nak vai ah phla-phak gui cu phah pyi ah kyak ci. Ngami cu ei awk ci gui. Ang ghit ah thukbäi gaw lawk ci, “Bawi gui aw! Nami shawi gui m’shei ge vä!”

ISAIAH 21:2

M’gäi cik nak gui, kä bekhüt nak gui la m’di m’shum nak gui cu kei naw ka muimang ung ka hmuk ci nei. Elam gakap gui, tuhnim vä! Media gakap gui, mang gaw gui cu khaai vä! Babilon naw a bi ah yaica nak cu khanpughi naw ng’pyi sak khai nei.

ISAIAH 10:26

Kei, m’gäi ciah Bawipa naw, Oreb Lungnu ung Midian gui ka m’ghuih gui ah mäih ah kei naw ka htung awn ka m’ghuih gui khai, Kei naw Egypt ka m’kyuk ah mäih ah Assiria cu ka m’kyuk khai.

EZRA 1:1

Sairus cu Persia Uktubawi ah a kyak nak akum htük nak ung prophet Jeremiah ung Bawipa naw a pyen ah ng’thu cu bäi lawk ci. Ani naw Sairus cu a shin ah thumkhän ang ng’shäu vai ah thawh let sak ci. Ca awn gu neta ani ah uknak khaw nü ung m’lau ne phat vai ah tüi gui ci.

2 SHONTÄP NAK 36:22

Sairus cu Persia ung uktubawi ah a kyak nak a kum ät nak ung Bawipa naw Jeremiah ung a pyen ah ng’thu cu bä khai ah bik ci. Ani naw Sairus cu k’tawt shi ne thumkhän tei sak ne, gu neta ani ah uknak khaw avan ung m’lau ne ami phat vai ah pyen ci.

1 SHONTÄP NAK 5:26

Cun ah kyasei Khanpughi naw Assiria Uktubawi Pul (Tiklath Pileser) am ami khaw cu tuk sak ci. Ani naw Reuben, Kad, la ak kyang Manasseh pakhui gui cu k’täm gui neta, Habor, la Hara la Kozan Tuinu pei ah angtäi sei om sak gui ci.

1 GHANGPUGHANG GUI 11:23

Khanpughi naw Eliada ah hta Rezon am phi Solomon cu hnungtuk püi sak ci. Rezon cu amät ah bawi Zobah ghangpughang Hadadezer ungka dawng neta,

1 GHANGPUGHANG GUI 11:14

Cun ah kyasei Bawipa naw Edom pahta ungka Hadad am Solomon cu hnungtuk püi sak ci.

TAIGÜTHUM 26:25

Mi thukhän nami m’shet ah phäh ah ning m’kyuk gui khai ah ng’tuk nak kei naw ka law püi khai, nangmi cu nami mang gaw kyong ah phyawng ne nami ng’bum ba ah a kyak ung, kei naw nami ng’lung ah kä m’htei hlawt vai ah natnak ka tüi lawk khai. Nami ga gui ah ma ah nami kut nami chah khai ah ning k’ceet gui khai gui.

JEREMIAH 46:3

“Egypt bawi gui m’lau ci gui, Nami shawi gui m’hnüt ge vä ng’tuk nak ah law ge vä!

JEREMIAH 50:3

Asiip täng ah ka pakhui cu law ne Babilonia cu tu lawk ci nei, ani naw cun cu bung ah pyang khai nei. Chang gui la khisa gui cu dawng khai gui, acu ah a i phi kä om ba khai” cik ci.

JEREMIAH 51:36

Cun ah kyasei Bawipa naw Jerusalem chang gui a pyen nak gui cu, “kei naw nangmi ah mawngma cu la u ne, nangmi ah khan ah ami bi ah mäih ah nami ga gui ah khan ah ka bik khai. Kei naw Babilonia ah tui khawng cu kawi sak ne, a tuinu gui ka ket sak khai.

DANIEL 5:30

A cun ah mü ung Babilon ghangpughang Belshazzar cu ngawn ci gui;

JOEL 3:9

“Shin ah pakhui gui ah ng’lung ah nami shäu vai nei; ‘Ng’tuk vai ah pawng htein vä; nami ng’tuk’bi gui khü gui vä; nami gakap gui avan bum neta hteit vä!

JOEL 3:10

Lai thawn nak ah m’si gui cu khim ah shep vä nami ng’vin gui cu k’htei ah shep vä. Aktha ken ci naw phi ng’tuk bik khai nei.