JEREMIAH 50:42 - Cho Bible Common Language 2016

⁴² Ngami naw amili la khim cu lak ci gui; ngami m’ghämce ci gui, m’gein nak kä om ci. Tuinu ah ng’güüt ah mäih ah ami k’se gui ami ng’cum cu kyak ci. Ngami cu Babilonia hnungtuk ne ng’tuk ge vai ah om ci gui.

JEREMIAH 50:42 Referans Kwoze

ISAIAH 5:30

Cun ah hnüüp a gawk law ung, ngami cu Israel ah khan ah tuinu ah ng’güüt hlawk ah m’lau khai gui. Shinah khaw cu teng vä! Mü hmüp la geinvai nak ah kya ci! Akdei cu mü hmüp naw m’zaw ci nei.

JEREMIAH 47:3

Ngami naw ng’se gui ah kho ng’leh ng’yak khai gui, yatha gui ah ng’kyeet, piing gui ah ng’phiui ng’yak khai gui. Nupa gui naw ami hta hmaw gui cu ng’hlat ne kä teng ba khai gui; Ami kut gui cu ng’gung ne ng’bat khai.

JEREMIAH 8:16

Mi ga gui cu Dan mang gaw ung gawk law pyi cu gui; mikmi ngaw ami se gui ah ami gin cu mi ng’yak ci. Ami ng’se gui a viik law ung khi avan cu ng’thüng ci. Mi ga gui aw law u ne, mi khaw la cun ung om ciah ang nü, mi mang gaw gui la chang gui avan cu m’du cu gui.”

ISAIAH 47:6

Kei cu ka chang gui ah khan ah ka m’lungshe te ci; ka mät ah kä chang gui ah mäih ah ka om püi gui te ci; Nang ah huham ah ka ah ka tha gui te ci, Cun ung phi nang naw kä na chimgein gui ci, aghipa gui phi akghatah na om püi gui ci.

THU PHLAAN 16:6

Ngami naw Khanpughi ah chang gui la purofet gui ah si cu huk sak ci gui nei, cun ah kyasei ami awk vai ah si cu na peit gui ah kyak ci nei. Ngami cu ami bi ah mäih ah gah ba ci gui ah kyak ci nei” cine a pyein cu ka ng’yak ci.

JAMES 2:13

Chimgein nak kä om te ciah chang ah khan ah, Khanpughi naw m’khoichaa nak abi hnüüp ung, chimgein nak kä m’dang khai nei, Cun ung phi m’khoichaa nak ah khan ah chimgein nak ah m’khütnäng nak om ci nei.

JEREMIAH 50:14

“Likap gui, Babilon la a pei yung hnungtuk vai ah pawng ge vä. Nami m’la avan awn Babilon cu kap vä, a i ah kyasei ci ung ani naw kei, Bawipa cu katnak bi ne na hnungtuk püi ci nei.

ISAIAH 14:6

Cun gui naw chang gui cu m’lungshe ne shadam na u ne, ngami naw ami khäm ah pakhui gui cu kä ng’düm ne kdukdein nak ci gui nei.

ISAIAH 5:28

Ami m’la gui cu ghat ne, ami li gui cu kah ghet vai kyak ci. Ami ng’se gui ah khopaw gui cu meikhatlung ah mäih ah liu ne, ami zatha-ping gui cu kuiphka ah mäih ah ng’tum ci.

SAM 74:20

Keimi ung na thukhän cu shüm ba ä. Kho a hnüp nak ah kho cawi päng ung shetkat nak bäng ah kyak ci nei.

SAM 46:6

Chang pakhui gui kyikyawk ci gui, uknak kho gui thüng kyüng ci gui; Khanpughi kho hmum sei, khomdek ng’phiüi ne long ci.

ISAIAH 47:1

Bawipa naw pyen ci, “Babilon, na mang kiang ung ka kyum law ne, m’dek khan ah m’vut ung ngo ä. Ayanä nang cu ng’lami hta ah mäih ah a u naw kä a tuk man ah mang gaw ah na kyak ci, Cun ung phi nang cu kä na awigi hniphnoi ba ci! Tuhbäi nang cu khlei-htein ah na kyak ci!

JEREMIAH 30:14

Nami m’hni gui ami van naw ning m’hnih gui ci nei; Ngami naw nangmi cu a i ah kä ning sui ba gui ci gui. Kei naw ga ah mäih ah ka ning tu gui khai; Nangmi ning m’kyuk nak gui cu nuipai aih ci nei, a i kyasei ci ung nami cheishoh nak cu a dämduh aih ne nami hmakat nak cu da aih ci nei.

JEREMIAH 50:9

Kei naw a siiptäng ah thamah ciah pakhui bum gui cu thawh let sak gui ne, Babilonia cu ka tuk sak gui khai nei. Ngami naw ng’tuk bi u ne cun ah khopäng cu khan khai gui. Ngami cu thei ciah sakap gui ah kyak ci, m’la ami ka hung, ami bü nak ka ng’chei ci.

JEREMIAH 51:27

“Ng’tuk nak vai alan hleek vä, phyung heng tum vä, cun ung pakhui gui naw ng’yak khai gui! Babilonia ng’tuk püi vai ah pakhui gui pawng htein vä! Ararat, Minni la Ashkenaz uk nak khaw gui am ng’tuk vai ah mawng m’thein vä. Ng’tuk ung lam ma khan bawi tumat tha vä. Khanpeh bum gui ah mäih ng’se gui cu law püi vä.

EZEKIEL 26:3

Cun kawn ah shin cu kei, uktu Bawipa naw ka pyen nei: Tire mang gaw, kei cu na na ga nei, kei naw nang ning tuk khai ah changpakhui akda ka law püi khai, ngami cu tuinu ah ng’hnawk ah mäih ah lawk khai gui.

JOEL 2:5

Ngami cu khomhtung lai ung ng’pet u ne, ng’se yatha ah mäih ah känggäng ci gui; khu chawng mei ah uih ah mäih ah ng’ging ci gui, Ngami cu ng’tuk bi ge khai ah gakap ah mäih ah ng’kyäng ci gui.