JEREMIAH 51:10 - Cho Bible Common Language 2016

¹⁰ Bawipa naw pyen ci, “Ka chang gui m’lau ci gui, ‘Mikmi ming’düng ciah Bawipa naw m’dang ci nei, Mikmi mi hteit ne Bawipa mi khanpughi naw abi cu Jerusalem chang gui am mi m’thein gui khai nei.”

JEREMIAH 51:10 Referans Kwoze

JEREMIAH 50:28

(Babilonia ah ka laut ne dawng lawk ci gui cu Jerusalem ah lawk ci gui, ngami naw a Taihü im ung Babilonia gui naw ami biahkhau ah Bawipa kami khanpughi naw a i cha ah phu a tuk cu pyen lawk ci gui nei.)

SAM 37:6

ani naw na düng nak cu hni lung lai ah mäih ah ning khang sak khai nei.

ISAIAH 51:11

Nang naw na gun gui ah chang gui cu yeikyai u ne, ng’äi m’cu u ne, yei ne m’lau u ne, Jerasalem ung gawk lawk ci gui nei. Ngami cu angtäi sei yei kiai khai gui nei. Azä nak la thüi sei nak ung angtäi sei luat khai gui nei.

ISAIAH 40:2

Jerusalem chang gui k’thamah nak pe gui ä. M’thein gui ä, ami yaica nak cu shou lawk ci nei, tuhbäi ngami ah natnak cu m’geinsei pyi nei. Ngami ami katnak avan ah phäh ah akbe ah ka m’kyuk gui pyi ci nei.”

SAM 9:14

Cun ung kei cu Jerusalem chang gui ah ma ah ng’düi ne, Nang ka ning zeinak ah mawng avan cu ngami am ka m’thein gui khai nei. Nang naw na na hun ah hmawk ah ka yei kyai khai nei.

SAM 64:9

Ngami ami van kyihkyawk khai gui; Ngami naw Khanpughi ah bi lawh cu ngai neta, ani ah hnün thawh ah mawng cu pyen khai gui.

JEREMIAH 50:45

Babilon mang gaw hnungtuk vai ah kei naw ka pawng püi la achang gui ah khan ah bi vai ah kei naw ka pawng püi cu ngai vä. Ami hta nau gui cu saw kaih gui khai gui, chang nü cu kyi kyawk khai.

SAM 66:16

Khanpughi m’kümto ciah chang gui, law ne ngai law vä, kei ah hmawk ah abi gui cu ka ning m’thein gui khai nei.

SAM 118:17

Kei cu kä ka sik khai; ak cang ah kei cu ghing ne, Bawipa ah abi gui ah mawng cu ka ng’shäu khai nei.

ISAIAH 24:14

K’pawih ci gui naw yei nak ng’äi m’cu khai gui. Akhei tang ah om ci gui naw Bawipa a i hlawk ah adämduh cu pyen khai gui nei.