JEREMIAH 50:9 - Cho Bible Common Language 2016

⁹ Kei naw a siiptäng ah thamah ciah pakhui bum gui cu thawh let sak gui ne, Babilonia cu ka tuk sak gui khai nei. Ngami naw ng’tuk bi u ne cun ah khopäng cu khan khai gui. Ngami cu thei ciah sakap gui ah kyak ci, m’la ami ka hung, ami bü nak ka ng’chei ci.

JEREMIAH 50:9 Referans Kwoze

JEREMIAH 51:11

Bawipa naw Media ghangpughang gui cu thawh let sak gui ci, a i ah kyasei ci ung ani naw Babilonia cu m’di vai ah angbü ah phäh ah kyak ci. Cun cu ani naw a Taigüim ami m’di ah phäh phu atuk ah kyak ci. Ng’tuk ciah bawi gui naw Thum’khän u ne, “Nami m’la gui k’tah vä! Nami shawi gui m’hnüt ge vä!

JEREMIAH 50:29

“Likap gui naw Babilonia ami tuk vai ah m’thein gui vä. A i hawkcha ah li la m’la bi vai ciah hmat ciah chang nü cu tüi vä. Mang gaw cu kei vä, a u phi käk’phiaan en vä. Ani abi gui avan ah phäh ah pe ba vä, a ni naw chang gui a om püi ah mäih ah om püi tu ba vä, a i ah kyasei ci ung, ani naw ng’shei ne kei, Israel ah Theingzim ci Tumat cu ana hnung tuk püi ah phüh ah kyak ci.

JEREMIAH 50:26

Akit päng ungka naw tu vä, htang ami tha nak ah khei gui cu a hmunah gäi vä! Nami gut tep gui cu htang pum ah mäih ah pum vä! khopäng cu m’di vä! A i phi kä nawng en shüt vä!

JEREMIAH 50:21

Bawipa naw pyen ci, “Marathaim la Pekok chang gui cu tu gui vä, ngawn gui ne m’di gui vä, kei ah ka thumkhän phung cu nami bi vai nei. Kei, Bawipa naw ka pyen nei.

JEREMIAH 50:14

“Likap gui, Babilon la a pei yung hnungtuk vai ah pawng ge vä. Nami m’la avan awn Babilon cu kap vä, a i ah kyasei ci ung ani naw kei, Bawipa cu katnak bi ne na hnungtuk püi ci nei.

JEREMIAH 50:3

Asiip täng ah ka pakhui cu law ne Babilonia cu tu lawk ci nei, ani naw cun cu bung ah pyang khai nei. Chang gui la khisa gui cu dawng khai gui, acu ah a i phi kä om ba khai” cik ci.

JEREMIAH 15:14

A i kä ami hmat nak ah kho ung ngami naw ami ga gui ah bii ami bi vai ah kei naw ka bi gui khai, a i ah kyasei ci ung kei ah m’lungshe nak cu mei ah mäih ah kyak ci, cun naw khonglän ung ui gui khai.”

ISAIAH 41:25

“Kei naw ak kyang täng ung om ciah chang tumat cu ka ghü ci nei; A siip täng ung ning tu law gui khai ah ka law püi khai nei. Ani naw uktu gui cu, ng’nai ah mäih ah, k’am shep ci naw k’am dek a neen ah mäih ah kai na gui khai nei.

ISAIAH 21:2

M’gäi cik nak gui, kä bekhüt nak gui la m’di m’shum nak gui cu kei naw ka muimang ung ka hmuk ci nei. Elam gakap gui, tuhnim vä! Media gakap gui, mang gaw gui cu khaai vä! Babilon naw a bi ah yaica nak cu khanpughi naw ng’pyi sak khai nei.

2 SAMUEL 1:22

Jonathan ah li cu sih nak ah kyak ci, Saul ah khim ung m’gein nak kä om ci, Hlüngtai ci tu hnep ne, ga phi ngawn ci.

SOLOMON NG’Ä~ 3:8

Ngami ami van cu khim bi thei ci gui; ngami cu ng’tuk nak ng’thei pyi ci gui ah kyak ci. A chang sing naw khim sem kawt ci gui, cun cu mü ung ami ng’tuk nak vai ah kyak ci.

JEREMIAH 25:14

Kei naw Babilonia gui am ami mät ah bi ah phäh ah ka pe ba gui khai, changpakhui akda la dämduh ciah ghangpughang gui naw ngami cu k’hleihtein nah gui khai gui.”