JEREMIAH 51:1 - Cho Bible Common Language 2016

¹ Bawipa naw pyen ci, “Kei naw Babilonia la a chang gui hnungtuk he m’di gui khai ah khokhi cu ka law püi ci.

JEREMIAH 51:1 Referans Kwoze

AMOS 3:6

Mang gaw ung chang gui kä ami kyih vai ung, ng’tuknak phyungpuuk a u naw tum man ne ang? Bawipa naw kä a tüih law ung leigai cu mang gaw ah khan ah gawk lawk khai aw?

HOSEA 13:15

Israel gui cu khum’gho she ah mäih ami thawh ung phi, kei naw khong gau ah ka khokhi ng’ling cu ka tüi lawk khai nei. Cun gui naw ami tui hta gui la tui shawk gui cu kawi sak khai gui, Cun ah aphu küi gui phung avan hteh püi khai.

LAMKTU 9:4

Ani cu khomdek ung kyu neh ng’yän netah, “Soul, Soul? a i ah kiah sei kei nah na k’dudeiu nak ang?” Ciah k’ä cu ng’yak ci.

ZEKHARIAH 2:8

Nangmi ning ng’tuk püi gui ci cu, kei ah ka, aknipikbäih ng’tuk püi ciah kyak ci” cik ci. Cun ah kyasei M’gäi ciah Bawipa naw shin ah ng’thu na m’kan ne, a chang gui m’di ciah pakhui gui ah om nak ah ana tüih ah kyak ci.

EZEKIEL 19:12

Cun ung phi m’lungshe ciah kut gui naw angzung ah mawi u ne, m’dek ung ghawt ci gui. Kiang khokhi naw am theih gui cu chawng sak ci. Angban gui gui cu hnget yawp ci; Cun gui cu chawng u sei, mei Awn m’khih ci gui.

JEREMIAH 50:33

M’gäi ciah Bawipa naw pyen ci, “Israel la Judah chang gui cu Shedam nak gah ci gui nei. Ngami tu ne khäm gui ci ami van naw ngami cu ngäng gui u ne, kä hteh sak gui khai gui.

JEREMIAH 50:29

“Likap gui naw Babilonia ami tuk vai ah m’thein gui vä. A i hawkcha ah li la m’la bi vai ciah hmat ciah chang nü cu tüi vä. Mang gaw cu kei vä, a u phi käk’phiaan en vä. Ani abi gui avan ah phäh ah pe ba vä, a ni naw chang gui a om püi ah mäih ah om püi tu ba vä, a i ah kyasei ci ung, ani naw ng’shei ne kei, Israel ah Theingzim ci Tumat cu ana hnung tuk püi ah phüh ah kyak ci.

JEREMIAH 50:24

“Babilonia, nang naw na na ng’tuk püi ci, nang naw kä hmat ne kei ah cuun ung na awk ci nei.

JEREMIAH 50:21

Bawipa naw pyen ci, “Marathaim la Pekok chang gui cu tu gui vä, ngawn gui ne m’di gui vä, kei ah ka thumkhän phung cu nami bi vai nei. Kei, Bawipa naw ka pyen nei.

JEREMIAH 50:9

Kei naw a siiptäng ah thamah ciah pakhui bum gui cu thawh let sak gui ne, Babilonia cu ka tuk sak gui khai nei. Ngami naw ng’tuk bi u ne cun ah khopäng cu khan khai gui. Ngami cu thei ciah sakap gui ah kyak ci, m’la ami ka hung, ami bü nak ka ng’chei ci.

JEREMIAH 49:36

Kei naw akit gui avan ung Elam cu khi khai ah khokhi ka pyang khai ani ah chang dawng gui ah kä gawk nak ah khopäng kä a om ba güt ung ani ah chang gui cu kho nü ung ka püi sak gui khai.

2 GHANGPUGHANG GUI 19:7

Bawipa naw uktubawi am ng’thu ng’lak cu ng’yak sak khai, a cun naw ani cu amät ah khaw ah hteh ba sak khai, a cu ah ani cu Bawipa naw ngawn sak gui khai.”

SAM 137:8

Babilon, nang cu na di khai nei. Keimi ah khan ah nang naw na bi ah hmawk ah ning thung ba ne bik ciah chang ah khan ah yeikyai nak om sä,

JEREMIAH 23:19

Ani ah m’lungshe cu puikho khi ah kyak ci, changshe gui ah lu han ah khi ciah khi nu ah kyak ci.

ISAIAH 13:13

Kei, m’gäi ciah Bawipa naw, ka m’lungshe nak ka m’dang hnüüp ung, kei naw khankho ka thüng sak khai, khomdek cu amät ah om ah akpung ung thüng khai.

ISAIAH 14:14

Nang cu khaw ng’mei gui ah apam ah hang kai ne, m’gäi ciah kyak vai ah na pyen te ci.

ISAIAH 21:1

Shin cu Babilonia ah mawng thumkhäh ah kyak ci. Khawng gau khaw kan ne ng’pheet lawk ciah kuiphak ah mäih ah. Leigai cu kyih vai kyak ciah khaw ung ka gawk lawk khai nei.

ISAIAH 47:1

Bawipa naw pyen ci, “Babilon, na mang kiang ung ka kyum law ne, m’dek khan ah m’vut ung ngo ä. Ayanä nang cu ng’lami hta ah mäih ah a u naw kä a tuk man ah mang gaw ah na kyak ci, Cun ung phi nang cu kä na awigi hniphnoi ba ci! Tuhbäi nang cu khlei-htein ah na kyak ci!

JEREMIAH 51:53

Babilonia naw khankho ah hang kai ne ng’tuk im khäng a caw hung phi acun m’di khai ah chang gui cu kei naw ka tüi khai nei. Kei, Bawipa naw ka pyen nei.”

JEREMIAH 51:60

Kei naw ca-uk tumat ung Babilonia ah khan ah gawk lawk khai ah dishum nak gui avan la Babilonia ah amawng shei gui cu ka guk ci.