JEREMIAH 50:4 - Cho Bible Common Language 2016

⁴ Bawipa naw pyen ci,” Cun ah khin a gawk law ung Israel la Judah gui ami van kyap u ne, kei, ami na khanpughi cu na shui khai gui.

JEREMIAH 50:4 Referans Kwoze

HOSEA 3:5

Cun ung phi Israel chang gui cu Bawipa ami Khanpughi la ami ghangpughang David ah htangshon ah ami ng’hlah law ba nak vai ah akhin cu gawk lawk khai nei. Cun kawn ah ngami naw Bawipa cu kyih aa u ne ani ah m’cümhnah akni cu gah khai gui nei.

HOSEA 1:11

Judah chang gui la Israel chang gui cukawng ät ba khai gui. Ngami naw ami mät ah phäh ah ng’vaihta tumat ghü khai gui. Ngami cu ami khaw ung geit kaw u ne, bühmang ba khai gui. Ä! Jezreela ah hnüüp cu dämduh ciah hnüüp ah kyak khai!

JEREMIAH 31:31

Bawipa naw pyen ci, “Israel chang gui la Judah chang gui awn ng’thukhän thai ka bi nak vai ah akhin cu gawk lawk ci nei.

ZEKHARIAH 12:10

“Kei naw David ah htangshon gui la Jerusalem ung chang gui cu, m’gein nak ah mümcha la tagüi nak ah mümcha awn ka be sak gui khai. Ngami naw ami mät naw shun ne ami ngawn cu teng khai gui, a hta tumat ah phäh ah thüi kyap ci gui ah mäih ah ngami cu ani ah phäh ah thüi kyap khai gui. A hta htük chük sei thüi kyap ci gui ah mäih ah ngami cu akshe ah thüi kyap khai gui.

JOEL 2:12

“Cun ung phi tuhbäi, Bawipa naw pyen ci, Ei hlawi nak la thüi kyah nak awn, M’lung neim sak ne ng’yuu ba ne, kei ah ng’hlat law ba vä.

EZEKIEL 39:25

Uktu Bawipa naw pyen ci, “Cun ung phi tuhbäi, Jakob ah htangshon Israel gui cu kei naw ka chimgein gui khai, ka ng’bühmang ba sak gui khai. Kei naw ka ming theing cu ka shungvong khai.

JEREMIAH 33:15

Cun ah akhin ung kei naw David ah düng ciah htangshon cu ghangpughang ah ka ghü khai nei. Cun ah ghangpughang naw düng ci la taga cicu khaw avan ung bik khai nei.

ISAIAH 63:4

Kei ah ka chang gui hun nak gui vai ah akhin cu gawk lawk ci nei, ciah kei naw ka k’bäi ci: cun cu ami ga gui m’kyuk nak gui vai ah akhin ah kyak ci —

ISAIAH 55:6

Bawipa ah ng’hlat ne, ani ah k’taigü vä, Tuhbäi ani cu ng’et pyi ci nei.

ISAIAH 45:19

Kei naw m’zih ne thu kä ka pyen ci, ka ng’bü nak phi kä ka thup ci. Israel chang gui naw a khaw shiu ah kei ami na shui vai ah kä ka k’thäh man ci. Kei cu Bawipa nei, düng ciah thu ka pyen ci nei; kei naw hman ci cu ka ng’hmat sak ci nei.”

ISAIAH 14:1

Bawipa naw a chang Israel gui cu m’gein ba gui mä ne, amät ah chang ah ghü ba gui ci. Aui naw ami mät ah khaw ung om ba sat gui mä khai, akhawhei chang gui cu a cu ah law u ne ngami awn atäng ah om khai gui.

SAM 105:4

Bawipa naw a ning m’htei gui vai ah a pei ah hteit vä; ang däih ah khawihnah vä.

JAMES 4:9

Thüisei vä, kyap m’lau vä; nami gaih nak cu, kyah nak ah ng’lat sak vä! Nami yei nak cu thüi nak ah ng’lat sak vä!

JEREMIAH 41:6

Ishmaela naw ngami hmu gui khai ah mizpah ah ka naw hteit ci, ani cu lam ung a hteh ah pum kyap ci. Ngami ah law neta ani naw a pyen cu, “Nami bü ni, law ne kedaliah cu teng law vä.”

EZEKIEL 16:61

Na be ang vaiba la na be a hmaw ba nai law ba ung nang a i Cha ah na hnün thawh cu na shüm ba khai, na lü ng’aa khai. Shin cu nangmi awn thukhän ung kä a om ung phi, ngami cu nangmi ah hta hnumi gui ah mäih ah ka kyak sak gui khai.

HOSEA 6:1

Chang gui naw pyen ci gui, “Bawipa ah mi ng’hlat ba khai nei. Ani naw na nat sak gui ci, cun ung phi ani naw akcang ah na gei ba sak gui khai nei. Ani naw na leim sak gui ci, cun ung phi mi leim cu na hlawp pe gui khai nei. Ani naw cun ah kä bik khai ang?

2 SHONTÄP NAK 7:14

ngami cu kei ah taigü u ne, akshe gui ami bi nak ungka ng’yuu ba u ne, ami ng’hlah law ba ung, kei naw khankho ah ka naw ka ng’ya gui khai, ami katnak ka m’geinsei gui khai, ami khaw ka ng’bühmang bu sak gui khai.

HOSEA 11:10

“Ami ga gui ah khan ah phongkawng ah mäih ah ka m’ngaw law ung, ka chang gui naw na läk lawk khai gui, Ngami cvu akhei täng ah ka ang ghit ah kei ah law ba khai gui.